豐富晚餐同同學興生日

話咁快又星期六，今日好忙好耐無招呼咁多人到家，未轉行差唔多一個月二次或最少一次，啲同學知我忙又辛苦唔同做文職，只有放假先搵我，反而我就無所謂喜歡嚟就嚟，每年同學仔生日我必整蛋糕同煮一餐同他興祝，呢個仔由喺媽媽肚就每星期嚟我到飲湯水，時間過得好快今年升大學，而家嚟我到晚餐都喺喜歡飲湯可以飲3,4碗，記得細個只喺食白飯，但嚟到我到就咩嘢都食，話我煮最好食，最愛椒鹽鮮魷而每年生日我就專登整，因為好怕炸嘢，今早搞掂老公返工就去街市買餸先煲個雞湯，完成埋個蛋糕，再整麵包比她們做下午茶，再上街市買魚，蝦，點知見蠔靚又買蠔，見蜆幾好又買，越買就越多，好彩快手快腳的我到8點準時開飯，整整下又十幾樣，飯後幾個同學的生果餐，還有剛日本回來的水蜜桃同西瓜真係好好味，當然唔少我我的芒果毛士蛋糕，最後還有自家制的冰皮紅豆，芝麻同芝麻芝士，個個話嚟親都抱住個肚走，有冇咁誇又開心咁過咗一晚

雙蝦雲耳粉絲煮勝瓜

椒鹽鮮魷

豉椒炒蜆

薑蔥蒸班

蒜蓉蒸蝦

鮑片冬菇煮菜心

义燒醬焗排骨

蠔餅

椒絲腐乳炒通菜

黑椒洋蔥炆大豬手

幾款懷舊麵包，雞尾包，奶油椰絲，肉鬆蜜西哥包，咸牛肉包，椰絲包

自家制的芒果毛士蛋糕

她們話好有層次好味

班蘭紅豆，芝麻芝士冰皮

Gemini 蒸焗爐之日本蛋糕

好快可以開工啦，預產期本來16號，昨日原來媽咪有陣痛入咗院，但只係痛子宮無開，而且因環境太慘自己出咗院，安排入私家開刀，因話已經覺得好痛，應該引唔到，好彩我叫她今晚入院前先洗頭同沖涼，她說入面都有可以入去先，因為安排明早七點開刀，我話洗咗入去萬一阿仔突然想出黎，最後因為好痛又開唔到醫生就提早今晚開刀，bb 就生咗啦，今日下午本來去剛完工媽咪攞返封信，點知淋時有事又要有時間先去，咁又未夠鐘返學，喺家又試用過新爐，今次蒸日本蛋糕，本來想試蒸焗效果就唔洗半蒸焗，最後都用半蒸焗，因未知上，下火加對流式焗出黎點，點知都幾好一個鐘就搞掂，之前要個半鐘先得，好成功，明天應該有時間焗泡芙，今日先分享呢個日本蛋糕

材料(6吋圓模)：
忌廉芝士180g, 糖2g, 全脂奶78g,
蛋黃2只約40g, 麵粉 33g, 粟粉28g,蛋白2只約70g, 打蛋白用糖40g

先用細火將忌廉芝士搞溶(或坐熱水)

後加牛奶搞勻

拌勻無粒將蛋黃分二次加入撈勻

搞到完全均勻後

將麵粉同粟粉哂入

將麵粉拌勻無粉粒

將蛋白放入乾淨的盤無油無水才輕易打起，先用中速

打到起泡將糖分二次加入打勻

蛋白打到起勾就可以

將蛋白分二次輕手拌勻

完全拌勻就可倒入模

倒後將麵糊掃平

用冷水坐盤

先150預熱焗爐後放入焗1個鐘，之前要差唔多個半鐘

所以每個爐溫都唔同，可先焗一個鐘，用竹簽插入無黏物就熟

焗好唔好立即出爐，開些少門約10分鐘取出，蛋糕就唔會太快收縮，令蛋面下陷

蕉糖粟子卷蛋

早前參加咗個遊戲得到一張學煮食的卷，咁啱有個blog友又得到約埋一切去，大家啲時間到現在才安排到，再唔學就到期用唔到，本來想整包但時間安排唔到，最後就學哩個都幾好，現在掌握到點樣做好一個蛋糕，我第一次真正去上堂，一堂要幾百，對我來講實在太貴，就算負擔得起也覺得無必要，自己上綱睇下學下，而我blog 友就周圍去試堂，她覺得這哩不貴價錢可以，因有啲更貴，好啦講下今日做哩個蛋糕都唔太難而且都好味，但對我來講就甜咗啲，下次自己再做就可減糖

 環境幾好而且好乾淨

 導師已安排好用料

 先做發蛋加入麵粉做海綿蛋糕

搞好就放入焗盤焗

跟著就整蕉糖

 蛋糕焗好放涼就用刀喺邊

將蕉糖平均pop在蛋糕面

將蛋糕卷起

最後蛋糕頭尾唔要再同個多糕裝飾

聖誕禮物之DIY cupcake 套裝

今日好開心收到點煮綱送來的聖誕禮物cupcake 套裝, 返到家d女見到就要立即搞, 我話食完飯先啦, 食完飯我去洗澡, 她們都等唔切已經搞好入爐好快, 本來哩個喺叮叮板唔世用焗爐, 但我家只有焗爐, 都ok好方便又好快有得食, 親子就最好, 真喺好開心多謝點煮綱, 今次喺到同大家分享唔用微波用焗爐一樣無問題

套裝包括, 禮盒一個可裝4個cake, 3款裝飾, 4個杯, 預拌粉1包,即食牛油忌廉連擠花嘴同袋  

 預拌粉一包要自己加入1.5杯奶, 牛油溶液9湯匙, 雲尼拿油/可可粉隨意(如果想朱古力味就加入可可粉, 原味就加入雲尼拿油等個cake香d)

 將全逝料搞勻無粉粒

 倒入紙杯式焗杯, 入爐180度15-20分鐘

 用竹簽插入無黏就熟(每個家的爐勻都不同)

 放涼後就可唧入忌廉同加糖粒裝飾