網頁

2018年6月30日星期六

晚餐之蟲草花元肉杞子蒸雞

又星期六,呢個星期日日午餐都同人食,晚上又只得我同老公就是旦食,今晚終於正常煮返餐,早上二個女都要做嘢,我同老公休息就煲咗椰子雞湯帶出去比老豆晚上飲,午餐就同老豆飲茶,飲完買餸回家煮,今早將雞起肉同脾,其它就煲湯,每次煮比產後媽媽都必食的蟲草元肉蒸雞,自己就未喺家煮過,今晚就一試還加多咗花旗參,估唔到又好好味,下次可以一試,妹妹又帶咗蛋糕上嚟食飯,想簡單都唔得,就炒多個蝦仁炒蛋,開開心心又一餐
椰子雞湯,一雞二用雞脚同殼煲湯,肉同脾用嚟蒸
 蝦仁炒蛋
好耐無食的蒸鯇魚,大女最愛個魚卜
 薑汁蒸茸炒芥蘭
 花旗參蟲草花元肉杞子蒸雞
呢個喺朋友喺大陸帶回來的麻葉,有些少苦同會好咸,要洗好多次同搾乾水加好多肉碎同蒜蓉去炒先唔會苦而且好好味,細妹未試過話好好味

 妹妹買嚟的蛋糕

2018年6月28日星期四

晚餐之二人餐

雖然開始放假都好忙,同朋友食飯,約下月媽咪家訪,每日都係早起煮早餐同午餐盒,搞掂各人出門就整下嘢,約人就會因時間出門,而呢二晚都喺同老公食,所以都係好簡單,昨日出咗去家訪,嚟緊七月中的媽媽住西貢,每個生之前的媽媽我都會家訪,睇下家中的設備,bb喺邊度瞓同沖涼的環境,廚房自己需要的有無,方便開工同順便比定炒米茶包方便生完就有得飲,因為未去過所以都一早出門,順便睇下車程等開工時容易有安排,而今日就約咗舊同事食午餐,做咗十幾二十年每日返工來回三個鐘唔覺得點,但而家覺得好遠,真唔明以前自己可以忍受咁長的路程,太耐無去食飯度度都人多,最後去咗Mr Steak 食,食完太早自己就行下,大豐收唔洗二千蚊買咗二對鞋,三條褲,六件衫,晚上又喺一煲過,簡單煮咗雲吞雞,還有二只糉反熱,簡簡單單又一餐
 用電飯煲煮又快又唔洗睇火,先煮熟雞,食時加菜同雲吞,滾起就食得


昨日入完西貢回家又做定麵包做早餐
午餐叫咗什扒,同事叫咗豬柳無影相



2018年6月26日星期二

每月聚會晚餐之尖東彩福

今日陪剛完工媽媽的仔仔打針,搞掂哂就出尖沙咀同班同學晚餐,而家每月都會出去一聚,如果有人生日通常就食自助,無就一定酒樓方便等齊人,之前都會去聚德軒,真係好底食,但已經轉咗做放題,咁又要搵新地方,有個同學話呢間都幾好有半圍,點知坐低話無最後散叫,有啲就話好食,但我就覺完全無咩特別,而且價錢都唔平大家都喺叫咗好普通的菜,原來呢間食海鮮,今晚見好多枱都食龍蝦,諗住叫特價$88一斤,但有個唔食無叫,海班$148但又有人唔食,所以就叫好普通的紅燒豆腐,金銀蛋時菜,豉油炒蝦,半只雞,排骨等,食完叫咗些少甜品,原來真係好細比食自助的細一半,味道都幾好,可能每人都係食得少少,小吃多滋味真係無錯





 甜品好啲式
 睇支义就知幾細,
綠茶芝士無綠茶味
 芒果芝士
 西米布甸入面有苧茸
 紅豆糕
 紫薯糕

午餐在嘳館

今日完工第三日,仔仔打二個月針有時間所以過咗去同媽咪一齊帶仔仔去打針,呢個媽咪好客氣要請我出去食,咁我過去時就買咗烏雞,田雞同黃鱔,準備咗四個早餐,二個燉湯,因呢個媽媽好錫奶奶,原先我叫她補足一百日,打算同她整定湯包,但她話食足二個幾月已經足夠,唔想返工後奶奶又照顧仔仔又要再專登燉湯,她唔想奶奶太辛苦,咁我還掂過去買咗嘢準備好,早餐就煲飯將餸加喺面煮就得,而燉湯都只係放入燉盅加水就按制,燉好就飲得,午餐因為帶仔仔一齊就喺她家樓下的酒樓,媽咪最愛牛河,餐牌特別寫用安格斯,是實真係好軟諗都幾好食,叫多二個點心,點知將紙多點一個,最後都算照食,味道唔錯但價錢就一般貴,埋單好似$250左右,媽咪就好開心話好好味,只係最喜歡個牛河,一邊食一邊傾,仔仔就好乘瞓咗,食完他就起身跟住去打針,呢間健康院真係好慢板搞到返家已六點,仔仔今次打二針,二邊脚大哭完都收聲,媽咪好心痛,回家我就同仔仔沖完涼先走,等媽咪可以休息一下,反正今晚又約咗人食飯有時間
安格斯炒河
蒜泥白肉


呢個壺好特別又好靚
今日媽咪將信比我,呢封喺我收咁多張,最靚最特別的一張,好開心還有開工同收工大利市,呢個媽媽應該喺好滿意

2018年6月25日星期一

遲嚟的生日午餐飯在城市花園酒店

今日又喺如常早起整早餐,午餐盒搞掂晒家中各人出門,就整下包就出門約咗舊同事同我補祝生日,她忙於周圍飛,而我又剛忙完三個月的工作,今日終於可以出嚟吹下,因為同我食生日她一定搵間最好的,呢間之前應該食過晚餐,但午餐應該喺第一次,食物種類都多,但就一般的無蠔又無長腳蟹,好彩我哋都唔食蠔,而我食長腳蟹都唔多,但價錢就$298再加一,價錢如果無優惠就唔太底食,同事又食唔多,現在的我都喺一般食唔多,最主要喺出來傾下,可一邊食一邊慢慢傾,又過咗開心愉快的中午



 水間菜啲菜真係好好食,好新鮮




 叻沙米線好好味

壽司款式好多,有我最愛的脊燒三文魚

2018年6月24日星期日

晚餐同老豆興生日在富臨

今日開始休假等下月中媽媽生咗先開工,雖然放假但都係早起,因啲女要工作,準備好她們出門我自己都出去尖沙咀,因約咗11月的媽媽簽約,簽好見時間早就回家,晚上出咗老豆到食晚餐,過二日老豆生日,今晚提早同老豆食,今晚都算熱鬧只有大家姐有事無嚟,大細共14人叫咗一圍全包,諗住唔夠先加,點知樣樣都好大份,最好味只乳豬,姐夫同老公讚不絕口,其它都唔差,細妹又買蛋糕,傾傾講講開心快樂又一晚