昨日返咗一日因仔仔出唔到院,今日就休息等BB出嚟再開工,昨日接到媽咪通知話出得院可能要午後,咁我話喺咪開工,咁立即執好嘢就出門,買咗餸就搭車去先煲好薑水,燉咗肉汁同煲定湯,準備好BB的用品,預備小食等到4點媽咪就好擔心要等報告後先出得,就怕我收工她回來唔知點算,我話出得就一定等,媽咪安心再等到5點半我收工還未有料,個媽咪就話可能出唔到叫我收工先,但隔離床剛收到報告無事出得,咁我就話等多半個鐘,知她老公會去探我就一齊去到時出得就一齊返,唔出得我都可以跟一跟,帶埋肉汁,小食同湯,路途中收到話BB有事唔出得,咁去到先比媽咪飲燉湯食啲嘢,就再去跟BB,BB 應該喺埋身食唔到,好彩有去跟叫媽咪搵姑娘攞奶水,知道個媽咪唔識埋身已經叫她同姑娘攞只喺早上攞過一次,媽咪唔識再問,啲姑娘只叫她埋身,唔識埋難,奶量未出得好,個仔完全食唔到,我見到都發覺他好黃,所以叫媽咪埋身後一定要攞奶水飲,咁BB先可多排同夠飽就會瞓,瞓得好食得到排得好就搞掂黃先,怕之前問題解決就到黃問題,先較埋身後就教點餵奶水,因為喺醫院只可用杯或針筒,我當然教用杯,咁回家再埋身或樽餵都容易,跟完又過咗探病時間要走啦,回家已經9點幾,今日都喺一早起身搞掂各人出門,自己唔洗返就再去瞓多陣,同平時一樣食咗簡單早餐,清潔上下綱3-4左右就出去買餸,本來都唔想出,但阿女話想食雞軟骨就出去,之前同學專登出紅磡好出名舖頭賣蝦子麵要寄過去加拿大畀親戚,就順便畀咗六個我試一試,今日就將個蝦子麵加啲菇同肉去炒,我唔覺得特別好食,只係覺得好咸所以加咗好多姑調味都唔需加,再加多個雜菜煲簡簡單單又開餐
2023年5月23日星期二
2023年5月21日星期日
悠閒的星期日
時間過得好快就星期日,明日或者後日就開工,個媽咪昨日入院順利生咗差唔多7磅的BB好開心,今日約咗家姐她們食午餐順便同老公去幫家姐整啲嘢,飲完茶就各自回家,家中有菜大伯又攞咗只燻鴨之前又醃咗只雞,阿囡又話想食米線就大多一煲過米線雜菜煲,搞掂哂就準備開工的物品,幫個媽咪買咗薑皮,魚袋茶袋,等到十點幾個媽咪都無消息,咁明天又休息多一日先簡簡單單又過咗一日
而家啲薰鴨位以前咁好食完全冇煙燻味
2023年5月14日星期日
開心愉快的母親節
今日係一年一度嘅母親節
祝天下母親健康幸福快樂
今日原本大女話夜晚有事唔同我食,細女就話晏晝有嘢做要做完夜晚先返嚟同我食飯,星期六大女陪我食咗韓燒同我慶祝,點知昨晚兩個都話得閒問星期日有咩節目,同我出去玩一日,但係我已經約咗細妹飲唔茶,我就提議同細姨飲完茶後回家開枱後夜晚再出去食,飲茶食得好豐富呀之後大家都好飽,我就提議買嘢返屋企食,兩個女就買咗壽司,魚生,炸雞同蛋糕,諗住晚飯嗰陣整啲菜但係兩個女話全日唔比我做嘢,咁我都唔理照整咗少少青瓜同埋蕃茄仔唔使煮,晚餐變咗小型自助餐,開開心心又過咗一日
細女專登出去太子買咗個呢個流心芒果蛋糕
買我最愛嘅帶子
2023年5月12日星期五
晚餐之西餐提早慶母親節
過2日又喺一年一度的母親節,喺度祝願所有母親健康幸福快樂
今日約咗家姐出花園街買魚順便睇下啲小盆栽,先到太子食午餐去咗太子餐廳,喺太子工作幾年都唔知有呢間餐廳喺上一層,啲裝飾好古色好靚,人太多無影食完就走,啲餐都算貴大約80元以上到200幾都有,份量唔大都夠飽,但男仕就可能欠些少,食完近花檔先行,家姐睇中諗住返轉頭先買,最後買完幾條魚就搵車回家忘了,下次再出,大家買完餸就各自回家,今晚齊人就提早慶祝先,咁細女喜歡肉,大女又想食早幾日的意粉咁又整西餐,栗米蘑菇湯,意粉,燒排骨,腸,魚,雞翼同牛扒開開心心又一餐
2023年5月11日星期四
晚餐之上海粗炒
還在休假中,每天都喺一早起準備早餐同午餐盒等各人出門後,簡單食完早餐就清潔一下,上下綱覆下WhatsApp,有時約咗人出去食午餐,如果無就簡單煮食完就出去行個圈買啲餸回家準備晚餐,今晚阿囡想食碗仔翅,咁就炒個粗炒,之前還有半只雞,整咗小龍包,蝦卷簡簡單單又一餐