網頁

2021年9月26日星期日

晚餐之蒜香雞湯

時間過得好快又一個星期啦,今日個個都唔洗返,瞓到自然醒,我同老公就大約9點幾起身食咗簡單麵包同麥皮,清潔一下,上下綱等啲女起身就出去飲茶,好耐無一齊飲茶,飲完後就同老公去買餸回家,今次又買咗2只雞,一只整香草,另一只就斬件去做個蒜茸雞湯,今次呢個雞湯好好味而且好有益,可增強免疫能力,買咗阿囡喜歡的鰻魚,炒個菜同豆腐肉碎蒸水蛋,簡簡單單又開飯





材料:雞一只,蒜頭2個,淮山2片,杞子1湯匙,龍眼乾1湯匙,鮮螺頭2只,當歸1片(可加或唔加)只係提升湯的香味
先將雞斬件洗淨,螺頭都洗淨,蒜頭去衣
先將雞同螺頭出水
滾起多1-2分鐘就可以
蒜頭留起1湯匙左右切碎其它煎香
出水後洗乾淨
蒜頭用中細火煎到金黃色有香味
先喺煲放入水後加入煎香的蒜
其它材料洗淨後放入煲
滾起後中細火煲多一個鐘
煲好後加入啄碎的蒜
再滾起加鹽就飲得





2021年9月23日星期四

同同學晚餐在德興

時間過得好快,未疫情前每月的聚餐已經差唔多2年無出嚟,之前還境問題,之後因疫情一路都唔唔到嚟,而家大部份同學都打咗針, 今晚終於約到出嚟晚餐,因為呢間可以6人而且可以坐耐都你人趕,太耐無嚟唔同哂,而家又火鍋自助為主,而我哋又無諗過打邊爐想叫餸食飯,以前好抵食半圍唔需要1000蚊,但今次無本來散叫,後來見到有2人餐,就叫咗3個都幾抵食,最值喺帶子好大只又好好食,個餐每人有海鮮湯,一個清菜,一只蒜茸蒸帶子,自選2個餸加每人一碗炒飯,2人份量的餐都好夠,我哋叫咗3個就有6個唔同的餸菜,可以試唔同的餸菜,到我們走時先發現有半圍但價錢就比以前貴,大家都話下次要試下



呢個蒜茸粉絲蒸帶子最好味




涼瓜肉碎炒蛋



2021年9月22日星期三

同家姐細妹補中秋午餐在好彩

今個中秋無邊度去,只係在家同啲囡食餐飯慶中秋後,她們就各自同同學朋友賞月,以前都會約同學回家打下牌過中秋,呢2年疫情所有嘢都改變哂,而家疫情好些少約咗阿哥,家姐,細妹8個人去九龍城食午餐補中秋,4大長老都離去後,節日已經好似無咩特別,她們在時就好忙,正日老爺奶奶就一定在我家連大伯叔仔一家好熱鬧,我父母家通常提前食飯出外或在家煮,而家周圍都好爆訂枱都比較難,之前叫妹妹喺返樂富訂枱食,但只得返一間無得訂枱,改去九龍城廣場地下的好彩,可以8人雖然已訂枱但都要等差唔多半個鐘先入到去,本來打算叫餐,但午市無就散叫,叫咗好多嘢食,今次大家姐都嚟所以好開心,大家傾下食下好快又4點幾大家又要各自回家,希望疫情快過可以好似以前一樣,隨時周圍去食嘢探下啲家姐朋友過返正常生活

二家姐最喜歡的釀青板


大蝦伊麵喺兒甥仔最愛
呢個懷舊蛋散唔係好多酒樓有
椒鹽九肚魚味道唔錯
呢個椒鹽鮮魷就麻麻,粉太厚而且好硬
雜菜煲就太細啦

素鴨喺大家姐最喜歡
雞腳喺哥哥最愛
乳鴿同燒腩肉喺姐夫同老公最愛

2021年9月21日星期二

晚餐之豐富盤菜賀中秋

時間過得好快今日又中秋啦,之前幾年都要開工,今年因報咗課程而無接job, 可惜課程改完又改,應該喺開得成都讀唔到,因為11月媽咪已通知會在10月尾開刀,咁11月頭就應該開工,今日搞掂完各人出門後就食咗簡單早餐清潔完出門買餸,今晚諗住整盤菜慶中秋,咁就先去百佳買咗雞,1/4只鴨同鴨掌,跟住再去街市買燒肉,豬紅,蘿蔔,魚蛋,買完嘢就回家,準備冬菇,花膠就開始準備,今年雖然有時間都無整月餅,因為家中已經有好多唔同種類的月餅,飯後一家食月餅,湯丸同生果賞月,開開心心過中秋


有紅豆,芝麻同花生

今次加瑤柱一切蒸雞


先炆好鴨掌,冬菇,鴨同花膠
開始準備底料,豆卜,蘿蔔,豬紅,魚蛋
開始準備面料