排骨臘腸煲仔飯配什菜煲

今晚又好遲先返到家, 又喺超市是旦買d野, 就簡單煲個飯再加多個什菜湯, 見好耐無煲煲仔飯就摷多2條臘腸和醃左排骨, 簡簡單單又一餐

西芹炒肉片

今晚回到家本想去超市買餸, 但去到都無咩野, 只買了一些豬肉, 回家再摷雪櫃, 每樣淨d就是但滾個什菜湯, 將肉片炒淨底少少西芹加d洋蔥和紅蘿蔔, 再將d三文魚骨加d蔥返熱, 是是旦旦又一餐

蕃茄生菜芝士火腿卷

昨晚食左米線, 今早開個麵糊煎塊餅加D蕃茄生菜芝士火腿卷起又喺一個好味早餐

豬紅蘿蔔什綿米線

今晚本來整個薑蔥三文魚骨炒個菜滾個湯, 點知大女話好想食米線, 就為有改一改, 買D豬紅和蘿蔔再加自制肉丸和其它什丸, 簡簡單單又一餐

栗米魚柳飯

今早用栗米簡單煮左個魚柳給老公做午餐, 簡單方便又好味

雙魚麵

今早煮魚給老公帶飯就順便煎多幾塊再加幾粒魚蛋煮個麵又喺一個好味早餐

奇趣雞翼

昨晚又預備左d雞翼, 今晚加d麥皮再去焗, 效果好好味, 有時間大家都試吓

火腿蕃茄奄列配煎餃子

昨日實在太多餃子, 今早就做多個奄列配幾只餃子, 簡簡單單又一餐

黑椒雞翼飯

昨晚預備左雞翼今晚食, 今早就用些少西芹和洋蔥先煮個黑椒給老公做午餐, 簡單又美味

果仁西芹炒雞軟骨

今晚本來只焗金沙骨, 點知阿妹上來食, 就去雪櫃搵多樣野出來炒, 有個雞軟骨加d西芹洋蔥和果仁, 簡簡單單又好味

蒸煎2食餃子配其它點心

一個星期只有今日可以遲d起身, 今早個個下午才要出門, 見好耐都無食點心去又唔想去酒樓同人big, 就去超市買d點心返來整, 今早無咩點心買到就加煎餃子, 因太多一部份喺電飯煲蒸, 好多時都好enjoy在家食點心, 平時大家返工返學好忙, 時間過得好快, 大家傾傾講講又2個鍾, 開開又大半天

蕃茄洋蔥豬扒

今日老公長週要返, 昨晚就留左幾塊豬扒和些少洋蔥, 今早加個蕃茄炒一炒又喺一個好味餸

中式豬扒

這2個星期d交通改哂, 每日雖然放5點, 搭車再轉車才回到家, 以前轉車上到早就可以去街市買吓野, 現在都無心情再轉車去街市先落因為改哂站要多15-20分鐘好遲買完回到家都過左7點而且街帘6黠半都開始收, 好多時都喺白行, 所以最近日日都在超市買餸, 今日買到件肉眼扒, 就切件加洋蔥開個汁煮個簡單中式豬扒, 又快又好餸飯

豆腐肉碎蒸蛋飯

昨晚返到屋企已經8點多, 就去超市買d野一煲過, 今早就好簡單蒸做個豆腐給老公做午餐

蘋果栗米蘿蔔意米無花果豬骨湯

昨晚在超市買左d豬骨, 今早摷吓雪櫃記得之前有個栗米, 又見d蘋果有好多皺紋和淋哂都唔食就唔好浪費加多個蘿蔔, 一d意米和幾粒無花果出門前用真空煲煲15-20分鐘, 今晚放工返去滾返起加鹽就飲得

一雞二味之簡單栗子雞煲+焗香草雞

雖然今日有新鮮雞買, 我就唔太鍾意同人爭, 放工去到超市d冰鮮雞做特價, 唔細40元有一只, 就帶左只回家, 早幾日買左栗子, 今晚就用半只煮, 另半只用香草醃留明晚, 點知大女問今晚有咩食我話栗子雞, 她原來唔鍾意食, 我話唔喺煲湯喺炒, 都喺唔鍾意好想食雞翼, 我話無還有半只留明晚今晚就煮左出來食啦, 就喺咁, 今晚就一次過一雞二味