傳統蛋黃白蓮蓉

今早搞掂大家返工返學，之前買定料諗住放假有時間就整月餅，搞到今日一定要整，因為今晚家姐，阿哥成班人同老豆提早興中秋，咁應承咗話整月餅比她們，點知整好做，點囡又話要攞返去請人食，呢個二只，果個二只，再包好比他們又無哂，有時間再買料先得，呢個食譜喺之前試過最好同最易做，我有啲同學問我，我都係比呢個，她們試完話好得所以又分享下

以下材料可做12個50g的月餅
餅皮材料：
底粉60g,  高粉60g, 吉士粉5g
糖漿90g, 花生油30g, 梘水3g
餡料：蛋黃4只，白蓮蓉360g, 玫瑰露酒少許

先做餅皮，將所有材料撈勻

撈勻喺好濕先啱，如果太乾就可加些少油

用塊濕布蓋住

咸蛋黃先噴些少玫瑰露酒後放入焗爐150度焗5分鐘，放涼後一開三

將蓮蓉30g一份，分12粒

將蓮蓉按平

放入咸蛋

包好搓圓

將餅皮分20g 一份後搓圓

分好皮同餡後就將餅皮按平，放入蓮蓉餡包好

全部包好哂後先做型

將模灑些少粉後放入麵團

倒轉放在枱面

大力按一次後可再按一，二次圖案會清楚

放入焗盤

全部做後

先輕輕噴水後才入爐就唔會太乾

先預熱焗爐，放入焗盤後170度焗5分鐘

第一次焗完搽一層蛋液再入爐焗8－10分鐘

焗完第二次再搽多一次蛋液後入爐再焗5分鐘

焗好的月餅，熱食會感到脆身味道完全唔同，大家可以一試
傳統月餅喺放1－2日等月餅回油先食味道更好
所以二種食法完全唔同，大家都可以一試

芒果冰皮芝麻月餅迎中秋

時間過得好快，明天就完工啦，呢個星期好忙，夜晚又返學，唔洗返學都夜走，回家都好是旦食，家中各人都好幫手，都唔介意食咩，通常返到去都八點幾，喺超市買簡單嘢一煲過，今日好開心終於可安心完工，bb 成功退黃唔洗再去醫院同健康院，星期四抽完血，只係飲人奶黃，無影響其它器官，星期五又去健康院再睇確實有退唔洗再返只喺要打針先返，媽咪同仔仔都好辛苦，bb 重得好好，而家喺大肥仔，又出世3公斤到今日個半月健康院再睇已經有5.2公斤，反而媽咪問要減嗎？當然唔洗食到瞓到同有大小便就可以，呢幾日又醫院又健康院，回去又準備午餐，晚餐要炒定多啲炒米茶包好方便媽咪飲用，又執定啱飲的護髮湯包，補腰湯同去頭風，執差唔多一個月，希望她有好身體去照顧個仔，雖然湊仔好多人覺得喺一件慢長而辛苦的事，但我就覺得雖然慢長但就開心見仔仔一日一日長大，每一個過程都好難忘好開心，今晚雖然好攰但明天最後一日，我都專登做冰皮因為媽咪喜歡，希望她們有個快樂的中秋

冰皮月餅套裝之苧茸味

早二日終於收齊哂份禮物，先多謝點煮綱送咗一套DIY月餅套裝比我，我今日終於有時間去整，另外個女都買咗包咖啡朱古力脆脆，材料齊哂只加水同油搞好個包餡再入模就搞掂，都唔洗一個鐘最合適有小朋友一齊玩都幾好

 一套禮盒有齊哂，模具，月餅盒，冰皮粉，苧茸

 詳細說明書

 將冰皮粉加水

 搞勻後

 加油再搓

 將冰皮團分10分

 搓平包入苧茸

 封口

 放入模

 按實

 放在枱按壓

 脫模就搞掂後入冰箱雪半個鐘就食得

香辣洋蔥炒雞脾件

今晚終於可正常煮一餐魚，肉菜八點半食飯，今日開始學校放暑假我地可以早收半個鐘，咁就可以早d去睇奶奶後回家，今日只喺煮幾個人的飯去幫手清潔，未做過清潔的我好新鮮，但原來比煮百幾人的飯更辛苦，今日交通又好順利，車轉車好快就回家了，細女還幫我買定餸，回家只喺準備好就煮一個鐘頭就開快，開開心心又一餐，煮好食完，女兒洗碗我坐低去寫blog, 估唔到都瞓著咗，真的好攰，原來未寫完的都send左出去

 

材料：雞脾2只，洋蔥1只，指天椒1只

調味：酒1湯匙，薑汁1湯匙，酒1湯匙，豉油2湯匙

            糖1湯曬，生粉2湯匙

先將雞脾洗淨去肥油同皮後斬細件，洋蔥去皮洗淨切細件

將斬件的雞脾件沬亁先加入酒撈勻

將薑汁，豉油同糖撈勻

最後先加入生粉撈

先起鑊加入雞件大火煎香2邊

煎好後先回碟

先煎2邊喺鎖住肉汁，煮時就會又軟又滑

原鑊放入洋蔥和指天椒炒香(1只指天椒已可以令成碟雞有辣味，如果唔食得辣就唔好切碎，如果想辣就可再加)

炒到有香味同金黃色

加入雞件炒香

加入些少水

水收乾，雞熟試味後加入蔥

就可上碟食得