時間過得好快，年已過有部份人在初四已開工，因疫情嚴重好多都轉在家工作，我明天開新工啦又剛巧初七人日，預祝十家人日開開心心健康快樂，今日雖然星期日可以瞓晏啲，但都一早起身出去買餸順便買點心回家同啲女一齊食，開工後又會好忙，所以今晚煮豐富啲提早慶人日，呢幾日都無出去唔知環境，家姐同妹喺度講啲菜好貴，我還叫她們去超市會平啲，以前過年通常街市休好耐，近呢幾年通常初四都開，有啲初二開但超級貴，記得幾年前無出去在香港過年，無準備去街市買菜，生菜平時幾蚊斤但果年喺幾倍後來先發現超市無咩點加，之後新年前都會買定，如果無都去超市，今日諗住已過年就去睇下，檔檔都無寫價，走去買開果度買菜心，她不停話28，我最初無留意，比20時她話28我話咁離譜，她話昨天賣40一個上午都無哂，無諗過好肉痛，今日同個媽咪講開，她話昨天喺佐敦18蚊斤，我話好抵咁我呢邊好離譜，跟住買啲蝦同魚就回家，煲好湯準備好其它就返熱啲點心同啲女一齊食，上下綱悠閒埋今日又開始忙，今晚煮得好多大家都好開心傾下講下開開心心又一餐
蟲草湯
好耐無蒸魚
薑蔥雞
椒鹽豬扒
花膠羊肚菌海參炒西蘭花
金銀蒜蒸元貝
茄汁蝦
午餐的點心
今早的早餐
差唔多每日同老公的簡單早餐，蘑菇炒蛋加芝士，有時就蛋青瓜同牛油果，蛋牛油果蕃茄，其實都喺有咩用咩
今日呢杯蒸餾完好似花
有時比女的早餐麵包
有時都會用機整呢款好方便加自己喜歡的
沒有留言:
發佈留言