喜歡煮食的我, 每日開心煮和大家分享每一餐
時間過得好快明天大年初一，喺度同大家拜個早年，祝大家新一年事事順心，身體健康，幸福快樂，希望疫情快過，大家可以過返正常生活，今日喺last day非常忙，媽咪話叫我搞掂就早啲走，最後都喺過咗6點半好急收工，通常最後一日都會好忙，會準備幾日餸菜同湯，又剛年30又會準備豐富晚餐，雖然今晚又夜走好彩老公休息在家準備盤菜團年，所以我回家沖涼後就可以食飯，今晚個盤菜老公已有經驗砌得好靚還用錫紙包著，我哋返到去唔洗再返熱就可以立即食，今次好多料，我昨日已準備花膠，瑤柱同炆咗冬菇，腩肉，其它就等老公發輝，老公最愛用新鮮鮑去炆到好似乾鮑，個個都喜歡食，飯後忘記買湯丸就自家制小湯丸再加埋自家釀的糯米酒再加啲桂花，開開心心慶團年
足料盤菜啲女話靚過出面老公好開心開餐啦
時間真的過得好快，唔經唔覺3個多月的陪月工作今日又last day, 每次完工都好唔舍得，呢個媽咪想我繼續做，但無時間，2月的BB早咗3星期出世，個爸爸問可唔可以提早開工，但呢個媽咪唔放人還要做到31號，媽咪出院我都專登放工過去幫手跟一跟，之後都幾日去一次幫她們準備湯同餸，同BB沖涼幫媽咪睇奶方便出成點，按下同準備啲茶令媽咪出奶好 啲唔再塞，之前2星期更忙，入行差唔多6年做咗4-50個以上，最長3個半月，最短1星期，從未試過話做8個鐘最後每日都差唔多10個鐘，做咗咁耐喺頭幾日會夜收，其餘時間雖然唔會準時5點半收，但都會6點前收最多都喺遲45分鐘，所以一路都未試過收加班費，呢個媽咪就超誇張3個多月從未試過早過6點收，連假期都無放又無計，做冬話叫我收4點，最後6點幾先走，聖誕，元旦都無休，只係有幾日有事遲返2個鐘計埋都唔夠一日，從未試過感覺時間唔夠用，所以話返10點15分，通常9點左右就到，如果初期去健康院就更早過9點，返到去還要清理晚餐的餐具，初期你利用洗碗機，後來覺得太浪費時間，差唔多要成個鐘先可以清理奶樽同開始準備午，晚餐，燉湯同湯，第一個月還要煲薑水......等的工作，晚餐的餐具基本喺唔包，已同媽咪講過，但可能太忙無時間最後就一直做到完工果日，每日只覺忙忙忙，時間唔夠做到無停手，初期BB餵奶浪費好多時間，每次要1-2個鐘先完成，如果媽咪埋身就更耐，從未試過好亂，媽咪好堅支本來想換奶樽試，因為每個BB都唔同，我覺得唔應該餵咁耐，但媽咪唔同意話如果換咗個容易就更難埋身，她餵人奶目的喺要埋身，因BB未退黃，媽咪埋身就減少想囡囡食多啲，好努力令到BB喺一個鐘飲完，黃開始好啲，媽咪又再堅支日間埋身，又打亂哂，好彩打2個月針時因BB生長唔好，醫生叫媽咪先解決工具問題再處理埋身，咁媽咪先喺比我試其它樽，最後搞掂BB可以喺半個鐘內飲完一餐，時間開始好轉，時間都自己開始掌握到，但其它問題又嚟，到最後每日都喺搞到6點半後先收工，今日年30諗住有得早收，媽咪都話搞掂早啲走，最後都喺遲過6點半，連相都無咩點影，媽咪早幾日送咗蛋卷同紅棗糕比我過年，話怕最後一日唔記得，我就整咗鳥結糖同焗咗果仁送比她同嫲嫲，而信都無時間寫，寫好寄返比我，問我幾時完工就返去幫手，我話5月中可能有時間，到時再聯絡，午餐後非常驚喜嫲嫲專登過嚟比咗封利市我，話知今日最後一日多謝我呢幾個月的幫手，剛巧個媽咪喺房休息，聽到聲出嚟時嫲嫲就走，只喺門口比咗利市我講幾句就走，好有心多謝晒，今次最開心搞掂BB食好咗，晚上一覺瞓天光，媽咪可以輕鬆埋到身，我就可以安心完工
呢個媽咪送比我的蛋卷，紅棗糕
時間過得好快又星期日，今日細囡生日祝囡囡生日快樂，身體健康，事事順心，本來今日去酒店食自助餐慶祝，點知疫情嚴重，老公話最好取消，阿囡就話取消改喺家食夜晚，她就轉中午同啲同學食，最近好忙差唔多做咗就嚟3個月,日日都7點幾先收工，回家又夜食完飯搞掂啲嘢都12點幾，第二朝又5點幾起身，好彩老公幫忙買餸簡單一煲過，回家就沖完涼有得食，簡單滾埋啲嘢是是旦旦又一餐，啲囡問我幾時完工，原來唔想成日食一煲過，呢幾晚更夜因為2月的BB提早3個星期出世，咁就放工過去睇下，因為要過去終於6點收工雖然都喺5：30收唔到工但都唔洗搞到7點幾先收，2月個媽咪無人幫手又無工人，老公就喺綱上訂咗啲餸菜包，第一晚見他搞咗個幾鐘只係返熱2個餸，我話早知幫你搞，見他一邊睇一邊整，第二晚再過去幫手時見他未煮，BB又剛飲咗奶就幫他們返熱啲餸，又買咗2日的餸同湯料比他們煮，全部都喺蒸放便他們整，蒸肉餅，蒸排骨同蒸雞加多2個湯，搞掂完立即同BB沖涼後餵埋奶搞掂完又差唔多十點立即走，回家叫老公滾些少菜食完搞掂埋啲夜就去休息，每日都好忙好忙，呢度做到31號就完剛過年休幾日先去2月媽咪度開工，所以晚上就過去望下睇下有咩幫手，今晚大囡話買壽司，龍蝦麵同蛋糕都喺妹妹喜歡的，我就煲咗湯，蒸蝦，麻辣雞煲同菜，飯後就食蛋糕，簡簡單單開開心心又一餐
時間過得好快，剛做咗2個月踏入第三個月，雖然簽咗3個月無諗過咁快已經完成2個月，呢個媽咪工人還未到，希望我幫多一個月，可惜我2月已一早簽咗個媽咪幫唔到手，咁她唯有自己搵咗個保母專湊BB, 她叫我考慮做第4個月應該會輕鬆唔洗煮晚餐，一定唔會遲收工，做咗差唔多5年未試過一份日日都早成個鐘回，遲最少個半鐘先走，通常返工頭幾日就會亂啲，但今個就做到而家都喺早到遲走，做冬，聖誕同除夕，都返諗住無早都會準時5點半收，最後都喺6點半到7點半先走，今日元旦都有返諗住新一年應該可以準時去，點知又7點半先走，返到家又8點幾9點，全家等我一齊食，今晚老公整咗小型盤菜，老公本來話好多假喺做冬攞假去整，最後都無放，果晚又喺假單一煲過加啲女買外賣，我又喺好晏先走，今日個個唔洗返，只有我要返，我預備部份料等老公砌個盤菜，開開心心迎新的開始
