晚餐什食之又湯又干炒粉麵

放完一個長假期，今日回去開工啦，啲人真係好過份咩嘢都可以講一餐，咁叻就專做我個位啦，今日人少自己去買餸，訂貨我就唔理幾錢，但自己買當然睇餸食飯啦，又西蘭花之前一星期煮幾次，現在又喺可唔可以煮啲青菜，我真儍唔識講西蘭花都唔係青菜嗎？我放假二日你就可以點煮都得啦，可惜我講咗啲無謂嘢，花姐就好激氣覺得我好豬，點解要回應她們，要就講有用的，下午本來我唔洗清潔去落單，我又好豬出去幫她們因我自己已搞掂，估唔到啲人真係好自私，你幫她唔會多謝，但你做的又唔會幫，本來明早天先清潔校務處的窗由我同花姐做，咁見她們抺課室就幫手做，順路一齊清潔校務處，點知去到校務處唔抺話你們明早做就跳咗去清潔音樂室，花姐激到爆我就話算啦，她就話我唔醒目連淚她都要做，話自己可以唔洗做就唔好理，我又做唔出唉真係好難
今晚放早半個鍾，點知行來行去都成個鐘先返到去，個大昨晚話食米線已經買哂餸，咁今晚就煮麻辣米線，老公又唔食，咁又炒多個河粉，最緊要家人開心我就樂意，此中家人就最好，個個回來見好開心，一邊食一邊傾簡單的一餐都好快樂

晚餐之咖哩苧頭排骨

今日最後一日假期，好優閒細女一早同我去飲早茶，專登去官塘中心15樓睇下喺唔喺有間富臨，住咗15年官塘都唔知有間富臨，早茶同下午茶都好底，飲完茶行街買咗嘢就回家，大女話想食奶皇包，咁返去就整下包包，打下機，睇下戲又大半日跟住去買餸，突然好想食咖哩買咗排骨，今次買咗苧頭，點知啲女話唔鍾意有冇薯仔，好彩家中還有一只咁就二樣一齊去煮排骨，炒菜蒸魚加多個肉碎豆腐蒸蛋，開開心心又一餐，早啲食完就準備明天返工

晚餐之豆腐煮什菇

今日自己攞假的第一日，老公又唔攞話公司多嘢做，咁我就約咗二位老師食午餐，去咗尖沙咀北京樓，咁大個女都係第一次去，去到老師點菜我就同另一位傾好開心，太耐無見掛住傾，只影咗雞其它餸都無影，叫咗薑蔥蒸邊魚，紅燒豆腐，醬油手斯雞同餃子埋單要四百幾蚊對我嚟講都貴，但請老師就無所謂最緊要她們喜歡，今晚只係買菜同豆腐，因為昨晚食淨咗啲菇加二件豆腐又一碟，炒個菜同煮多個薑蔥三文魚骨，話咁快又開餐啦

早來的生日禮物之Snapware之玻璃盒

昨晚同學一家來食飯，原來提早送我生日禮物，雖然下月先到，她就希望我可以用先，反正都買咗我就當然開心又多樣嘢，今早喺度研究點樣one-touch, 搞咗好耐先搞到，覺得自己好底B, 原來好簡單只要先將按鈕蚊起，放下蓋再按下按鈕就會成個攞起喺好防溜，玻璃身可入焗爐同微波，最適合我入焗爐焗嘢

復活節的豐富晚餐

今日假期最後一日，每年復活節啲同學一定上來飲茶，打幾圈食完晚餐先走，今年因有幾個同學出遊，搞到今日先齊人上我到，今日一早又去買其它料準備好就等她們，今日煮咗幾樣平時未煮過的給這班同學一試，其實都係家常小菜，但就好少煮給她們食，而其中一個同學還專登帶來我下月的生日禮物給我，好實用幾個玻璃焗盤，非常實用好開心，今晚煮煮下都有8餸1湯的是蝦仁炒蛋，咸檸檬蒸烏頭，什菇配小糖菜，冬菇雲耳炒生菜，土魷蒸肉餅配豆腐，牛油蒜茸焗青口配薯茸，豉油雞同沙爹金菇粉絲肉片㷛，一邊食一邊傾又飲紅酒歡度了一個開心的晚上

午餐在花園餐廳

今日約在班同學上來，細妹打來話請我哋食早餐叫我去飲茶，我話行唔開，食完返去都未來，啲女又叫唔醒話叫我同姨食完買返黎，咁我自己同妹去，阿妹又要行陣先，行行下去到東港商場，原來入面有間花園餐廳，細妹話好耐無食，咁我哋走咗入去叫咗二個午餐，有湯有茶同一個主菜五十幾蚊都算喺咁，哩間環境都幾好，好大比起官塘舊果間好好多，之前以為裕民坊果間搬咗來原來唔喺，阿妹好客氣請我食完還買壽司比我二個女又洗錢，啲女就好開心食餐飽

晚餐之炒飯

放假的第三日去咗奶奶到，又喺搞掂完同老公回家買餸，明天有幾個同學來家，今晚就清咗雪櫃先有位放，咁就簡單炒咗飯同菜，有啲鴨淨買咗斤瀨粉煮多個燒鴨瀨喺細女最愛，點知細妹又來我就話是旦食，她都無所謂自己買咗幾只雞翼加餸，真係是是但但又一餐