喜歡煮食的我, 每日開心煮和大家分享每一餐
今日又喺一年一度的大節日，祝天下每位父親都健康幸福快樂，四大長老在世時今日就2邊走，而家就輪到啲女同爸爸慶祝，今日都一早起身準備簡單早餐同老公食後清潔一下就出去行一陣再等啲女去飲茶，飲完茶就同老公買定一星期的肉同菜，回家執好後等埋啲女又出去晚餐，大女話試過呢間幾好帶我哋去試下，去到人唔多剛好有張大枱，我哋6個人叫咗8樣嘢，本來想叫鵝片最後叫咗個鹵水拼盤好失望，以為有鵝片同其它拼埋一齊點知撈埋一齊，只有椒鹽九肚魚喺最好，其它無咩特別，埋單差唔多成千元我同老公都覺得唔值，我哋2個應該唔會再去，開開心心又一日
今日囡囡又大一生，大咗正日通常都約咗朋友，今年就自己一家四口出外食慶祝，話最後一個單身生日好搞笑，祝囡囡生日快樂，健康幸福，今日個個都要返工一早起身搞掂各人出門後自己都早出門，諗住早啲去今晚就唔需要太夜走，點知都喺好忙，差唔多收工BB好唔想我走咁，已經提早餵完，但最後又大便又扭計，我唔好意思話我約咗人晚餐唔可以太遲，我搞掂哂媽咪就幫忙自己抱住，好彩她老公回來我可以安心走，阿囡話食泰國嘢就訂咗7點枱各自直接上去，我都差唔多遲些少，她們叫定嘢拼盤，她最愛的金邊粉，細女叫咗個燒骨，我就叫咗個湯，老公就叫菜加多個生菜包，大女又想飲椰青叫咗，點知嚟時個椰青唔新鮮有酸味同她講完都立即換，其它菜開始嚟好快，我哋坐低食埋都無一個鐘，不停有人同我哋收嘢，原來出面好多人等，老公話食完就埋單唔好阻住，呢間喺綱睇食評話好好，而我覺得都可以，但食物太咸可能平時食得比較清，價錢都喺一般唔太貴又唔喺特別平，回家後阿女朋友專登買蛋糕上嚟慶生日，開開心心又一晚
冬陰功海鮮湯
一年一度的端午節，今日都女開工個媽咪安排咗同BB 出去影相，好彩時間改咗喺早上，今晚就可以回家食飯，早2日個媽咪問今日可唔可以同BB 出去影相話book 咗4點半，我話端午節果間公司會唔會早收，媽咪先話喺喎都唔記得，講咗一輪先改到時間，今日家中各人休息，只係我要返，如果唔喺要早啲過去準備定個湯就唔需要6點幾起身，可以瞓多個鐘先出門，今日都係忙，忙，忙，過到去先準備好煲定湯，9點幾就出門到咗影影影搞掂已經差唔多一點搭車回家後先趕同BB沖涼因為通常果啲地方同衫都好汚怕BB 皮膚嫩容易敏感，沖完就趕午餐好彩煲咗湯先叫她們飲湯先，邊切邊洗邊煮差唔多2點幾先有得食，食完就準備燉湯小食做下午茶，跟住準備埋晚餐後又過咗5點半放工時間，諗住今日做節可以準時收，最後都遲咗其實都已經好好，如果唔係無改就影完回家可能8點幾，沖埋涼再整埋晚餐可能就更夜，今日老公休息就簡單整，買咗糉應節
今日又星期日唔洗返工，都喺8點幾就起洗衫清潔一下，今日book咗美麗華食午餐同女慶生日，搞掂哂差唔多11點就出門食12點，今次早2日通知供應商問題無生蠔，阿囡有啲失望因為最愛生蠔，今次buffet慢慢之前有龍蝦白灼，阿囡都喺最愛諗住無生蠔就食龍蝦，喺有龍蝦但芝士焗感覺唔太新鮮，一人攞一次食咗半只就算，好彩個花膠湯改咗燉都見到幾大件，其它都係差唔多，雖然食物無上次咁好，但大家都好開心，傾下食下好快又夠鐘，之後我同老公就行一陣回家，阿囡就同朋友出去行，今晚又唔洗煮輕輕鬆鬆又一日
魚生都喺喜歡呢2樣
開工已經一個星期，日日都好忙而家好攰，好彩老公幫手放工夜返嚟沖完涼就食得，而家晚餐多數2-3人就是旦滾埋一煲加粉麵喺最快手，呢個媽咪喺我完工第二日就話見紅，怕好快開工就取消哂所有約會，通常完工都會約朋友，做過媽咪同啲婆婆，嫲嫲出嚟見下，個媽咪一路都無入院，喺私家生怕好快催生而她想順產，十幾日後的早上穿水同陣痛就入院，等到午後都催生好彩順利生咗，真係估唔到第三日就出院，正常喺私家順就4日3夜，開刀就5日4夜，政府先會好快無事順2日都出得，開刀就3-4日，以為星期尾先開工，星期二晚就問我可唔可以星期三開工，已經隨時準備開工，第一日晨早8點幾買咗些少餸就過去，因為要趕湯，午餐後去醫院接BB回來後煮午餐，第一日好忙同BB 沖涼教媽咪埋身，餵奶，換片注意的事，搞掂埋晚餐先收工差唔多8點幾，第二日好彩改咗第三日先去健康院，媽咪好心急知道出得院就立即book埋第二日去，好彩個醫生話5-7日黃擔高峰，太早去都唔好最快都星期五，咁第二日都好多事要處理基本湯，燉湯，早午晚餐，同BB沖涼同再睇下媽咪啲人奶點忙忙忙又差唔多8點走，第三日又晨早8點到約咗健康院8點9，去到搞掂11點幾以為可以回家，點知BB,黃太高要轉去醫院睇下需唔需要照燈，點知抽完血話回家等報告，醫生覺得高喺因為第三日，可能未必需要回到家已經成點收到電話要回去入院，呢度啲人好差叫得我哋入院就應該講清楚等我哋安排，點知等咗個醫生話擲界，要等高級醫生嚟再缺定要唔要留院同照燈，是實我哋一去到已安排BB 照燈還教我點開門同BB 換片同有需要餵奶點抱出嚟，等等等到3點都無人嚟，媽咪就叫爸爸入嚟等，我哋回家先以為等一個鐘點知等咗2個鐘都未知點，個媽咪又堅持回家煮午餐唔食外賣，我就同她先回家，爸爸就喺度等，等到5點有人同爸爸講個女要留到明天早上有醫生嚟睇，叫他自己餵奶同換片，如果無奶可出去攞，個爸爸就好嬲嘈完都無人理跟住話要同女出院，自己簽紙先有醫生嚟話唔可以出，爸爸就話今早7點將點到而家，如果入嚟要點早一早講我哋睇下點安排，而家咁又無片連午餐都無食等到而家，最後話搵人跟個女爸爸可以明早再嚟睇下點，第三日爸媽一早去到醫院，阿女黃已無咁高可以回家度假明早再回，本來講好準備埋星期日的湯同早，午晚餐我就休息，最後BB 要再入返去先知咩情況，咁我就星期日8點幾到同個爸爸再帶BB 入院，媽咪就休息一下，回來無時間休息搞到連傷口都痛而且好勃，好彩囡囡好乖黃退好多可以回家等打滿月針再返健康院跟，咁同BB回家沖埋涼搞掂哂就走，約咗家姐食午餐都遲咗成2點幾先到，食完太攰回家就休息，今日開始唔需要周圍走，應該會好啲，都係一早到媽咪家，雖然返10點15但都早去因為只得個媽咪同BB, 個爸爸開始返工啦，忙忙忙又喺成7點先走，搞掂哂餵埋BB先走等媽咪可以休息一下，今晚以為會早諗住齊人唔煮大家時間差唔多到家附近就食埋先回，點知我太遲走，老公就買咗2個餐回家灼碟菜簡簡單單又開飯
檸檬餐廳的焗飯同燒排骨配意粉
