時間過得好快開咗工差唔多3個星期，下星期BB滿月啦，開工通常會遲回家，好彩老公收6點通常都喺他幫忙買餸，如果我回家早就會去超市買啲肉準備比老公回家容易處理，有時會醃定雞翼，咁可以入焗爐焗，唔洗餐餐都喺碌熟就算都幾次打邊爐，全部要食放哂入煲，滾起就食得，今晚雖然一煲過但就多咗雞翼同三文魚，呢啲最方便超市實買到，今早出門前醃咗雞翼，三文魚就攞出嚟解凍，老公回家就先浸菜，跟住焗雞翼，煎塊三文魚扒，人齊就將菜，肉放哂 入煲滾起就食得，開開心心又一餐
大囡話好想食就買咗盒回來，今晚就唔洗加麵入煲啦
喜歡煮食的我, 每日開心煮和大家分享每一餐
2021年3月25日星期四
2021年3月21日星期日
晚餐之牛肩肉泡菜炒年糕
時間過得好快又星期日，呢個星期都喺忙晚晚都遲成個鐘先走，雖然有工人姐姐，但她好醒目見咁耐呢個都喺睇情況做嘢，而家聽講話工人難求好多都重金請人，之前聽個媽咪講要成7.5k先請到，如果唔好彩又要補錢叫她走，真係幾慘近呢年因疫情難請，只要唔過份能照顧個BB她們都算，而家啲工人想點就點食得好，嘢就唔洗做足時間去照顧個BB，其它清潔或煮嘢做到就做做唔到就算，唔同以前好多要求，所以而家啲姐姐好有福，呢個見喺房睇電話同瞓覺時間多過做，真係好有福，對我嚟講有姐姐同無都一樣，做好哂就走，有時遲啲都無所謂，最緊要搞掂晒，今日雖然休息但都喺8點幾就起，因為老公過去家姐家幫手換燈，姐夫好心急所以老公都係早去搞掂就回，午餐煲咗粥炒過麵，大女上完堂約咗人未夠鐘就買咗點心回來一齊食完先再出去，晚餐話唔喺度食，最後話唔想出就喺屋企食，咁就加多個泡菜炒年糕，原本喺準備明晚先煮，咁今晚就煮咗先，喺樓上買咗牛肩肉切片加埋去炒，估唔到好好味而且都唔韌好好味，下次可以再買加多個雜菜煲是是但但又一餐
午餐的雜錦雞粥同炒麵配點心
呢2星期煮比媽咪的部份餸
呢個自制咗杏脯醬煮咗個杏脯骨，媽咪好喜歡昨晚都煮多次
呢個媽咪最食喜歡生果
蘋果豬扒都喺她最愛
2021年3月14日星期日
晚餐之茄子雞肉炒米粉
時間過得好快，忙足9日今日星期日在家休息一下，呢個媽咪出院喺星期五，怕星期日未準備好，想我星期日都返當然無問題，所以上星期日都開工，今日本打算在家休息一下，今晚叫外賣，午餐就家有咩整咩，最後都喺煲湯煮飯，一開工差唔多晚晚都喺簡單一煲過煮粉麵，她們自己想食咩就賣些少回來，今早又8點幾就起，大女要上堂煮咗火腿蛋麵同咖啡食完就出門，跟住同老公食咗麵包，清潔一下，我就出去買些少料回來煲湯，午餐就用昨晚食淨啲鴨去煲粥加多個炒麵就算，因為星期日在家都會早食晚餐，搞掂完休息一下覆下其它媽咪啲信息又4點，見家還有麵包淨就整咗西多比老公tea一 tea，差唔多6點又準備晚餐，7點就開飯，今晚個個唔想食飯咁我就炒個米粉配啲菜，開開心心又一餐
簡單的午餐-皮蛋鴨粥配雜絲炒麵
2021年3月3日星期三
晚餐之粟子冬菇炆排骨
今日第三日在家休息，本來諗住在家唔出去，叫老公買菜回來就好，最後個媽咪確實星期五出院，咁星期五就開工，老公而家正常返，放工時間就遲咗回家都要7點後，如果再買餸就更夜，所以同啲囡食完午餐，她們出去後我執咗一陣嘢都喺出去買定多些少嘢，因為頭幾日通常都會遲收，搞掂哂基本嘢先，買咗好多嘢又夠幾日，等老公放工唔洗急買完又煮，分好哂嘢又喺時間準備晚餐，好忙準備好好彩未煮睇返原來2個囡都唔返嚟食，咁又要收起部份菜留明天，得我同老公就是旦食，炆咗粟子冬菇排骨部份留比老公明午帶飯，食淨可以留明天，煎咗芽帶魚老公最愛
用排骨新鮮雞腳煲咗湯底，點知少2個食就加咗碗飯做湯飯，咁就唔洗浪費啲湯
最喜歡用電飯煲炆餸，簡單快捷又唔洗睇火好方便
午餐同2個囡食的酸辣麵，本來話叫譚仔想食酸辣麵，平時我返工就話叫，我在家當然自己煮
先用排骨做湯底，跟住加雞，冬菇，魚柳，腸仔，支竹滾起加麵，菜同肥牛再加調味簡單又好味
2021年3月2日星期二
休息第二日的晚餐
今日如常早起搞掂老公，大女出門就去瞓多陣， 起身同細囡食咗早餐各自活動，午餐煲咗臘腸雞飯同細女一齊食完各自工作，而我就清潔同好好執拾一下屋企，今年過年要開工無時間清洗，呢幾日真係要好好清理一下，剛完工的媽媽今日又比咗阿囡張相好搞笑，工人姐姐同她講嘢好另去一面唔理她，完工前叫姐姐有時間同她講多啲嘢，呢個囡應該好快識講，只要多同她講同教她，話咁快又準備晚餐，早2日一次過買咗3種魚，昨晚食咗鯇魚，今晚食沙猛好耐無食，可能過咗一晚感覺差咗些少，用半煎煮方式加些少豆醬估唔到又幾好味，可能太耐無食，怕啲囡唔食就用魚柳煮西蘭花，再煮個蝦米冬菇雲耳粉絲，煎蠔餅同三文魚蕃茄豆腐湯，等齊人又開餐
訂閱：
文章 (Atom)