假日老公煮豐富的晚餐

今日星期日應該休息，昨日難得有時間見還未知幾時開工，2個女都休息就話出去食午餐，本來話食放題，又話燒肉，最後好彩去咗飲茶，剛到叫咗嘢一陣，突然收到個媽咪WhatsApp我話好消息3點可出院，我就問媽咪需唔需要我過去，如果要最快都要4點左右先到，話無問題可能搞得嚟都差唔多，又話可唔可以煮埋晚餐預埋公公婆婆，咁我話盡量睇下到時唔夠餸就自己再加，跟住就食咗少少嘢先回家攞行李再去買餸後就趕去，去到醫院都喺3點半，早知真係唔洗趕，搞到5點先走，回到媽咪家好趕，先同BB沖涼跟住餵奶一邊講一邊做，教咗沖奶，換片搞掂bb就去煲湯同準備晚餐，已經安排薑水比媽咪沖涼，之後就幫媽咪睇下個胸後叫媽咪試泵，再去搞埋其它嘢，本來星期日就唔返，因為怕她們搞唔掂就話明天都過嚟，媽咪好開心好感謝我，昨晚搞到差唔多十點先走回家已經11點都無咩胃口，老公灼咗菜食完搞掂哂就去瞓，好彩今日個個休息我自己一早起身食咗嘢就出門買餸後搭車又喺個半鐘車程好彩一個月，去到忙忙忙又7點幾先收，老公休息專登去買餸煮飯，今晚好豐富有鮑魚同蝦還要2食，最搞笑喺鮑魚用蒜茸還加埋粉絲蒸，蝦好多所以蒜茸蒸同白灼，其實太多都食唔哂，邊食邊傾好開心的一餐

老公越嚟越叻整5餸一湯

薑蔥蒸鯇魚，蔥多到都睇唔到喺咩，哈哈哈

晚餐之香煎三文魚

今日喺佛誕還未有消息幾時開工，家中各人休息又唔需要早起，但都喺8點幾就起做下清潔，等老公起身一齊食簡單的早餐，之後就出去行下順便飲茶食午餐後買餸回家，喺樓上買咗包好靚三文魚，今晚攞咗件出嚟煎一煎簡單又好味，太耐無煲湯就買咗料煲粉葛鰂魚湯，阿女又話要食雞軟骨，咁又買雞軟骨返去炒加多個菜，開開心心又一餐

三文魚香煎最惹味個個都喜歡，老公最愛加沙律醬

今次干炒加蒜茸干蔥茸最後加蠔油同少少糖調味就已經好好味

晚餐之炒蝦子麵

昨日返咗一日因仔仔出唔到院，今日就休息等BB出嚟再開工，昨日接到媽咪通知話出得院可能要午後，咁我話喺咪開工，咁立即執好嘢就出門，買咗餸就搭車去先煲好薑水，燉咗肉汁同煲定湯，準備好BB的用品，預備小食等到4點媽咪就好擔心要等報告後先出得，就怕我收工她回來唔知點算，我話出得就一定等，媽咪安心再等到5點半我收工還未有料，個媽咪就話可能出唔到叫我收工先，但隔離床剛收到報告無事出得，咁我就話等多半個鐘，知她老公會去探我就一齊去到時出得就一齊返，唔出得我都可以跟一跟，帶埋肉汁，小食同湯，路途中收到話BB有事唔出得，咁去到先比媽咪飲燉湯食啲嘢，就再去跟BB，BB 應該喺埋身食唔到，好彩有去跟叫媽咪搵姑娘攞奶水，知道個媽咪唔識埋身已經叫她同姑娘攞只喺早上攞過一次，媽咪唔識再問，啲姑娘只叫她埋身，唔識埋難，奶量未出得好，個仔完全食唔到，我見到都發覺他好黃，所以叫媽咪埋身後一定要攞奶水飲，咁BB先可多排同夠飽就會瞓，瞓得好食得到排得好就搞掂黃先，怕之前問題解決就到黃問題，先較埋身後就教點餵奶水，因為喺醫院只可用杯或針筒，我當然教用杯，咁回家再埋身或樽餵都容易，跟完又過咗探病時間要走啦，回家已經9點幾，今日都喺一早起身搞掂各人出門，自己唔洗返就再去瞓多陣，同平時一樣食咗簡單早餐，清潔上下綱3-4左右就出去買餸，本來都唔想出，但阿女話想食雞軟骨就出去，之前同學專登出紅磡好出名舖頭賣蝦子麵要寄過去加拿大畀親戚，就順便畀咗六個我試一試，今日就將個蝦子麵加啲菇同肉去炒，我唔覺得特別好食，只係覺得好咸所以加咗好多姑調味都唔需加，再加多個雜菜煲簡簡單單又開餐

用咗3個麵先出水後加入料炒一炒就搞掂

悠閒的星期日

時間過得好快就星期日，明日或者後日就開工，個媽咪昨日入院順利生咗差唔多7磅的BB好開心，今日約咗家姐她們食午餐順便同老公去幫家姐整啲嘢，飲完茶就各自回家，家中有菜大伯又攞咗只燻鴨之前又醃咗只雞，阿囡又話想食米線就大多一煲過米線雜菜煲，搞掂哂就準備開工的物品，幫個媽咪買咗薑皮，魚袋茶袋，等到十點幾個媽咪都無消息，咁明天又休息多一日先簡簡單單又過咗一日

今晚隻雞2個女話好好味，只係用啲紅椒粉蒜鹽去焗，焗嗰陣時忘記咗落香草

而家啲薰鴨位以前咁好食完全冇煙燻味

午餐去咗家姐果邊飲，估唔到星期日無下午茶，但就無限時，最怕就限時，家姐請我哋話多謝我老公幫手，其實都無整咩，只係換咗電制同裝好wifi，細妹最喜歡將食物砌圖又幾靚

開心愉快的母親節

今日係一年一度嘅母親節

祝天下母親健康幸福快樂

今日原本大女話夜晚有事唔同我食，細女就話晏晝有嘢做要做完夜晚先返嚟同我食飯，星期六大女陪我食咗韓燒同我慶祝，點知昨晚兩個都話得閒問星期日有咩節目，同我出去玩一日，但係我已經約咗細妹飲唔茶，我就提議同細姨飲完茶後回家開枱後夜晚再出去食，飲茶食得好豐富呀之後大家都好飽，我就提議買嘢返屋企食，兩個女就買咗壽司，魚生，炸雞同蛋糕，諗住晚飯嗰陣整啲菜但係兩個女話全日唔比我做嘢，咁我都唔理照整咗少少青瓜同埋蕃茄仔唔使煮，晚餐變咗小型自助餐，開開心心又過咗一日

細女專登出去太子買咗個呢個流心芒果蛋糕

買我最愛嘅帶子

細妹帶嚟嘅小食

蛋糕上面有樽芒果醬食嗰陣時加落去好得意

晚餐之西餐提早慶母親節

過2日又喺一年一度的母親節，喺度祝願所有母親健康幸福快樂

今日約咗家姐出花園街買魚順便睇下啲小盆栽，先到太子食午餐去咗太子餐廳，喺太子工作幾年都唔知有呢間餐廳喺上一層，啲裝飾好古色好靚，人太多無影食完就走，啲餐都算貴大約80元以上到200幾都有，份量唔大都夠飽，但男仕就可能欠些少，食完近花檔先行，家姐睇中諗住返轉頭先買，最後買完幾條魚就搵車回家忘了，下次再出，大家買完餸就各自回家，今晚齊人就提早慶祝先，咁細女喜歡肉，大女又想食早幾日的意粉咁又整西餐，栗米蘑菇湯，意粉，燒排骨，腸，魚，雞翼同牛扒開開心心又一餐

晚餐之上海粗炒

還在休假中，每天都喺一早起準備早餐同午餐盒等各人出門後，簡單食完早餐就清潔一下，上下綱覆下WhatsApp，有時約咗人出去食午餐，如果無就簡單煮食完就出去行個圈買啲餸回家準備晚餐，今晚阿囡想食碗仔翅，咁就炒個粗炒，之前還有半只雞，整咗小龍包，蝦卷簡簡單單又一餐

同事補祝生日在feast food

好多年同事坐飛機多過我坐的士，剛由澳洲回來，剛我又放假可以一齊出嚟食飯，15號左右她又去日本玩十日，我應該都差唔多開工，每次我同她慶祝一定會搵平地方知我比錢，今日同我慶生日就搵咗呢間同我慶祝，幾得好多年前都嚟過又喺我人身第一次食生蠔，果次又喺食半自助同事食過話好好味，果次有魚她食過喜歡想我試，雖然半自助但果次有蠔食，同事叫我一試，我話未試過又唔知腸胃得唔得，最後食咗3只都可以，雖然食過但去其它地方有都喺無再食，今次都喺半自助唔同之前，一個價錢有4個主菜選擇，就無即開生蠔有蝦，螺同青口，中，西湯各一款，沙律菜火腿片，芝士，都有3款魚生同不同款的壽司同甜品，雪糕，熱盤只有每人4撰1,我哋就撰咗魚同蝦麵，份量好少可以試出面的食物，大家太開心掛住傾好快又夠鐘，雖然食唔多但都好飽，最開心喺突然送上蛋糕同唱生日歌，當時太開心忙記同我同事一齊影，只係同我影咗

試咗中湯同食沙律先

部份海鮮

同事喜愛甜品

我就喜歡咸嘢多，呢啲魚生同壽司

主菜的蝦麵

主菜的魚

呢間自家制雪糕就麻麻

部份甜品

部份生果

食完嘢最喜愛就喺飲杯咖啡

酒店送的蛋糕，好特別好喜歡