網頁

2019年8月31日星期六

晚餐之老公煮薯仔炆金沙骨

時間過得好快又星期六啦,老公今日又休息咁又叫老公買餸,雖然而家新呢度無咁遠,但剛開工都會比較忙又會夜走,呢個媽咪無咩人幫手,她的老公又放完假多嘢做晚上8點幾先返到,所以我就盡量搞掂啲嘢先走,等她們可以多些時間照顧BB,此中新手爸媽喺緊張啲,呢個囡囡出世對比而家喺重磅,只係得13日人仔就已經好叻睇人蝦,二個新手爸媽晚晚無覺好瞓,本來每晚7-10都係食完就疴,疴完又扭食咁我就呢幾日專登5:30先餵飽BB,咁BB就可以瞓耐啲先醒,呢幾晚真係9點機十點先起身,十點飲完都乖點知到12點就玩到4,5點先瞓,我去到她們就好開心,今日連早餐都未食就令願瞓多陣起身先食,今又遲走,老公就話簡單嘢可以搞掂,返到家8點幾就立即有得食真係好開心,開開心心又一餐


細妹又話過嚟,老公怕唔夠餸就加個菜蒲炒蛋快靚正

 老公話無肉,就叫他將我炆定的金沙骨加薯仔去炆,估唔到老公好叻加多2只指天椒又有些少辣好好味

2019年8月21日星期三

又順利完成一個人奶BB

時間過得好快,今日又完工啦,明天又去另一個媽媽到,剛在星期一順利生咗個重7磅幾的囡囡,本來明天先完工,因為呢個媽媽早一日出院,所以就要今日完工,呢個媽媽又喺堅持唔餵奶粉,剛回家又喺按咗幾日配埋食療,好順利初初30ml好快幾日就去到160ml,以為順行搞掂點知中途出咗問題個媽媽唔想晚上起得密,我就提儀BB晚上瞓時用樽餵可以知食幾多確定飽,呢個女真係好乖食得飽就會瞓唔難湊,可惜時時都食唔飽,媽咪太緊張搞到自己塞奶又無精神,事原呢個媽媽就日間泵完留足夠晚上餵BB就係咁原來十幾個鐘無出奶,差啲停咗塞到暈好彩發現得早,唯有再從身再按再通奶同安排呢個媽咪要點做,最後完工都可順利出返140ml, 咁我完工都放心, 每晚收工時我盡量做哂嘢,等她們多些時間照顧BB, 呢個媽媽喺我收工後怕老公辛苦,她又無其它人幫手就咩嘢都自己做搞到好忙好辛苦無得瞓又要餵奶,做咗咁耐第一次有媽媽同我講餵完奶或泵完半個鐘感到好吃力,我就喺度諗點解會咁,無理由還未恢復體力,後來詳細了解後就同她講坐月好緊要,可以放低就放底盡量休息,老公幫手喺好平常,之後我每朝早就先清潔她昨晚的所有湯煲,燉煲碗碟 .....等,有時真係有啲嬲時間己經唔夠,但最後都照做,已經要2-3個鐘先到她家時間已盡量早到,但都好似做唔完希望呢個媽媽真係識放鬆輕輕鬆鬆去湊咁先唔會辛苦,每星期有幾晚媽咪都要自己食,我通常就簡單喺飯煲整好,等她安心休息想幾時食就幾時食,今晚完工做咗個原個蕃茄肉丸肉眼根飯再配幾件西蘭花,有菜又有肉,呢對夫婦好有硏究健康之道所以好多唔食,最常食的魚全部唔食,海鮮都唔食所以又少一樣可以煮的餸,只食豬同菜,最特別喺唔食西藥有病就自然療法去處理,所以我最怕呢個媽咪塞後乳腺炎發燒就麻煩,其它媽咪有事就睇醫生,但她就唔會,最得意喺唔信西藥反而信中醫,個中醫話BB會早她就追我到時點算,我只好安慰後來知6月媽咪早咗生,她就放哂心點知到預產期還未有消息,又聽中醫講食咗4日催生藥,她講完比我知,我都嚇咗一跳怕她會出事但都無講怕影響她,最後好彩順利生咗母女平安,雖然等咗差唔多一個月先開工,因比預產期遲咗十幾日,她都知道我下個媽咪生咗做唔完一個月都會比我隨時走,繼續努力去跟下一個
最後煮比呢個媽咪的簡單晚餐




雖然未滿月都可提早食蛋糕慶祝,祝她們健康,開心幸福快樂
呢個媽咪怕忙到唔記得提早比我又唔跟返我完工的日期,原本想叫她改,最後都算

2019年8月18日星期日

晚餐之洋蔥炒雞

又一星期啦,呢個星期都係好忙無咩時間,每晚最早都8點幾先返到,老公放完假所以好多時都係是旦食,有晚返到家諗住唔想煮就同老公落街食,我差唔多到老公就去攞位點知要等十幾張枱,最後都係回家煮麵最快,已經差唔多9點唔想太夜食,呢個星期有幾晚都要自己搭村巴出去轉車再轉,時間又多咗,真係幾辛苦但都好快完工啦,呢個媽媽都好辛苦無人幫手,出院頭幾日我走後都有奶奶或媽幫手,點知得幾日跟住就無,她又好碭個老公怕他辛苦我收工後她就自己咩嘢都自己做,搞到無時間泵奶,晚上又無得瞓,阿囡晚上埋身會好密1-2個鐘就起一次,我就提議咗啲方法,泵出嚟餵晚果餐,效果好食得飽就4個或5個鐘先起,本來已幫她按順可出到160ml, 點知突然少哂我最初都唔明,跟住再同她睇下發現又塞哂,因為她將早上的奶餵哂,無泵又埋身好短時間,塞到就嚟石頭胸都無感覺,到我幫她按時才感到痛,後來才清楚她的問題又要從新做過搞咗4日,終於昨晚走時可出返110ml媽咪好開心,我叫她努力唔可以十幾個鐘啲奶都唔點出,而家就會泵奶同比阿囡埋身時要知道阿囡食成點,因為還有幾日就完工,唔想到我走都未解決餵奶的問題,因為呢個媽媽比較特別堅持唔餵奶粉,我只有盡量幫她搞掂哂就可安心完工,今日如常早起去買湯料煲湯,跟住去老豆到飲茶後就回家準備晚餐,放假就煮幾樣大家開開心心又一餐



 晚上回家遲多數的晚餐就係好簡單

2019年8月10日星期六

晚餐之老公煮煎釀豆腐茄子

時間過得好快又星期六啦,上星期五開工後到明天才休息,因媽咪剛出院怕搞唔掂又無人幫,咁星期日都返由於路途真的好遠,每日7點出門,好多時都8點幾9點先到家,頭幾日就更夜,因為7點幾先走差唔多2個半鐘先回到家轉3程車,雖然真係好攰但見到媽咪同BB努力, 而家大家都適應同媽咪全人奶,呢個喺第二個無食過奶粉的BB, 呢對父母比較特別,樣樣要天天然,一定唔餵人奶回家頭幾日都係先幫媽咪疏通再配合食療,由幾滴奶到120ml真係好開心,媽咪因為營養唔夠同無休息,回家都有頭暈,連續5日燉肉汁見她精神都回覆又無再有頭暈就安心,因為呢個媽咪好有原則,本來好多嘢都唔聽要我跟她給我的一本書做法,而我覺得好多都唔適合,好彩呢個媽媽有事都喺接受,雖然做得好難但都會繼續努力去完成,好彩老公又放大假,呢幾晚回家都有飯食,今晚老公好好笑話太多時間,就買咗魚肉同豆腐,茄子釀,點知全部唔黏,豆腐,魚肉分開哂而且茄子好油,但個個話好食等老公開心下,我就教他要點整,話好下次再試下,開開心心又一餐




早幾晚的餸
呢餐無肉喺超市買現成的餸菜包,老公話好方便
其中一晚老公就買只雞,我教他醃好入爐焗就搞掂


2019年8月1日星期四

晚餐之雜菜焗雞

好開心明天可以開工啦,7月媽媽比預產期遲咗10日BB終於平安出世啦喺昨日突然掛8號的日子,真係學啲人話貴人出門招風雨,呢個媽媽好緊張之前睇完中醫話會早,問我6月的媽媽點,6月媽媽早咗成個星期我會13號左右完,她早成個星期都接得住,點知就得咗三個星期終於昨日生咗,應該大,小平安無特別明天出院就開工,今晚有時間當然又煲湯煮返餐,開工又無時間煮又是旦食,今日去超市又買咗只無激素雞,諗住食得安心啲用咗囡囡喺英國帶回來的其中一樽香料去醃再配,薯仔,黃,青椒同茄子一齊焗,阿囡話唔想食飯買咗河粉又用阿囡帶回來另一支黃薑粉加排骨炒一炒又幾好味,蒸魚炒菜又開飯,今晚飯後又食日本桃,今次呢個喺家姐買嚟超貴成100蚊的桃,但家中各人就覺得早二晚大囡買回來的好味,價錢雖然貴咗成半,我真心覺得唔抵,阿囡買$50蚊我都覺得貴唔值,呢個更唔值還有渣食完個口無之前咁清新,比我一定唔會買,哈哈哈
 猴頭菇雞腳湯
 黃薑粉炒的排骨河,味道都唔差

 焗完都忘了影全貌就比老公剪散哂
 細女最愛的豉汁蒸
呢個就喺成百蚊的日本水蜜核,未影全貌就比老公切咗
呢支喺其中一種,味道配牛但我試醃雞味道都好好