晚餐之電飯煲煮黃薑蒜香雞飯

今日喺屋企都喺無咩特別，都係準備早餐比大囡就再去瞓多個鐘，起身同老公食咗簡單早餐等細囡起身食午餐，而家喺屋企啲無咩時間觀念，食完午餐又整下小食，晚上又準備晚餐，昨晚用咗半只雞整咗雲吞雞同老公二個食，今晚人齊就煮個好似海南雞飯咁，因為無香予又無班蘭葉，就改用黃薑粉，蒜茸同薑茸去煮一樣咁好味，平時一杯米，但今晚就2杯米因為我都喜歡食有味飯，豉汁蒸黃立槍細囡最愛，炒個支竹雞脾菇菜心同炒露筍蝦仁蛋同煲個咸蛋節瓜排骨湯又開飯

 配咗3個醬，甜酸醬同自制甜豉油，薑茸

“黃薑粉營養關鍵來自於薑黃素功效抗癌、護心、抗氧化、抗發炎預防失智”

材料：雞半只，米2杯，薑茸1湯匙，蒜茸1湯匙，黃薑粉1茶匙，酒1湯匙，鹽1/4茶匙

先將雞洗淨去肥用同些少皮
加入酒同鹽抹勻雞身醃一醃，米洗淨

 先將雞皮肥油煎香

 見雞皮出油

 加入薑同蒜茸

 聞到薑蒜香味就加入洗乾淨的米

 加入黃薑粉炒勻

 加入水比正常煲飯少啲（每只米用水唔同照平時少啲就可以，因為雞蒸後有水）

只雞可直接放入飯面，但我喜歡用隔取出方便些

 放好哂就按飯制同平時煲飯一樣好方便

 飯跳制就搞掂

今日早餐煎咗用整豆漿淨的粉加啲麵粉撈勻，老公話味道好似豆腐乾

二人晚餐之蟲草花雲吞雞刀削麵

呢幾日阿囡要返工，一早起身準備早餐後就再去瞓下，此中唔習慣瞓好晏，9點幾起身同老公食咗簡單麵包同麥皮，清潔下，上下綱今日又整咗麻辣青瓜，諗住今整海南雞飯做配菜，點知2個都唔返嚟食，只得我同老公就簡單用咗半只雞加啲蟲草花，雲吞幾粒丸同半個椰菜加咗一個刀削麵簡單煮好又一餐

 先將雞加入薑半煮15分鐘左右，加咗啲丸再滾起

 加入雲吞煮熟，雲吞浮起就熟加入刀削麵

 最後加菜同蟲草花滾十分鐘左右

 加些少鹽糖試味就搞掂

今日早餐用左整豆漿淨的豆粉加少少麵粉去焗，食前煎一煎老公話好似食豆腐

還淨些少餅皮用只蛋加些少奶同糖焗一焗，新鮮出爐的蛋撻真係好好味

 麻辣醃青瓜

材料：青瓜2條，鹽1/4茶匙
醃料：麻辣醬1湯匙，蒜茸1湯匙，豉油2湯匙，糖1茶匙

先將青瓜間條刨皮

 刨好後去芯

 將青瓜洗淨切細條

 加入1/4茶匙鹽撈勻醃幾分鐘

 幾分鐘後青瓜會出水倒去用涷滾水沖洗再塑乾水備用

 將醃料撈勻

加入已乾水的青瓜撈勻半個鐘後就可食用

晚餐之咖哩排骨配手爪蔥油餅

今日政府部門開始部份開工啦，感覺好似疫情會好快遠離我哋，3月媽咪都通知如無意外月中會開刀，咁我應該過多2-3星期又可以開工啦好開心，老公同囡都在家工作唔洗出去，又喺屋企咁又煲粥專登落街買咗些少點心，細女話好想食牛肚，鳳爪果啲，實在都成個幾月無出去飲茶，個個喺到又忙一日，食完豐富的早午餐，老公到4點幾又話想食炸芋頭，買咗幾日都無整過，整完搞搞下又到晚餐時間，今晚啲女又話想食咖哩咁用排骨煮，記起阿囡早前買咗包手爪餅咁就順便煎下配咖哩，開飯時二個囡開心到怕手話好耐無食，開開心心又一餐

 手爪餅配咖哩真喺好啱配，記得去咖哩屋一定必食

今次呢個咖哩用咗三色椒同洋蔥加包醬，呢包唔記得喺邊個同學喺邊度買回來比我試，阿囡話好好味

先將排骨煎香2邊就加入洋蔥炒香再加入3色椒一齊炒

跟住先加咖哩醬炒勻用中細火先唔炒燶同排骨可以入到味

 炒勻後先加水同些少冰糖

 炒到差唔多收汁，排骨又軟諗

 加礶椰汁就更香滑

 試味就搞掂

 呢個手爪短阿囡話同事請她食

 簡單煎煎就食得

每邊2分鐘左右，就會見微微突起就可返另一邊

2邊金黃就搞掂

今日又喺盲曹但用咗自家醃製的咸檸檬蒸出嚟又另一味道，雖然連食4日但日日都唔同味

 老公好鍾意炸芋頭，今次刨絲加啲花生一齊炸

 今早豐富的早，午餐

 排骨咸蛋粥最啱二個囡，晚晚都好夜瞓

呢個牛肚同鳳爪真係好貴，得少少差唔多40蚊

 此中自己炒麵同餃子好味又化算

 呢只糯米雞都好足料，25蚊都合理