晚餐之老公煮豐富的海鮮餐

復活節開始啦，祝大家有個快樂又開心的復活節，以前做寫字樓就紅色一定唔洗返，但轉咗呢行返工就唔會放假，今日隨咗我返工個個都可以瞓晏啲，咁我自己食咗嘢就出門，因為入西貢怕放假多人入就提早出門，好順利未夠9點就到，早咗成個鐘都無所謂照上媽媽到幫下手，等媽咪可以多休息，今日好開心個媽咪知我過二日生日，咁啱她的姑奶舊歷生日，她就叫她買蛋糕同我一齊切，記得舊年正日喺個媽咪到，她等我差唔多收工就攞蛋糕叫仔同我切蛋糕真的好開心，無諗過她們知道，今年一樣開心又有蛋糕切，還有好多人一齊，今晚老公見人齊又買咗好多餸，回家就有得食，開開心心又一餐

同學提早同我興生日在龍寶

剛完工又立即開工，因4月的媽媽提早生咗，所以完工就返新果度，上二星期好忙早晚二邊走，終於可以停一停，呢個星期都好忙，每晚都喺好夜走，通常返新大家都未習慣，又要跟BB又要跟媽咪同煮食，呢個媽咪因為自己的問題無餵人奶，最近十個BB都喺飲人奶，太耐無做奶粉bb, 雖然自己二個都係食奶粉，但近幾年吹噓人奶好，個個都餵而我好努力學習，差唔多要餵都可全人奶，今次呢個媽媽餵奶粉，而bb 就有大便問題，其實全奶粉太燥熱比較難大便，我未返工前試過三日無，媽咪就好急book咗醫生，最後我放工專登過去同BB按完晚上就有，但真的好硬粒粒好難出要幫手先出到，今晚雖然同學同我做生日，我都搞掂先走，食自助可以食住等，生日通常都係嚟呢間，因為平大家又唔喺點食嘢，只係出嚟吹下所以搵間平又唔太差，可能太攰無咩心情食嘢，坐低唔夠一個鐘，啲同學就攞禮物同食蛋糕，輕輕鬆鬆又一晚

今晚人實在太多，可能太優惠，攞蠔或長腳蟹都有好長好同學話終於攞到，分咗部份出嚟比我哋食

 今次多咗ham同蜜瓜，我就無特別喜歡

 剛新聞講完三文魚有蟲，今晚魚生就無咩人食，而我就照攞些少

最唔想收到的維多c 因為諗起之前收到就過期的，而家見到就好唔開心，今次好好笑自己收到有啲唔開心，開哂後都專登再去搵個日期，好彩還有十個月希望唔好嘥，上次收到好似得幾個月就送比人幫手食

今年最合適的禮物就喺綠色呢樽葡萄糖按丸

晚餐之老公煮同我興祝舊歷生日

又到星期日，終於可以瞓晏啲，最近好忙四月的媽媽提早二星期生咗，而我做緊未完工，好彩她人幫手照顧，我就晚上同星期日過去跟，因為明天正式開工所以今日唔需一早過去，可以休息一下，瞓到十點起身食完簡單早餐就去買湯料，下午同老豆飲茶，之前二星期日都去拜山，上星期又去咗個新媽媽度，好彩有老公幫手星期日都老豆到同他飲茶，星期日假期知我哋會去老人家都係度等，今日老豆喺度玩嘢問我老公我喺邊個真搞笑，因為我太耐無去都係三個星期就玩嘢好搞笑，今日喺舊歷生日其實無人知，咁啱下星期日正日已book咗食自助，老公知道今日舊歷就話今晚出街食，最後飲完茶回家時去買餸話他煮，都係魚，菜加燒味唔洗煮，煮他最喜歡的豆腐火腩，蒸魚炒菜真係簡單又一餐，女兒就買咗我最愛的芒果蛋糕，雖然簡單但就好開心

專登買比我的燒鵝，鴨同鵝對我嚟講無咩分別，價錢貴咁多我令願食鴨

老公成日都比人搵笨，今次買班腩點知果條友比哂啲骨，唔怪得知咁重秤

 我最喜愛的芒果蛋糕

 今次食就真係麻麻，好多cream

今日出咗九龍城飲茶，咁啱喺潑水節，第一次見，好熱鬧見到人攞支水槍再圍射，有啲畫到成塊面白哂，好想玩下可惜無準備，家姐就拿拿淋走開怕比人整濕

 有啲著哂民族服真係好得意

又完成一份陪月工作

時間過得好快，轉眼又一個月啦，今日last day, 喺度祝媽咪健康，仔仔活潑聰明，一家日日都幸福快樂，每次完工都好唔舍得，無論那家人怎樣我都好唔舍得啲bb，每個經我湊的都大得好快，呢個滿月重咗1.5kg, 肥肥白白好得意，完工時最開心就係媽媽要餵人奶可以做到全人奶同bb健健康康就喺我工作的目的，呢個媽媽非常好，有錢但無有錢的架子，對工人又非常好，從不干涉她們只做好自己的工作就可以，呢二個工人好幸福有個好顧住，事事關心想食咩就食咩，好舍得有好嘢食都會同她們分享，可惜有個好唔得，做嘢好求其，今日還玩病個媽咪只係好緊張怕她有咩事，我同令一個工人就知她做戲，晨咁早媽咪whatapp我，話她工人話高燒起唔到身，媽咪去同她量只得36.6，無燒就話好凍，著短衫短褲天氣又涼當然冷，但媽咪都只好叫她食藥後多瞓2個鐘，點知一瞓到中午，媽咪開始有點氣，叫她起身她還裝同黑面，如果真有病就唔會做咗一陣嘢，見大工人沖涼又去沖，跟住煮咗大碗麵，成包辣餅送麵好食得，但媽咪就好慘見她成朝走嚟走去睇呢個工人自己都無休息，叫她食咗早餐去休息，午餐就遲些少，今日都盡快趕哂自己的工作同媽咪預備好燉湯包，炒米茶包，知道呢個媽咪原來好少在家煮食，所以二個工人做少好多嘢，只係湊仔同清潔，我完工後就會打回原型唔會點煮，她們又係湊仔同清潔，所以話她們幸福，呢個媽咪好舍得，我去做咗一個月，她已叫幾次麵，知她們喜歡食，初去時見細工人成日食好似唔洗做真係好幸福，今晚搞掂哂阿仔好似唔舍得我走，餐奶飲咗成個鐘，一半又大大，搞到6點幾7點，最後工人姐姐幫手，她們好客氣成家人送我走連她老公都有出嚟，媽咪都喺度笑話估唔到你都出嚟真係好比面，真的好開心

坐月期間部份的餸菜
檸檬排骨，肉眼根炒合掌瓜，木瓜雪耳湯

早餐多數會準備有味飯幫助媽咪多奶同容易煮，醃好料放哂入飯煲好快有得食

粟米肉餅

過咗12朝或bb退黃就會整葯善餸菜

元肉杞子蒸排骨

 簡單午餐一定有碗湯

呢餐晚餐媽咪專登影比我，話好好味連2歲的囡囡都喺食，差唔多清哂，清炒西蘭花，甜豆百合炒鮮魷同蓮藕餅

其中部份的湯同燉湯，主要喺比工人姐姐知道啲用料同做法

北芪黨參燉烏雞

 蓮藕章魚湯

 石崇魚湯

 家姐仔第一日都去睇bb

呢張唔知媽咪幾時同我影，阿仔開始識同我玩，應該只得二十日左右

 媽咪第三日已經有不錯的成績

 第三日

第四日話塞急call我我去醫院，按後成續已經好好，呢個媽媽好開心，因為第一胎喺無，個陪月叫她餵奶粉

 回家再按同加我啲湯水成功

滿月我都一定做紅雞蛋同蛋糕送比媽咪祝她們健康快樂

 呢個媽咪泵奶時發現好多bubble,問二個工人都話唔係話無洗過，咁媽咪當然問下我，全屋都有cam想知好易，那天記得只有個好求其的工人洗，大工人帶家姐出去，而我就好忙湊仔仔同安排日，午，晚同湯，燉湯，已經教她怎樣洗，但都喺洗到咁無法，可能遊魂睇住她做好啲轉頭就是旦洗，喺定無跟我做洗完求其過水或無過水先會咁，已經叫清潔劑只一下開盤水洗好要沖水就無可能咁

媽咪給我的信同大大大利市，每次完工最開心喺收到信，每次可以知道媽咪對我工作滿意否