順利完成2個半月的陪月工作

 時間過得好快，完工差唔多兩個禮拜都好忙因為大女11月11號出嫁，忙試衫，還有好多嘢要準備，而家有時間就出返個post 先，喺度祝BB同個媽媽健康幸福快樂過每一天，BB喺肚唔太長，醫生建議提早bb出嚟，時間過得好快，完工差唔多兩個禮拜都好忙因為大女11月11號出嫁，忙試衫，還有好多嘢要準備，而家有時間就出返個post 先，喺度祝BB同個媽媽健康幸福快樂過每一天，BB喺肚唔太長，醫生建議提早bb出嚟，bb出嚟嗰陣時得兩磅鬆啲，媽咪好擔心怕要好耐先出得院，問我點我話唔洗擔心，醫生檢查後無咩就好快出院，出嚟食得好，瞓得好，好快就會肥肥白白，BB好叻喺醫院住咗三個星期左右就出院啦，通常5磅左右先出院，但今次BB 一齊正常可以出，我就已經完工等佢開工，BB雖然未出院我都過去幫媽咪手睇下同再送炒米茶包她飲住先，開工嗰陣時bb差唔多滿月喇我又係一樣送蛋糕同紅雞蛋畀bb，我悉心照料之下bb好叻叻食得好差唔多已經十磅多啲，肥肥伯伯好得意已經唔使去見營養師同埋物理治療師，喺呢兩個半月裏面三歲嘅家姐未識大小便仲要著片我都幫佢哋處理埋，家姐而家大小便都直接自己入廁所，今次嘅任務非常之成功好開心，而家搞掂囡囡嘅結婚大禮之後月尾左右先再開工又可以休息一下

每日都喺不同的餸菜，燉湯，湯同小食再加埋家姐仔每日不同的粉麵

滿月的雞蛋同蛋糕 BB 補慶祝100日，媽咪專登send 比我，好型仔 滿月同家姐仔一齊影 2個月好精靈可以自己搾住維尼熊 好啦個頭已經可以舉起 出院時好瘦削 兩個月已經打咗成個碼

女兒過大禮的大喜日

又星期日可以休息一下，但今日好忙喺大女兒過大禮的大喜日子，先祝她們永遠幸福健康快樂，開工後完全忙到無咩時間好彩老公昨天休息，早幾日已經要執屋太亂同太多嘢，昨晚又要裝飾一下屋企搞到3點幾，今早想瞓晏啲但7點幾都起咗身，老公好緊張又太開心再跟下有咩甩漏，我就準備簡單早餐食完準備啲利市，搞掂完輕輕鬆鬆休息一下，家姐，姐夫同細妹12點左右都過嚟幫手，好熱鬧男家成十個人送禮過嚟話十全十美，我哋都無諗過咁大陣容，放好哂所有嘢，她們一個代表講好多祝福說話後禮成，阿女同未來女婿就出現，一對新人影咗好多好搞笑相後，大家都分別同她們再影，最後嚟張大個照就出去食豐富的午餐，訂咗2圍有龍蝦鮑魚同雞絲翅餐，雖然大部份都喺第一次見，後生果圍都傾得好開心容易熟，而我哋老一圍都一樣大家都好開心邊食邊傾又到5點就各自回去，回家後處理好嫁娶物品就派禮餅比鄰居，午餐太豐富今晚就唔洗煮，食些水果就搞掂，開開心心又一日

椰子椰子必有的過大禮禮品之一

龍鳳禮餅

細妹專登先同我哋影張全家福

開始送禮後安排好，2位代表就講解禮品的一切祝福語

無諗過咁誇張

午餐到最後先記得影下相，因為個金元寶實在太靚

回家將禮品拆開後，家姐細妹攞部份

而家啲潮州禮餅好睇麻麻地好食

親家好有心參茸海味買完自己切籃，覺得自己切會更好

追月晚餐之豐富海鮮拼小盤菜

今日中秋第二日難得休息，昨晚7點幾先收搞掂哂就瞓咗，今日本來可盡情瞓，最後都喺8點幾就起，同老公簡單食咗早餐就出去買餸煲家定個湯先，因為約咗家姐同細妹出去飲茶，飲完太晏就難煲湯，姐夫好有興致話呢餐他請，家姐就叫咗好多嘢，食飽飽就去樓上幫個媽咪買啲嘢後再去買啲餸，點知老公好興致無啦啦又蝦，石班同扇貝都幾貴差唔多20幾蚊一只，最離譜喺唔劏，又話我哋無講要就等，等咗好耐最後老公話走自己整，今時今日咁樣的態度唔怪之得啲人離港消費，跟住買多些少其它嘢就回家，老公還想買鮑魚我禁住唔比買，實在太多嘢，昨晚的盤菜還未清，加返些少菜砌一個小盤菜，簡簡單單又開餐

晚餐之豐富盤菜賀中秋

時間過得好快又中秋，喺度祝大家中秋幸福健康愉快，唔經唔覺開工已個多月，只喺覺得好忙啲時間唔夠用，已經早返遲走，無諗過做咗個幾月晚晚最早都遲成個鐘先走，收5點半最早6點半先走，今晚雖然中秋都搞到7點幾先走，成家人在家等我食中秋飯真係唔好意思，家人喺最好，因為個個要返工，她們都有收早，老公就早一日預備大部份嘢，我出門前都炆定冬菇同花膠，老公整齊嘢就可以砌盤菜熱住等我回家就開餐，雖然好攰今早5點幾起身直落到而家，成家人一齊開開心心簡單慶中秋，餐後月餅同湯丸無得少，我食完太攰喺sofa瞓咗，今年最開心喺收到3年前做的媽媽專登送咗盒月餅比我流心奶黃都喺我家最喜歡，做緊呢個媽咪都好客氣，早幾日問我喜歡食咩月餅，我話唔需要唔好客氣點知她買咗盒godiva朱古力送畀我真係好開心，原來轉咗呢行今年已踏入第8年真係好快，今年中秋雖然忙忙得都特別開心

盤菜

幾多料

第二層見到花膠同海參

阿女買的冰皮同果客送的奶皇月

月餅同朱古力

老公見好靚又買回來迎中秋

開工幾日BB就滿月

月工後好快就開工，本來8月尾9月頭先開，8月中計畫同家人去旅行，大家都攞哂假，因為呢個BB有啲問題提早出世我完工後都等開工，旅行就無得預，大家就喺香港食下嘢周圍行，開工剛好2星期，日日都好忙，BB 出世喺氧氣箱媽咪諗住佢起碼過幾兩個月先可以出院，而我等BB出院就隨時開工，好彩唔洗一個月就出院，出完之後第4日就啱啱好30日滿月，回家後媽咪好忙基本安排去健康院，還有好多BB要返醫抽血，照超聲波其它覆診排得好密，開工呢2星期特別忙頭星期每晚都7點半左右先走，之後最早都6點半過後，唔知點解特別攰，回家已經8點幾9點沖完涼食咗飯都會喺sofa休息一下再去搞埋明早的早，午餐後就去瞓，雖然BB滿月都好似剛出世回家一樣，因為餵奶要特別小心，唔可以急同掃風要密掃，呢個星期已經好好BB食得好明顯已經唔同出院，媽咪開始無咁緊張，希望下星期開始唔洗咁遲走，而家又要老公跟晚餐，每晚都喺好是旦一煲過或者買外賣

滿月唔少得我送比BB的祝福，快高長大，身體健康

家姐仔3歲，說話好多，只係扭瞓就唔喺人咁品

每日午餐都準備比家姐唔同的粉麵

銀針粉

蒸餃子

部份晚餐

粟子炆雞

蓮藕餅配鴨胸炒菜

檸檬雞

昨日媽咪想食肉醬意粉就滿足下她們，家姐仔喜歡到加完又加食得多個大人

媽咪其中一個午餐

下午茶的甜品元肉杞子蛋卷餅配燉湯