晚餐之三式椒炒開邊雞翼

今早出咗去探家姐女兒同BB, 下午就同細妹去食韓燒，食得好飽回家就煮咗比老公同二個女，因家中還有餸夠他們食咁就唔洗買，只喺去超市買咗魚柳，簡單燒汁煮細女最愛，三式椒茄子炒雞翼再加個菜又一餐

午餐在佐敦漢和

今日都喺六點半起煮早餐，簡單午飯比老公，跟住搞掂哂就出去，家姐剛做咗婆婆好開心，約左阿妹同家姐喺金鐘等坐的士去醫院睇BB同兒甥女，BB都未夠十二小時已經表情多多，因喂人奶所以BB剛比媽咪就睇到，有時笑又大哭好搞笑，跟住我同妹妹先走，就順便去媽咪到裝註香等媽咪都開心下，走時因唔太熟路就坐的士去，突然好大雨到我們落車更加，由落車到過對面我同妹全身濕透，鞋入哂水就一定勁到連衫褲都可以出水，咁都無法入去裝完香就走，阿妹話好肚餓食左先走，真喺二個大鄉哩又搭錯車，最後搵到地鐵阿妹話去上次佐敦個間打邊爐，去到唔知摺左還是太早，咁就上左樓上漢和，已經2：30叫我地食，但3：30就完可以攞食物坐到五點，阿妹就話照食唔好再轉又餓又濕，咁就試下啲食物唔太多，可能就完都喺一般，但我覺得就差以後一定唔會再來

哩個碗仔翅，啲肉唔喺絲

晚餐之芝麻醬炒蝦球

星期日的餸買得太多，還有大蝦球未炒又有三式椒再加西芹去炒，今晚只喺買魚同菜，點知細女話好想食雞翼，咁又去超市買咗包，回家第一時間將雞翼用鹽水解凍又快又無雪味，跟住開邊咁就唔怕唔熟，今次用鼓油糖先撈勻醃醃留起部份，再用一湯匙麻辣醬撈勻雞翼入爐180焗半個鐘就搞掂又唔洗睇火又唔會大油煙，再炒菜，魚同蝦球又開餐

八號風的午餐之簡單海鮮大版燒

做咗成年都未試過打風唔洗返，一離職在家休息就打風唔洗返，昨晚掛咗八號個個都預左一定有半日就唔去瞓，今早我就起身睇咗幾次，最後八點都起咗，跟住出咗超市買排骨煲定飯等她們起身食完下午一定要返，突然醒起啲女叫我上綱睇整大版燒點整，其實以前都有整過可能食過唔記得，今次順便買咗包什錦海鮮，同ABC 醬油同椰菜，返到煲臘腸排骨飯，再加個大版燒，家中有麵粉又有沙律醬但就少左木魚絲，一整好細女都唔等就食話好好味，大女就話好耐無食過我煮的特別嘢，一邊食一邊傾開開心心又一餐

晚餐之沙爹王XO辣椒醬肉碎芽菜炒豆卜粉絲

開始半退休在家休息，報咗課程又未開始，邊搵下有咩適合自己，好想搵返文職但年紀過咗某個年齡想搵真喺好難，今日老公放完假還有十日假安排下星期再放，今早同平時一樣六點半起身煮早餐，午飯比老公帶，大女就暑假唔帶飯，個個出哂門我就自己食左麥皮做早餐，跟住清潔下打下機同睇舊片，昨日買左餸無煮又唔洗買餸全日在家，一個做慣嘢的人突然要休息真喺好唔慣，要平行下同開始習慣，上星期食沙爹王送左支辣油，今晚就用來炒芽菜豆卜好惹味但就辣咗啲，如果唔食得辣就落少啲同加糖好餸飯，全家都鐘意炒多個菜同蒸魚又開飯啦

午餐簡單用蒜茸牛油焗咗茄子好好味，原來出面要$15一條，自己整就平好多昨日$10有6條