晚餐之海南雞飯配雜菜雲吞魚肉煲

昨日準備咗雞煮飯，最後炒咗年糕，改今晚煮，簡單將雞洗乾淨後加1湯匙酒同半茶匙鹽醃一醃，我今次好簡單將飯煮時同雞一齊蒸再配豉油，薑茸同甜酸醬，煲飯時要比平時水少，因為蒸雞時啲雞湯同酒會滴入去，所以唔想飯太淋就要比平時落少啲水，煲咗飯就加多個雜菜雲吞煲，搞掂又開飯

雞配3款醬

飯同雞一齊煮方便又好味

雞湯同油會入哂喺啲飯好好味

晚餐之泡菜炒年糕

時間過得好快又星期五啦，之前以為呢個媽咪會早，因為第一胎早咗十日，正常第工胎都會早，點知休息咗2個幾星期還未有動靜，下星期預產期到可能都會安排入院催生，做咗咁耐第一次喺私家都可以等順產，通常都會令到個媽咪開刀，又或者堅支到個醫生比定個期無動靜就入院催生，所以而家唯有等睇呢個媽咪最後點，今日又同平時一樣搞掂家中嘢又出去個幾鐘後去買餸回家，今日買咗雞起咗髀，翼同胸肉，其它就去煲個湯，諗住整海南雞飯，點知阿囡話今晚想食炒年糕，咁就將雞收起留明晚，改咗焗雞脾仔，草菇炒菜心加多條煎黃花，今次買咗條好大黃花無切半推，個鑊煎唔起黏哂搞到條魚睇唔出喺咩嘢魚好搞笑，未試過咁失手，老公就以為我有咩事，會有咩事個鑊煎唔起就會咁，哈哈哈，等女回來買咗年糕先可以炒，其它料就先準備好，人齊又開飯

炒年糕的料有泡菜，魚片同扎肉加埋些少3色椒炒埋就顏色豐富

先炒香魚片同扎肉

炒到金黃有香味就加入泡菜，三色椒炒勻最後加入年糕炒到軟身就食得

晚餐之酸菜魚米線

今日約咗舊同事去食午餐，今次搵咗間新餐廳食半自助，食咁耐未試過覺得無咩嘢食，食完又周圍行，回家已經太晏，出門前已醃定雞，將雞入爐後就浸菜，今晚食酸菜魚米線最方便，將酸菜入煲搞好味加魚柳同牛肉最後加米線滾起就搞掂，加多個蘑菇炒菜心，快快手手又開餐

晚餐最簡單就喺醃定一款肉放入焗爐焗一焗，準備埋其它就可以開餐

舊同事午餐在協奏坊西餐廳

今日約咗舊同事出銅鑼灣食午餐，一早搞掂哂各人出門，就整咗個芝士蛋糕比同事，呢個剛遊完歐洲個半月，剛完工見下面又要等出年先有時間見，因為12月中又過澳洲探孫仔去到明年3-4月先回來，焗咗腰果核桃同整埋格仔餅都喺她喜歡的，搞掂哂就出門呢間大家都未嚟過上綱又講話幾好，我哋就覺得一般，今次半自助，食物好少，只有一個西湯，最特別有中國涼茶但我哋無飲，沙律菜幾款，還有些少小食，甜品都唔多有些少生果都有雪糕喺維記同事話好耐無食過，咖啡茶都自己隨意飲

沙律菜只有這幾款，從來午餐半自助或自助都唔會攞包的我們今次都要食個飽，大家都喺到笑

主菜豬同事最後無食話無味

主菜魚好靚但味就無咩特別

2個主菜

幾款小食，一款喺飯

今日我大蒜湯都幾好飲

環境都好清淨好舒服，今日只得幾張枱

每日3個唔同的主菜

整咗比同事

咁啱今次整芝士蛋糕喺同事的最愛，午餐甜品都無咩啱食

自家焗的腰果同核桃又喺同事最喜歡，因為無加任何鹽或糖

晚餐之京蔥炒牛肉

今日好懶喺屋企整下呢樣又搞下嘢，又覆啲媽咪whatapp，搞搞下已經4-5點見家中又有餸就無出去行，昨日買咗只雞一雞2食起咗啲骨加咗五指毛桃，淮山蜜棗同螺頭煲個湯，雞肉就加咗干蔥蒜頭同薑去炒，之前淨咗啲京蔥簡單加肥牛自己開個燒汁就搞掂，加多個椰菜食返昨日的薄餅，簡簡單單又一餐