喜歡煮食的我, 每日開心煮和大家分享每一餐
又到星期日，今早都係一早起身準備齋菜去和合石拜媽咪，因為清明封路時間長，家姐，姐夫年紀大行得唔好，所以今日先去可以有車上，點知好黑仔原來喺第一日解封，好多私家車塞到唔旭得，8點半出門去到粉嶺等的士上，點知一個鐘條龍都無行，因為上山塞到唔旭，好多的士都唔上，後來就叫van仔，開價一百都無人接，跟住開150最後200先有車到，塞到司機講粗發哂皮氣，搞到點幾先到還早咗落再行15分鐘先到，搞掂完邊行邊搵車，最後差唔多中途上到的士去粉嶺火車站，個司機喺另一邊叫落車，我老公就聽司機講，點知比姐夫嘈話點解要聽他講，因為又要行15分鐘同好長的樓梯先行到去火車站，搞到回家已經差唔多6點，阿女個朋友上嚟同我補足生日，咁又要趕去買啲餸，去到街市買唔到蝦太晏，個海鮮檔就話花甲抵又話螺好靚，無啦啦又買咗好多，回家整整整又開餐，又買咗我最愛的壽司，開開心心又一餐，飯後又食蛋糕，雖然疫情無之前食得咁多，但都食咗三個哈哈哈好開心
今日又大一歲，以前生日喺指定假期都唔洗返學或返工，回歸後唔知邊年就取消搵咗第二個節代替咗呢日，近呢幾年轉咗呢份工後都要返工，啲媽咪好叻唔知點解知我生日，她們都好有心買蛋糕請我食同唱生日歌好手開心，記得舊年的媽咪有個大女，嫲嫲爺爺都過嚟食蛋糕同唱生日哥，今年呢個媽咪喺第一個，又剛嫲嫲過咗嚟一切唱生日歌同食蛋糕好開心，其實有啲唔好意思，原來喺個嫲嫲同她的媽媽講叫囡囡買蛋糕同我慶祝，真係好轉接，呢個媽媽同老公出去行，回來時問我是否今日生日，她們就同我講生日快樂還買咗蛋糕同我慶祝又買咗2個好靚的水果Moses蛋糕仔叫我帶回家同家人享受，好開心，今晚家中各人買唔同的食物回來，再加一個雲吞蛋餃菜湯好豐富，跟住就食蛋糕開開心心過生日
時間過得好快又星期日，今日都係一早起身去拜老爺同奶奶，清明已過今日仍好多人，阿囡要返工所以約咗大伯同叔仔2家人9點幾就出發，以為清明已過唔會太多人，點知都喺排咗好耐巴士先上到去，舊年疫情清明都無去只係重陽去咗都係自己一家4口，今年清明大伯同叔仔都去就時間同有車上，所以就今日去，搞掂哂回家3點幾清潔好後又出門，家姐請我同阿妹出百樂提早過生日，過幾日就喺我同阿妹生日，太耐無出去今晚好熱鬧全場滿哂，好耐無見呢重場面，疫情另到我哋都無咩點見面，坐低後食啲嘢就開始傾，今晚雖然無蠔喺家姐同姐夫最愛，但大家都食得好開心，因為有生日優惠還有蛋糕送，傾下食下又要講Bye bye啦，下次有幾會先再出嚟傾過，開開心心又一晚
話咁快又星期日，日日都好似好忙無咩時間，上星期見有啲時間就去電咗個髮，跟住連續幾星期都無時間，一搞就4個鐘，回家又喺時候準備晚餐，今日雖然唔洗返但都係一早起身食咗早餐就出門，有個媽咪生咗後個囡回家唔係飲奶，醫院就話個囡每餐食75，4個鐘左右，咁媽咪就好多嘢諗又怕唔夠奶已經有奶粉其實就應該安心，跟住就亂哂，初回家都飲到40-50之後2日就開始少，個陪月話好有經驗點知餵個半鐘都喺得20ml, 之後就成日喺廚房好似好忙，二公婆就自己搞完全怕哂餵奶，因為有時個囡飲到50就嘔哂出嚟，呢個媽咪原來喺搵我，因為時間欠咗幾日，我叫她如果有人跟，我完就可立即過 ，但媽咪好緊張就朋友介紹搵咗另一個，話有經驗當然價錢都會貴，我聽個媽咪講就感到唔覺有經驗，連基本餵奶都搞唔掂，成日喺廚房都唔係煮好多嘢，基本湯同簡單餸菜，已經12日, BB 指甲都無剪帶手套，我真係覺得有啲過份，個媽咪就成日同介紹我的媽媽講，回家無得瞓，BB又搞唔掂如果喺我就唔會咁，我聽後只有叫個媽咪安慰她，最後今日就過咗去，個媽咪自己搵我問可唔可以幫手點收費，我就話唔洗計過嚟睇下喺點，所以今早8點就出門，因為都幾遠星期日唔塞9點半左右就到，先睇下個囡6點幾飲完到我去到，換咗衫就先教她們同囡點清潔，跟住換片，她的工人姐姐昨晚剛到，真好彩又可以幫她教下姐姐，自己都覺得好多事，但入到去感覺開工一樣，做自己應做的事，連姐姐一齊聽，跟住搞掂哂就試餵奶，BB真係初時唔喺飲跟住都合作，但好慢飲咗20就唔飲，媽咪話就係咁，點都唔再飲，我就試掃風順便教她們點掃，同啲BB都好有緣BB好合作唔洗一個鐘50就飲哂，二公婆好開心，跟住就幫媽咪睇下個胸有啲塞順便按下同教她點處理，個媽咪就話個陪月無理，只係叫她有硬就按下，我話喺唔包如果做就好似安次收費，只係我習慣同媽咪睇埋無收費，她好開心因為她聽她朋友講我跟完就好多奶，其實都主要喺個媽咪我配合幫，搞掂哂就叫媽咪泵完放心去休息等食午餐，我就入廚房睇姐姐教她點洗樽同睇下有咩整，見到婆婆攞碟昨晚淨的菜諗住返熱比大家食，我就話菜唔好隔餐何況隔夜食咗唔好，令願每餐煮夠食，肉就可以留，咁有啲荷蘭豆就加條扎肉炒完一切食，我是旦食少少飯同啲豆就算，對我嚟講好簡單有就食多啲，唔食都可以，等媽咪食完阿囡又差唔多有3個鐘就教媽咪點埋身，因為阿媽話個囡喊到擦天都埋唔到，我就幫她試，因為太耐無埋阿囡都唔習慣，最後都成功埋咗20分鐘, 叫媽咪泵奶後就去休息我就再補比BB40咗右又好順利完成，之後跟它們其它嘢安排好BB剛扭便便就順便沖涼，都講下點同BB沖涼，原來喺諗住4點有3個鐘再餵，最後因BB大便同沖完涼已經有2個鐘見她又好似想食，又再餵50叫爸爸試順便睇下，可能未太肚餓只係飲咗10ml就瞓咗，我就試掃風同再餵最後都飲哂，試咗3餐都可以媽咪好開心，中途有一餐好順利拍到BB啲痰出，可能喺之後食得唔好同食奶粉多，搞掂哂已經差唔多5點，我叫媽咪繼續休息無嘢我就離開，回家後已經7點左右老公已幫忙準備好餸，簡單煮就開餐，之後媽咪有問埋咗身好似唔再食問點我就教她點處理，之後都每餐跟我安排都食到40，她們好開心同朋友講話今晚可以安心瞓好開心多謝我幫忙，聽到都開心順利幫手搞掂，媽咪奶量都多咗，全日BB都唔需要補奶粉，希望她們好快會習慣
