網頁

2020年5月31日星期日

晚餐之有機雞翼

又星期日啦,唔知點解日日都好似好忙,每晚8點幾9點回家食完飯做好嘢又11點好想瞓,今日星期日又瞓唔到,8點幾就醒咗,今日喺家同老公簡單食完早餐後就清潔一下之後就出去買嘢,而家晚晚老公都早過我回家,所以他煮多,啲囡喺到就多數煲湯煮飯,如果我我哋二個就簡單一煲過煮麵就算,老公而家好叻炆同焗,昨日家姐過嚟攞咗雞翼同牛仔骨,老公就炆咗今晚食,雞翼就焗咗好大只話有機,老公話雞翼無理由咁大只如果有機就更怕,後來老公食完就話應該喺火雞翼,炒菜蒸魚又一餐
啲雞翼好大只,應該喺火雞翼
呢個原來唔係牛喺豬,家姐話搞錯


老公煮的晚餐
豆腐炆鱔

電飯煲炆黑椒豬手(教咗老公用電飯煲後他就咩嘢都喺飯煲炆,真係好方便,又唔洗睇火)
呢個用田七葉滾的湯,味道似韮杞




呢個用麵粉做的麵而家呢個媽咪的大囡,食嘢好差又好慢,專登整好多動物等她有興趣去食

呢個用麵包整的蘋果批比媽咪做下午茶配燉湯,她的囡囡都好喜歡食完一件再食,最後食咗2件
紅棗鮮奶燉花膠喺呢個媽咪最愛

2020年5月30日星期六

產後食療之蓮子百合鮮奶燉花膠

時間過得好快,同呢個媽媽做咗2個幾月,因為無人幫手做到我下6月媽媽生我先完工,所以好忙每日都早出晚歸,做嘢就喺咁盡量做哂啲嘢先走,等個媽媽有得休息一下,呢個媽媽好有福,奶奶好錫她,買咗好多嘢比她補身,最貴的蟲草,同只超大厚的花膠,第一次發咁大只喺話之前買定而家幾萬蚊都未必有,因為呢個媽媽餵人奶怕塞所以就嚟開工應該唔餵,所以開始試少少,教她一個最簡單又好味的燉法,就係用鮮奶燉,全部材料放入燉盅一個鐘後就食得,所以又介紹一下呢個簡單又好味的燉湯

花膠能補腎益精,滋養筋脈,產後風痙含豐富的蛋白質及膠質,具滋陰養顏,補腎,強壯機能。 腰膝酸軟,身體虛弱等效用,如果餵人奶就要睇下自己啲奶出成點,如果成日塞就最好用少啲
百合具有清心安神、潤肺補氣、清熱止咳、美容養顏等多種功效
蓮子有補血補氣,調理身體的功效
 材料:已發花膠2-3塊(份量可隨意加減), 蓮子同百合各1湯匙,紅棗3粒,鮮奶一碗,冰糖半湯匙(喜歡甜可多加)
先將蓮子百合浸15分鐘後,蓮子去芯,紅棗去芯洗淨後全部材料放入燉盅
 加入奶
燉一個鐘就可以食
蒸完發的花膠唔會溜失膠質
 發得更靚更大


2020年5月10日星期日

豐富的母親節晚餐

時間真係好快又星期日啦,今日又喺母親節,先祝大家母親節快樂,雖然休息但都喺早起,因為二個女都要出去工作同上堂,上星期因為去咗個媽媽到做薑醋,今個星期又準備簡單的早餐,粥,炒麵同豆漿,等她們食完就出去,我同老公食完出去行咗個圏就回家,今日出去出面好熱鬧周圍都好多人,今晚本來啲囡話叫外賣,點知昨日老公已買定餸,咁我就煲個椰子鮮螺頭雞湯,阿妹又帶咗好大盒壽司一齊開心下,二個囡回來各自帶咗甜品,大囡買咗我最愛芝士蛋糕,而細囡就買咗新的玫瑰朱古力咖啡果子,呢個外層軟綿中間朱古力,底喺咖啡真係好特別同好味,阿妹都話好食,雖然今年的母親節無外出食,辛苦老公煮但就好開心好滿足,開開心心又一日
細妹帶來重手的壽司,食完今晚啲飯就留明晚炒
老公昨日已買定鮑魚,蝦同大班好豐富
再加多個焗雞翼
炒多個魚香茄子喺細妹最愛




呢枝喺紙玫瑰,大囡出門前快手做給的的母親節禮物配埋她買回來的芝士蛋糕
呢個細女買回來好特別的甜品,好好味
今早的早餐
自己整豆漿,個個都喜歡喺唔太甜,豆味重,一細杯黃豆可以整3公升味濃的豆漿
皮蛋咸蛋足清熱下火

昨晚剩的茄子加包金菇一個麵餅就可炒出一大碟
老公呢個星期煮的其中幾餐
 每晚都喺魚,肉同菜

 龍躉魚肝蒸蛋,好大的肝但好腥我無食


2020年5月3日星期日

晚餐之蕃茄炒蛋

又星期日啦,今個星期都係好忙,雖然今日休息但去咗幫8月的媽咪做薑醋,一早出咗門口,去到個媽咪度就立即開工,因為個媽咪趕下午出去,搞掂完買啲嘢就回家,本來諗住買埋餸點知買咗好多日用品,回家後又唔想再出,咁就清雪糕點知阿妹又話過嚟食,我就講無買餸,只係喺超市買咗只雞,咁就蒸咗雞,紫菜湯,炒菜同整魚柳,阿妹就好似無咩餸,有幾個蕃茄就簡單加蛋炒,有時簡單的餸原來個個都喜歡,阿妹又買咗好多壽司上嚟,本來簡單的一餐,變得好豐富




 簡單蕃茄炒蛋個個都好喜歡

  阿妹買咗好多壽司嚟



整咗格仔餅比媽咪做下午茶
 幫個媽咪試呢部新機,但做得唔好
 其中一晚老公煮的晚餐