節瓜蕃茄粒粒湯飯

今日老公喺屋企油漆, 就無買餸淋住喺樓下是旦食就算, 點知老公唔想行, 叫我是旦煮麵就得, 咁就摷下雪櫃有咩野, 有個節瓜, 一只雞脾菇, 加d豬肉同今早做餃子淨的栗米餡, 簡單做左個湯飯, 老公好開心話好過落去食啦, 簡簡單單又一餐

栗米豬肉煎餃

昨晚先預備餡料今早就方便, 整好就出門, 老公同女起身就有好味早餐

簡單意醋煮金沙骨

老公這星期放大假, 就由他安排買餸, 放工唔細趕去買餸好舒服, 返到家抖一抖先準備, 今日老公買左金沙骨本來他想食我焗果種, 我話時間唔夠就改用意大利醋煮, 因為炆煮就會入味d, 而且支醋買左好耐都無機會用, 今晚就可以開封啦, 老公話好好食, 味道有d似食豬腳薑

椰糖腰果提子包

昨晚又較定時間, 今次就加左腰果同提子, 我之前都淋要唔要打碎腰果先, 最後都原粒落, 估唔到腰果同提子都碎哂, 但就好好味而且今次好勁頂蓋

魚柳西芹煎餃

今早去街市買河粉時, 見到d餃子皮幾好就順便買左d返屋企, 細女見到有餃子皮就話包咩料, 我話買定先今早食炒河粉, 點知阿細話好想食, 咁就是旦喺雪櫃摷吓有d 咩可以包, 簡單一件魚柳加上西芹和雲耳做出清爽好味道

椰糖椰汁提子包

雖然星期日, 但今日一早起身搞好麵團等發酵就上去街市買河粉和湯料, 整好就去老爺奶奶到, 去到就有得食, 始中自己廚房熟識d

蕃茄肉片炒蛋

今晚本來全魚餐,早一晚買左多春魚, 原來細女喜歡的是秋刀魚, 今晚就專登買左, 再買老公喜歡的海黃花, 點舍細妹話喺附新近睇醫生後上來食飯, 我話食菜同魚, 她就無所謂如果可以就煮個蕃茄蛋就得, 咁就叫老公出去再買順便買條新鮮魚回來, 因阿妹唔食秋刀同黃花

沙薑雞

早日買左只雞食左半只, 淨返哩半只就淋主薑蔥蒸, 點知家中無蔥就改用沙薑粉去蒸, 在超市見到多春魚12蚊8條以為細女鍾意食, 原來喜歡的是阿姨

九菜花炒肉片

好多時放工就淋今晚煮咩好, 有時淋在返到去都未必買到, 所以而家返到去買到咩野先去淋點煮, 今晚入到超市人山海, 原來哈密瓜大特價, 見到價錢但都行唔到入去, 淋住買左其它先, 最後都忘了, 今晚就買左九菜, 三文魚又特價又買返去薑蔥煮再炒多個九菜花, 簡簡單單又一餐

生菜魚柳卷

昨晚有魚柳淨底, 今早就開個麵糊加D生菜, 又一個簡單美味早餐

冬瓜雞脾菇煮雞

昨日買的冬瓜太大, 今早一大半煲湯, 留左d肉淋住炆燒肉, 點知去到超市稻香雞做特價32蚊就買左只返去一開二, 半只加左冬瓜和雞脾菇去煮, 另一半就留明晚食, 估唔到煮出來好好味, 老公同女兒都食到唔停口

消暑冬瓜去濕湯

今日大暑, 大家記得飲多d水

 昨晚已買定材料, 記得上一年大暑日菜檔老板叫我買冬瓜返去煲還送了一大塊荷葉叫我放入去一齊煲, 今年記得就買左包去濕料一齊煲, 今早起來又利用真空煲, 煲左先出門, 今晚返去滾起就飲得, 真空煲真喺好幫手

材料: 冬瓜一件, 豬骨和去濕料一包

先將豬骨出水, 去濕料洗淨, 冬瓜切件全部放入內煲煲半個鐘就放回主煲, 今晚返去滾起加鹽就飲得

鮮檸檬梅子蒸排骨

今晚買左掛骨返去都未淋點煮, 通常都會洗淨簡單用豉油糖先醃, 後來見到雪櫃重有只檸檬就用來煮, 最後都喺加左梅子一齊蒸, 原來好好味, 有清新感覺, 個女話好好味酸酸甜甜, 本來唔食飯都去食左半碗

半煎煮黃花魚

黃花魚食法多多, 女兒最鍾意煎香點沙律醬, 老公最鍾意半煎煮因d汁可以撈飯話好好味, 半煎煮黃花魚, 再加多個什錦菜湯, 簡簡單單又一餐

麵包布甸

今晚差不多食完飯, 大伯突然上左來我家, 他說已食左無咩野就過來傾吓, 咁我就沖左茶後走去做左簡單快手的麵包布甸