網頁

2018年7月28日星期六

假日前的準備同每日不同的小食配燉湯

今天又星期六啦又喺一星期最忙的一日,因為明天放假通常都會整定湯,早,午晚的餸菜比媽咪簡單煮,如果有人幫手就會好啲,因為準備大部份講聲點做就得,如果無人幫手就會盡量簡單好似煲飯就加碟餸一齊煲,湯就倒哂入湯煲加水就搞掂,菜通常就洗好配埋肉倒入鑊,炒下加些少水煮熟咗就食得,所以就做到無停手,雖然每日好忙,但都會整小食比媽咪配燉湯做下午茶,因為大部份的媽媽都只係飲湯,好彩今日阿b好乖,所以就做得輕鬆啲,而家喺暑假期間搭車好難,所以提早出門,因有時等成個鐘先上到車,雖然無遲只有早,但好浪費時間,收工雖然喺總站等,但試過一樣等成個鐘先上到,實在太多人,每日都用心做都係希望媽咪喜歡食,食得好自然身體好,今日媽咪先講話她的姑仔每日都等待我的小食,真係好搞笑
 自制小龍包再配自己開的醋,她們話好好味
 章魚肉碎腸粉等媽咪食完多啲奶

而家好方便買現成膠粉包入預先準備的料就搞掂


有花生醬料的西多士,順產媽咪12朝就可以食蛋,但開刀就等20後先食咁傷口先唔會容易發
自家做的麵包厚切帶咗二塊返去再開細,介開中間搽花生醬
 準備蛋汁
 將麵包放入蛋汁
 放入易潔鑊慢火煎就唔洗太多油

 今星期假日前的準備



2018年7月24日星期二

晚餐同學聚餐在德興

今晚又係每個月的聚餐日,同學又搵到唔洗一千蚊半圍全包真係底食,呢間比之前聚得軒的全包更底食,食物好似差唔多,但份量同買相都好好,個個讚不絕口,上個月叫餸食都喺豆腐,菜特家雞都要千幾蚊,我覺得全包就最底,食物都豐富有翅,乳豬,班,雞....壽包同生果盤,埋單連二個盒$905, 有時好多嘢都預計唔到,今日忙足一日,因個媽咪還未通每日都要多些時間幫她處理,囡囡又食得麻麻又要用多些時間處理,所以提早回去遲走都好趕做到無停手,連水都飲少咗搞到喉嚨好唔舒服,收工時唔知搞咩突然個肚好唔舒服,去到見到美食都無胃口好慘,所以話人生無常,真係要珍惜每一刻,我哋六個人少咗我就食淨好多,啲伙記見到就話昨晚有三個太太都叫呢個半圍餐全部食哂還問有無糖水送,真唔真啲嘢咁多我哋六日都免強食得哂,三個女人點可能,男的可能可以,最後我就打包回去無謂浪費









2018年7月21日星期六

晚餐之雜錦焗雞

話咁快又星期六,每日都係忙忙忙,今日更忙明天休息,通常都會準備埋星期日的早,午,晚餐的餸同湯方便呢個新手媽媽煮,晚上以為得我同老公諗住又係一煲過簡單又方便,點知收工時阿女打比我話可以返嚟食,有個同學仔話上嚟食得唔得,咁立即打比老公買條魚,加多啲菜,我回家就喺百佳睇下有咩買,點知今晚無車等咗45分鐘先有,返到家買咗雞同排骨,老公已幫忙準備咗部份,我就一邊整一邊住,先將雞洗淨開邊加酒,蒜鹽先醃,見到雪櫃樣樣有些少就洗好切細放焗盤再將雞放面入爐半個鐘就食得,跟住就處理排骨醃好配三色椒煮個咕嚕三色椒炒排骨,整比媽媽食得最多喺蓮藕餅,家中反而好少煮,今晚有客人就整個煎藕餅,唔洗一個鐘,她們回來就食得,女兒見到又話得魚同菜,點解咁快有咁多嘢,我就話你媽咪勁攞,哈哈哈






 準備二個早餐,四個餸,湯同二樣菜

老公見有人嚟就專登攞雞去斬,平時就手撕,喜歡邊個部位就撕邊個

2018年7月19日星期四

水上人坐月食的薑醋

今日呢個媽媽12朝,傳統都會預備薑醋等親友探望時會食或者會送比親戚朋友,而滿月後薑醋就唔出門,只招呼啲親戚朋友在家食,各村鄉村各處例,第一次見識到水上人的薑醋好特別,喺度同大家分享,她們的12朝同一般都唔同連薑醋都好特別,通常預產期前1-2個月會開始煲,而她們就等生咗之後先煲,我哋就用薑醋先煲薑膽,等12朝加豬手同蛋,而她們就生完開始煲,而喺用炒到金黃的米煲水,去咗炒米加入白米醋同糖,如果想黑啲就加黑糖煮,煮好就除薑之外就會有豬手,雲耳,黑豆,雞蛋,雞腳,腩肉一齊煲,真係好特別,12朝那天就會用一個煲裝起部份比產媽媽,未食得都要放喺餐枱倍住她,呢個媽媽都覺得好奇怪,她食過都唔係咁問我唔食得唔得,我話暫時都未食得,或者買支醋回來再煲過你喜歡個種,我就無試過但講真見到都唔想食,而她老爺,奶奶同她的親戚就非常欣賞,三大煲已經食咗差唔多一煲,每天都裝一大煲上船食,叫我都可以試下

呢個十斤裝的煲就見到好多料
呢個煲仔就係媽咪要食的,每樣有些少,唔同我哋啲薑醋,雞蛋煲咗十日都喺咁,如果我哋煲甜醋幾日就變鐵蛋
呢個媽媽喺客家人,今日她媽媽帶咗幾支黃酒,二只雞,還有煮熟我以為喺雞的肉用嚟炒節瓜比媽咪做晚餐,點知原來喺兔肉,人生第一次見

坐月時最慘喺買到個有問題的奶泵

今日已經開工差唔多一個星期,每日都係搞掂家中各人出門自己食咗嘢都出門買餸就搭車去開工,每日都忙忙碌碌,因為呢個媽媽成日覺得自己無奶,我已經好努力出院幾日已經按鬆哂,叫媽咪盡量埋身,呢幾日媽咪都好努力,我就幫媽咪按再配合湯水,媽咪就好努力埋身又試泵,買奶泵喺幫助媽咪餵完可以泵定出嚟隨時可以飲,但估唔到一個幾千蚊的泵會有問題,售後服務又極差,每次泵成個鐘都無10ml,有時得幾滴,最初以為媽咪真係無咩奶,大家都好努力,但阿囡有時食咗十分鐘都可以有一,二個鐘無理由咁,開始懷疑會唔會個泵有問題,初初以為喺未有太多奶,夠囡食完所以無,呢幾日幫媽咪按完有噴射出,按時都有奶,今次就唔埋身再試雙泵,點知搞咗成個鐘只得10ml, 返而用手搾有30ml, 咁叫媽咪打去千色問,因個泵都未夠7日, 點知話無得換要攞返去專門店問,咁又打去又話無得換只可攞機出去檢查,如果機有事就等修理,如果配件有事就自己配過聽完都好氣,媽咪開始無信心覺得無理由個泵幾千蚊買返嚟又喺大店買,覺得應該喺自己無奶,我為有做到就繼續幫她按同配多奶湯,每次阿囡食完又有大又有小便,咁我只可以慢慢同她講,如果無阿囡就唔會食唔飽,如果無就唔會二,三個鐘會溜奶,用手搾時會噴射出,叫她唔好亂諗最衰又無其它泵可以試,我叫媽咪繼續努力,如果想餵一定有,繼續埋身食再睇下點,今次喺度分享喺想新手媽媽買泵時要問清楚,有無保養,有問題又要點做,確實餵人奶就要早些少準備,或者可以喺陶寶先買個平平哋試下,其實我覺得想餵人奶的媽媽有定要有3個心,有信心,耐心同恆心就一定成功,雖然今個媽媽比我之前做的好似難些少,但我都會繼續努力配合,希望呢個媽媽都繼續努力同有信心,我相信一定成功

呢只泵我之前都有十個用呢個但又未試過唔得,有時買嘢原來真的好難講,但真係無諗過售後服務咁差,喺條邊會溜奶

2018年7月17日星期二

晚餐之老公煮豐富晚餐

剛開工真係好忙,媽咪又塞阿囡又食得好慢,還要跟好多廚房清潔工作,因為呢個媽媽無人幫,老公又唔太做家務,每日返到去先睇完媽咪同囡囡後就入廚房清潔昨晚的廚房煲水,洗湯煲,燉盅,鑊....等的,再洗奶樽,煲薑水,沖炒米茶,有時留咗料煲飯,但都無煲就會快手整個簡單早餐比媽咪食咗先,跟住準備午餐,湯,燉湯,下午茶,有時間就繼續幫媽媽按等奶多啲,午餐後清潔完廚房就同囡囡沖涼餵奶,如果媽咪埋身就去跟咗Bb 沖完涼啲物品同洗咗啲衫先,搞掂完就幫手掃風再去準備下午茶同晚餐,今晚搞搞下又六點幾先走,好彩又有老公幫手買餸,老公好好笑落完街食都覺得幾百蚊無嘢食自己買可以食班食蝦蟹,返到去又七點半,二個女返嚟食,老公買咗條多寶,自己又炒定個飯,因之次喺樓下食的炒飯唔夠喉,大部份都搞掂,我就用蒸焗爐蒸魚可以去沖涼,舒舒服服就開餐
 有機節瓜(喺老公學校自家種)煮咗個咸蛋做湯
之前食淨的鴨老公加咗苧頭教他去炆去燉



全家都最愛的菜溥蛋炒飯