咁啱星期日又喺聖誕節先祝大家聖誕快樂，昨晚唔舒服一早就瞓咗，今早都9點幾先起，雖然還有些少唔舒服但已好好多，悠悠閒整下呢樣搞下又差唔多11點先整嘢食，點知女兒話都食埋先出街，想食個豐富啲咁就睇下家有咩就整咩，諗住喺家休息一日，但最後都出去同呢個媽咪買啲中藥去準備啲湯包，還有十日左右就完工，每晚都夜買唔到，所以今日一定要出去，跟住買些少餸回家，今晚煮返餐慶祝聖誕，啲女晚餐都回來食，一個買咗大燒雞，另一個就買魚生，我就準備菜同湯煎牛扒同豬扒整埋意粉開餐啦，開開心心過聖誕
喜歡煮食的我, 每日開心煮和大家分享每一餐
2022年12月24日星期六
平安夜晚餐之女兒煮豐富西餐
還有幾日就到2023年，希望新一年可回覆以前的日子疫情消失唔需要再帶口罩，今晚平安夜，今日唔需要太早起老公放大假女兒又唔需要帶飯，7點起身食咗簡單早餐就出門諗住早啲返搞掂可以準時收，但最後都遲咗一個鐘先走，今日又係好似做冬一樣特別巴士提早5點半尾班車，放工只好搭巴士出大學站轉火車，地鐵再轉小巴回家，出門前同老公講如果2個女都在家食就打邊爐過平安夜，點知2個女都在話煮西餐同買咗蠔回家，可惜無口福，回家女兒專登煮咗粥4點幾開始突然開始感到肚唔舒服好似腸胃炎咁，但早餐同平時一樣飲咖啡麥皮同蛋，午餐只係食咗椰菜同肉片，搞到差唔多6點半可以走，當時痛得更利害，坐巴士時已經有啲暈還想嘔，好彩都順利回家，回家後就頂唔住嘔完又疴，老公問是否飲水唔夠，因為之前都試過一次好似缺水後都出現過，老公都立即比杯水我，再飲一杯食埋止痛藥開始好啲，成家人都擔心，估唔到平安夜唔平安食埋粥就上床
蘑菇忌廉湯
呢個媽咪送比我的聖誕禮物，啲女話好好飲
2022年12月9日星期五
2022年11月19日星期六
晚餐之同家人慶祝結婚33週年在百樂
每年結婚週年都會約班同學回家打邊爐慶週年，呢幾年疫情唔好話慶週年，連啲小朋友都無得返學，做嘢都會安排在家工作，今年頭突然又勁咗，而家又好似放鬆哂，希望真係可以控制，大家可以好似以前一樣想做咩都可以，輕輕鬆鬆幸福愉快過每一天，昨日正日同老公最後約咗放工出去食飯，諗住去返以前想食扒就一定去的花園餐廳，點知原來全線結業真係好可惜，咁周圍行去睇下邊度有得食扒，最後去咗意樂，雖然好差得同老公都食得開心，今晚去咗百樂食自助餐，呢間又喺我哋差唔多每年都會嚟的地方，呢2年無得嚟，今次放鬆到可以8人就叫埋細妹同阿囡朋友，太耐無咁多人一齊慶祝好開心，今次主題又喺我最喜歡的蟹宴，其實有長腳蟹就足夠，有麵包蟹而家返大埔，已經同媽咪講最遲6點走，差唔多6點搞掂叫姐姐跟我就換衫走，7點幾到老公已準備一大碟長腳蟹肉比我去到就有得食，因為生日優惠有個好細的蛋糕仔就一齊影相，傾下食下又夠鐘好開心的一晚
每人一個的蟹蓋配鍋巴
老公為我準備的蟹肉
最喜歡的士多啤梨雪糕
33週年老公送的花
囡囡送的紫薯蛋糕
入面好特別原來喺綠茶好好味
2022年11月18日星期五
慶祝33週年結婚紀念日晚餐在樂意
唔經唔覺同老公踏入33個年頭，33年唔算好長應該都唔短，但到今日仍然覺得唔喺好耐，一直大家都開開心心，雖然都有唔開心的時候，但多謝老公一直陪伴著所以好快就無事，今晚本來同囡，細妹出去食返餐慶祝一下，點知大囡原來有嘢做今日唔得，咁改咗明晚先同我哋補足，原本買嘢回家食，老公提早昨日買咗花，每年都喺一扎花咁多年都無變，今年就特別唔係玫瑰而喺太陽花都幾靚，因為太夜啲玫瑰唔靚所以買咗太陽花，咁啱BB又12朝，公公婆婆一早帶來好多嘢送比囡囡同孫囡，好特別有蕉，有開心果，薑醋，豬腳，雞蛋利市，當然都唔少得我，一包開心果加一個利市，感覺好開心託BB福有禮物收，今晚同媽咪講咗6點前一定要收工，因為要同老公食飯慶祝，最後都係差唔多6點半先走，約咗老公出街食，因為細女突然要開會唔知幾點返話自己搞掂，叫我同爸爸出去慶祝咁我哋都係去返官塘花園餐廳，以前想食扒都喺去花園，返到官塘已經7點半，老公就喺街到等話無所謂叫我唔好趕反正我哋2個邊度都得，之前唔醒目應該叫老公去搵位先，我到咗去搵就可以，有時就喺咁原來全線結業都唔知喺幾時的事，我哋太耐無出嚟多數都喺去啲熟的地方，去到先知咁就諗住睇下邊度有類似的餐廳，行行下見到意樂記起幾年前喺長沙灣返學如果趕得切6點到就一定入意樂食個餐先去上堂，呢間門口的餐牌都有扒食就入去一試，坐低叫咗2個餐可加小食，叫咗好多嘢食唔哂就打包，老公話都唔係好多應該唔需要，最後打包咗排骨覺得好生，但她們話喺咁最初個伙記話換過份，但最後都無另一個話喺咁，我老公話算攞返嚟，雖然出咗些少問題同老公都食得好開心，希望我哋繼續開開心心過每一日每一年
餐只有湯，飲品另叫半價
我哋覺得唔熟，她們話喺咁，本來攞走一件話問下，轉頭收咗份餐話換過一份，後來另一個攞返件過嚟話喺咁無問題，果件已經唔知用咩嘢碟裝我哋話唔要，老公好蠢話算攞返份餐回，最後再切都見到紅無食
33週年的花
婆婆送比我的開心果同利市
訂閱：
文章 (Atom)