網頁

2017年5月30日星期二

豐富晚餐迎端午

放假在家就喺食食食,真喺無時停,今早在家食完豐富的早午餐後,啲女出曬去煲定湯就同老公去老爺到,今年第一年少左奶奶老爺話唔做節,都要同老爺飲下茶,雖然食得好飽但都要叫嘢,唔好比老爺覺得我哋唔舍得食,飲完茶就回家準備晚餐,今次又只有自己一家四口,阿妹都無過黎,以前做節就好熱閙,老爺,奶奶,大伯,叔仔十幾人,今年就好似人少少但都無所謂啦,一樣煮多啲過一個開心的端午






端午節的早午餐之什錦皮蛋粥

今日端午節,先祝大家節日快樂,自從轉左陪月呢行後,咩嘢節日或假期都好似唔關我事,因為一開工只有星期日休息,做左大半年,今次放得最耐個客還未生,每日都喺到等,所以今日就唔洗返,以前端午節一定會包糭,整下潮式糭,今年有時間但就無心情去整,好耐未試過人齊在家,一早煲咗個豬骨皮蛋雞粥,其實喺將之前食淨啲嘢去煲,啲女最鐘意,端午節當然有糭啦又蒸啲點心,一個豐富的早午餐就搞掂,最喜歡見到啲女好開心咁食同聽到她們講《嘩,好耐無食啦,好好味》啲女大啦唔會好似以前,個個星期日或放假都在家,她們都有自己的事或節目,所以都好少一齊食,各自食完早餐就出去,珍惜每一餐開心的相聚



 呢個糭都要嘥成個鐘去煮真喺太浪費
 呢個糭的賣點喺乾瑤柱,我就覺唔值

2017年5月27日星期六

同家姐行Bb展再去Soho午餐

早前收到生活易的Bb展入場卷好開心,今日還在休假中,就約家姐過去行下,雖然今次喺我第一次行bb展,場地細細,但種類都唔算少,今次一心想去買個幾合一的測溫計,自己想要的無反而見到個紅外線都唔差但最後都無買,因為最平都要四百蚊,我喺到淋喺唔喺真喺要呢?每個家都會有我無需再買個帶在身,因價錢都唔平,我只想買個二百左右,因喺個客到見到細細哋又方便,她話約二百幾,喺展場應該更平,所以今次順便去睇,今次睇到好多唔同的蒸奶氣,真喺各有所長,泵奶器都唔種類都同樣各式其式,喺展長還見到生活易檔,就過去影反張相又叫家姐入會順便攞個波波比個孫,又睇到好多防蚊嘢,自己就買左枝一試,話好多用途bb 肚仔肚都可搽下,又可加入水去抹地都有防蚊效果,見唔貴$35就買到試下都好,又介紹蒸溜水機家用又真唔錯,今次都好多收鑊真喺要多謝生活易送我入場卷,行完同家姐搭車過Soho午餐,可能今日星期六就比平時費,$128-198午餐包任飲餐湯,沙律同甜品,今次就叫左奄列同意粉,個奄列幾特別,好似成見磚咁味道都唔錯,食完行下發現有船過官塘,家姐話試下都好耐無搭,話懷舊碼頭$9一程,真喺好舒服吹下海風,風景好靚悠閒又過了大半天,各自回家買
攞左部份單張,
家姐就睇中張椅同車買比個孫
入到去一定要留下影
生活易個檔都有好多人喺到等入會

場地細細,人流唔多,可能還早
估唔到坐月餐都有
家姐想要的椅同車,喺到真喺平好多
呢個泵奶器真喺幾方便,
還隨機送多二個奶樽
家姐喺生活易入會後要的波沒給孫仔
去到Wildfire 叫的奄列
成條金條好特別,味道都幾好
懷舊碼頭有人力車同大船又影下
原來坐只船都唔喺大
船唔大都好舒服

晚餐之香茅焗雞

還在放假中個客未有聲氣,要星期一入院睇下點情況,今早如常煮好早餐同飯盒搞掂哂他們出門,就煲定湯醃左只雞就出去同家姐行Bb展跟住享受左個豐富的半自助餐就各自回家煮飯,返到去只買菜同魚,老公早幾日攞左幾支香茅返黎,咁就將香茅切碎加酒,鹽糖去醃左只雞,焗時她們回來問好香咩嘢味,真的好香有種在外燒嘢食的感覺,雖然每餐都喺簡單的魚,肉菜,但最開心就喺成家人一齊坐係到一邊食一邊傾先喺最開心,開開心心又一餐





老公終於幫我買咗支鐵針回來,立即一試去定型,遲啲買只鴨回來就可以試縫鴨尾
醃好入爐180度,30-45分鐘就食得

2017年5月26日星期五

同大女提早興舊歷生日在Soho wildfire

今日還在休假中,大女好開心話同我食完午餐先回校,因今晚中六學生行畢業禮返四點,話就話陪我,原來成班同事約好左行街食完飯先回校,點知約唔成就約我,跟住講講下二母女生長水遠過左香港,又話陪我行bb展,最後時間太趕就遊閒喺wildfire 食在過半自助餐,過二日個女舊歷生日本來淋住同她先興祝又話約左人,咁今餐就食左先,遲啲再等新歷有時間先食,個女話剛收老細短信要四點回校到九點先有得食,叫大家食飽啲,咁就啱啦食完就可頂到九點,我第二次黎水準同服務都一樣咁好,今次個女叫左牛扒我就叫意粉,意大利嘢喺少少而且沙律,餐湯同甜品任食就一定飽,坐底先飲餐湯,今日喺紅腰豆都好好飲,起初女兒見到都唔試,但飲左一湯匙就自己出去攞碗入黎,跟住食下沙律,主菜就到,再食甜品同飲嘢,好滿足的一餐
紅腰豆都好好飲幾特別
 點左餐就會有幾款包比你簡
 沙律都有幾款比你選擇
 都有三款肉,如果唔叫主菜淨食沙律吧都Ok $98加一服務,愛沙律的人就可選擇呢個
 女兒的主菜牛扒,好淋有牛味
 蟹肉意粉就唔覺有蟹肉,但味道都幾好
 甜品都有四款,女兒最愛Creambule
 我覺得芝士都唔差
 最後一杯咖啡喺我至愛
 女兒的薄荷茘枝凍,好香好好飲

2017年5月24日星期三

晚餐之用電子煲煮魚頭豆腐湯

今日仍在家休息,條腰好好多,而今次個太太過左預產期都未有聲氣,唔通bb真喺知我有事等我休息好先出黎,哈哈,今早一樣起身做早餐煮午餐盒,搞掂個個出門就做下清潔,洗衫同睇下書又大半日,跟住又去買餸回家都喺坐唔定又去搵嘢整,早前買左包爆米,今日簡單加左合桃同開心果,應該加花生就好啲,但我覺得加合桃開心果原來更好味,家姐昨日過黎又送左我新嘢,一套電子煲,一個可煲花茶中藥,而另一個可煲湯,燉嘢同燉嘢都得,我通常都唔會收到禮物放喺到,一定第一時間試,昨日已用來炆牛根好得,今日又試下煲湯,人少少又唔洗睇火真喺好方便,而家出啲電子嘢真喺好,又分享下




 煲出黎好奶白好好飲
材料:魚頭一個,豆腐一盒,薑4-5片,豬骨隨意
 先放入薑再放魚頭
魚煎香兩邊先灑些酒後加入滾水煲出黎啲湯先會奶白
 先較好一個鐘,就會先大火滾起再轉細
 將所有料放入蓋上蓋
呢個好好用大火煲滾約十分鐘後就會轉細繼續煲,水份唔太溜失
 一個鐘煲完就加鹽糖調味,好靚好奶白
 一套電子煲好好用
 合桃開心果米通