晚餐之粟子冬菇炆排骨

今日第三日在家休息，本來諗住在家唔出去，叫老公買菜回來就好，最後個媽咪確實星期五出院，咁星期五就開工，老公而家正常返，放工時間就遲咗回家都要7點後，如果再買餸就更夜，所以同啲囡食完午餐，她們出去後我執咗一陣嘢都喺出去買定多些少嘢，因為頭幾日通常都會遲收，搞掂哂基本嘢先，買咗好多嘢又夠幾日，等老公放工唔洗急買完又煮，分好哂嘢又喺時間準備晚餐，好忙準備好好彩未煮睇返原來2個囡都唔返嚟食，咁又要收起部份菜留明天，得我同老公就是旦食，炆咗粟子冬菇排骨部份留比老公明午帶飯，食淨可以留明天，煎咗芽帶魚老公最愛

用排骨新鮮雞腳煲咗湯底，點知少2個食就加咗碗飯做湯飯，咁就唔洗浪費啲湯

老公見到太開心，我叫他食住先才發現忘了影相，哈哈哈

最喜歡用電飯煲炆餸，簡單快捷又唔洗睇火好方便

先將排骨同薑蒜放入煲煎煎連油都唔需要，因排骨會出油，之後加冬菇粟子炒勻吸下排骨香味，再加入豉油，指天椒，冰糖同水炆半個鐘

差唔多乾水試下味就搞掂

午餐同2個囡食的酸辣麵，本來話叫譚仔想食酸辣麵，平時我返工就話叫，我在家當然自己煮

先用排骨做湯底，跟住加雞，冬菇，魚柳，腸仔，支竹滾起加麵，菜同肥牛再加調味簡單又好味