簡單豉汁蒸鯰魚頭腩

明天又有一日假，放假比正常更忙，因無時間要好趕做，今日喺學校食什糧，炒飯，炒菜同煮糖醋骨配什菜湯，今日班仔好食得，老師都唔差全部清，大人連小朋友炒咗二十八杯米的飯都全部食哂還有啲小朋友想加都無得，下次小朋友又要煮多些少，放工啲女返哂來食就上街市行下，太晏無咩野買都開始收檔，好彩還買到份鯰魚頭腩，魚檔就話收$20攞走，啲女話想食牛扒就專登去街市附近個間超市買咗件醃好的但好貴，細細件都要$20而且好咸唔好食，見到分好一份份的餸，$25一份就選咗一盒好似豬扒，再問真的豬扒就買咗，回到家只有3件仔5蚊銀大的其它都係薯仔而且唔新鮮，又傻仔咗，以後都唔會再喺哩間買熟食同醃好的肉，早知回自己家附近的超市好過，因太晏去完街市已七點幾就喺個度超市順便買，下次一定唔會再去個間

所謂豬扒

材料：魚頭腩一份，薑絲1湯匙，蔥絲1湯，豉汁1湯匙，
汁料：豉油1湯匙，油1湯匙

 先洗淨頭魚腩，碟底放些少蔥後放入魚腩，

面先放豉汁再放薑絲

 水滾蒸8分鐘左右

 蒸好加入豉油同蔥就食得