晚餐次三式椒番茄炒豬

今日又有同事請病假又喺忙到死，少咗個人我喺廚房當然出面緊要啲，廚房嘢自己搞掂有時間先有人入來幫下，今日素食日湯就喺紫菜豆腐蛋花湯，仔食豆腐蒸蛋同勝瓜雲耳鮮白合，我就加咗粟米同什豆，顏色就靚啲咁就可以令到唔食瓜的小朋友都會食，今日啲仔又同我講，你煮啲嘢好好食，好開心同我講食完又加，我有食瓜又有食豆，我就話咁就叻啦，每次聽到小朋友同我講好好食就會好開心，大人今日就勝瓜炒什菇，素鵝同炒紹菜，今晚放工返去唔洗點買餸，因有魚同菜只買些少肉，買咗幾塊豬扒淋住椒鹽，最後就三式椒加幾只蕃茄煮，老公同事又送咗啲鵝掌，腸同腎，咁個豬扒留起幾塊老公同女帶飯，簡簡單單又一餐

 仔的豆腐蒸蛋，蒸咁耐最靚哩次，滑滑蛋

晚餐之白糊椒排骨咸菜湯飯

昨晚飲完回家都差唔多一點，搞掂上床都二點幾好彩今日星期日唔洗返就瞓到飽先起身，但最後九點左右都起身，二個女就下午先出去叫我唔好咁早叫她們，見她們下午先出去又好耐無一齊食早午餐，雖然好攰但唔想再瞓就去超市買料煲粥同點心，煲咗皮蛋肉片粥啲女最愛，煎啲餃子同蒸點心搞掂哂就叫她們起身，一邊食一邊分享昨晚婚宴的喜悅，傾下講下她們又夠鍾外出，而我同老公又喺去奶奶到，搞掂完就去買餸，今晚老公想飲豬肚湯，但時間太趕最後就改用排骨加咸菜同白糊椒去煲，後來就加飯變咗湯飯，炒菜蒸魚快快手手又一餐

 今早的早午餐

午餐在360

今日喺家姐娶心抱的大日子，今朝一早就去家姐家幫手，上次嫁女就熱鬧好多等新朗接新娘玩一輪就去男家，今次就喺到等無所事事，他們回來食啲嘢家姐，姐夫飲完心抱茶就他們趕出去影下相就去教堂行禮，我地就無一齊去幾個本來飲茶食午飯就去教堂，點知太多人家姐就提議去360我都唔知喺食咩，原來好似 pizza hurt 咁，我地七個人叫咗幾個餐share 食完就去教堂，哩間啲嘢幾好食，不過的自己覺得就貴咗啲，普通午餐一個飯加杯飲品最平都要$80左右加湯就另加十幾蚊，今次叫咗個墨汁海鮮飯，咖哩豬扒飯，肉醬意粉，三個鬆皮湯，二個沙律，雞翼同幾杯嘢，食完去教堂喺嗰度行完禮就去酒樓，影下相食下嘢等開席，今次婚禮都攪得好好，回禮小禮物就喺即影即有的相好有心思，高高興興又一日

晚餐之梅菜蒸鯇魚拌豆腐

今日比昨日更忙，仔餐喺清炒粟米什豆西蘭花加冬菇馬蹄蒸肉餅加個蕃茄大豆芽甘筍排骨湯，大人就多咗蒜茸黑椒雞翼，今日只係煎咗100只，已經一邊切一邊煎，下星期二就要二百只連仔可能更辛苦，自己就好緊張平時煎雞翼十點半就開始，但今日煮完仔同煮好湯又要蒸，無爐可以一邊煎一邊煮第二樣，好彩最後都趕到十二點開飯，今晚放工回去買咗豆腐滾湯，再買件鯇魚就回家，通常豆腐一件煮湯最後都淨咗，今次就用一半滾湯而另一半就蒸魚時放碟底，簡單加梅菜一齊蒸，出來的豆腐好好味，啲女都話好咁就唔洗浪費，簡簡單單又一餐

 細女開始教畫班同小手工，昨天上堂教的自己先行試試，好靚的生日蛋糕還有二款

晚餐之西餐

今日好忙都叫做搞得掂，今個月轉新餐單好多嘢都未煮過比啲仔食，好似今日就粟米魚柳同青炒蘑菇茄子，又要煎魚又要將茄子切細，大人就糖醋骨，魚香茄子同炒旺菜，木瓜雪耳南北杏排骨湯，樣樣都要切，邊炒邊切都無法，湯十點半起完就到仔餸，跟著就煮二個齋菜，本來以為可以一齊煮，但一個唔喺肉咩嘢都得，但另一個就真齋，隨咗肉還好多唔食得，搞掂完就到大人，十二點前搞掂食三圍，十二點二圍，點三一圍，尾圍幾個就點九，食完清潔又預備明天餐料，搞掂完就清潔收水又一天的工作，今晚知道個個都差唔多時間返就整下西餐，自從轉咗工都無煮，早二日大女先講好耐無食，好想食蒜茸包，螺絲粉...咁今晚就簡單整只係煲咗個蕃茄薯仔粟米湯，煎二塊牛扒，焗雞翼，豬扒，魚柳同雞串再加多個芝士白汁螺絲粉拌西蘭白椰花，開開心心又一餐