晚餐之Xo醬炒雞軟骨

差唔多休咗3個星期尾應該要開工啦，個媽咪入咗院明天生，大女結婚後都好忙今晚回來食就煲湯同煮她喜歡的雞軟骨，放假都好忙準備衫，鞋嫁女果日著，有時間又準備咗5百幾粒牛奶果仁糖喺酒店飲宴時放喺枱比人食，估唔到個個都好鍾意，全部清哂有朋友想攞些少都比唔到，今日約咗朋友飲茶好好笑我哋唔知去邊間好就是旦去一間點知好貴，朋友話食少少再去第二間飲下午茶，第一間食咗3碟點心連茶錢加一埋單一百左右，跟住去第二間叫咗砂鍋雲吞雞，兩隻乳鴿，兩碟點心埋單180蚊左右但係因為都太多，乳鴿食唔曬打包個，朋友話下次可以直接嚟呢間又可坐得耐，食完我就去買餸準備今晚她們回來食，一早煲定蓮藕花生章魚湯，炒菜，蒸魚，蝦同雞軟骨再加多個魚香茄子，開開心心又開餐

魚香茄子

金銀蛋油麥菜

蒸茸蒸蝦拌粉絲

Xo醬雞軟骨

35週年結婚紀念日的晚餐

 

今日喺結婚35週年的紀念日星期日一，我還在休假中，如常都喺5點幾起身準備早餐同午餐盒給家中各人出門工作，而我還未開工又再回床眠一眠，今日無所事事2個女都好忙今日應該得我同老公自己食，每年老公都會買一大扎花比我，今年就叫她唔好買，早幾日女兒出嫁送咗一大扎花還好靚，諗下今晚出去食還是在家煮，原來大女今日休息打電話叫我出去午餐，想同我食台灣嘢，後來又去咗壽司朗，她好開心話唔洗等，平時要得2-3個鐘，真係有啲誇張我就一定唔等，哈哈哈，入到去都喺食啲魚生，拉麵對我嚟講無咩特別，食飽飽同阿囡回家執部份衫同物品就去她新嫁後原來約埋細女同阿姨一齊同我哋慶祝週年紀念日，去咗九龍灣一間酒樓食大閘蟹，雖然我喜歡食蟹但唔太喜歡在外食，但阿女誠意拳拳就叫咗幾只，老公就話好麻煩，食咗3只，最後一只攞回家，踏入11月就食唔停，先喺女兒出嫁，老公生日，回門，女婿生日，結婚週年，好開心日日食唔停 好開心又一齊食 叫咗個燉湯好足料 乳鴨好抵食$58蚊2只

提早慶祝35週年結婚紀念日在美麗華

 

時間過得好快同老公結婚35年啦，今年阿女出嫁好開心，難得她們記得訂咗美麗華食午餐，好豐富食完周圍行下影下相就回家，晚餐都唔需要煮實在食得太豐富，就講返早幾日女兒出嫁的開心事，細妹幫我哋影好多相同錄影邊睇邊側愉快的星期日 細妹送咗對酒杯做禮物 又整咗福好有意思的相片 合家庭照 部份美食 龍蝦手爪餅 多款熱盤 最好味開邊蒸龍蝦同生蠔 長腳蝦 沙律菜拌煙三文魚 鵝肝 燕窩花膠魚子烏冬又喺好美味

雙11女兒大喜日

 

今日好多一，雙11星期一舊歷都喺11，女兒選擇今日結婚原來有意義，喺度祝對新人百年好合，健康幸福快樂伴一生，一個完美的婚禮順利完成，喺度多謝來臨的親朋好友賞面參與，10號下午到酒店準備一切後食完晚餐就回酒店同女兒上頭食湯丸後回家準備11號出嫁的早餐，今日11號行程緊密，4點幾起身準備好早餐，跟住就去酒店化妝同set 頭換衫後等出門，10點幾左右準備好，新新娘哥同兄弟到咗，開門利市，玩新娘哥後斟 茶之後就出門，完成呢部份後我哋去食午餐再回酒執部份嘢回家就再回酒店迎賓，6點就證婚，之後就入席不停影相，順利完成 去酒店的佈置 準備斟茶物品 上頭物資 準備上頭用品 上頭後食湯丸 出門的早飯 女兒食早飯 喺酒店出門的相 細女畫咗2幅送比家姐，其中一幅 通常只有爸爸帶出去，今次女兒想我哋一齊帶她出去，非常開心 出門前影全家福 帶出去前先蓋好頭紗 喺酒樓一家大合照

順利完成2個半月的陪月工作

 時間過得好快，完工差唔多兩個禮拜都好忙因為大女11月11號出嫁，忙試衫，還有好多嘢要準備，而家有時間就出返個post 先，喺度祝BB同個媽媽健康幸福快樂過每一天，BB喺肚唔太長，醫生建議提早bb出嚟，時間過得好快，完工差唔多兩個禮拜都好忙因為大女11月11號出嫁，忙試衫，還有好多嘢要準備，而家有時間就出返個post 先，喺度祝BB同個媽媽健康幸福快樂過每一天，BB喺肚唔太長，醫生建議提早bb出嚟，bb出嚟嗰陣時得兩磅鬆啲，媽咪好擔心怕要好耐先出得院，問我點我話唔洗擔心，醫生檢查後無咩就好快出院，出嚟食得好，瞓得好，好快就會肥肥白白，BB好叻喺醫院住咗三個星期左右就出院啦，通常5磅左右先出院，但今次BB 一齊正常可以出，我就已經完工等佢開工，BB雖然未出院我都過去幫媽咪手睇下同再送炒米茶包她飲住先，開工嗰陣時bb差唔多滿月喇我又係一樣送蛋糕同紅雞蛋畀bb，我悉心照料之下bb好叻叻食得好差唔多已經十磅多啲，肥肥伯伯好得意已經唔使去見營養師同埋物理治療師，喺呢兩個半月裏面三歲嘅家姐未識大小便仲要著片我都幫佢哋處理埋，家姐而家大小便都直接自己入廁所，今次嘅任務非常之成功好開心，而家搞掂囡囡嘅結婚大禮之後月尾左右先再開工又可以休息一下

每日都喺不同的餸菜，燉湯，湯同小食再加埋家姐仔每日不同的粉麵

滿月的雞蛋同蛋糕 BB 補慶祝100日，媽咪專登send 比我，好型仔 滿月同家姐仔一齊影 2個月好精靈可以自己搾住維尼熊 好啦個頭已經可以舉起 出院時好瘦削 兩個月已經打咗成個碼