網頁

2023年2月19日星期日

午餐一家人在table18



今日休息又可瞓到自然醒但我都喺8點幾就起身,忙在6日好多嘢都無做,星期日休息就可悠閒做唔需要趕,本來諗住同老公出去飲完茶買嘢煲湯煮返餐,點知啲囡話唔好飲茶同我哋去試半自助,咁最後就成家人一齊出,好耐無試過一家四口一齊出去食嘢,過年後都有出去但多數有其它人,今日去咗table18, 本來叫2個主菜share就夠,見出面都多嘢食,最後叫咗3個帶子墨魚飯,燒雞同龍蝦包,細女想食埋燒雞,點幾去到邊食邊傾太開心傾下食下差唔多到4點先走,大家都好飽今晚又唔洗煮,之後一齊行街睇嘢,跟住同老公去買返啲肉同菜,明天各人都帶飯,開開心心又一日

龍蝦包
燒雞

帶子墨魚飯


自己出去攞的部份食物
栗米湯都幾好,平時只喺一碗
星期6-日先有試少海鮮(蝦同青口)
凍肉款色都多,比起其它半自助或自助餐算最多款大約有8款
甜品好少但都可以
甜品唔多,只有幾款

2023年2月18日星期六

晚餐之老公煮

又星期六隨咗我返工個個還在睡夢中,我就唔需要咁早起,今日可以早啲出門就去試另一間巴士,如果啱又可慳返十蚊車,而家搭車最貴又遠來回差唔都40幾,好彩早出門落車後搵唔到路行,不停問人去到個商場問secur話好遠有小巴如果行都要20分鐘,最後見有時間就試下行最後無遲,呢度做咗就嚟一個月,都無咩有姐姐幫手,但呢個姐姐就好吋喜歡就聽你講但就唔跟做,而家啲姐姐好幸福同主人一齊食,每日4點下午茶媽咪食咩她都一樣隨咗燉湯,如果媽咪出去都喺4點自己沖杯咖啡加件cake, 餅或自己買回來的炸物,最叻就喺抱BB我反而就最唔喜歡,因為抱慣咗就做唔到嘢,但叫咗唔好抱都唔會理,算講多都無謂反正我都喺過客,個媽咪都無出聲,有時我就無意講抱慣難搞,個媽咪就話姐姐好錫BB, 呢幾日先發現當她午餐同下午茶時間,BB點喊都唔會理,我就一定要去處理,好彩自己手脚快都習慣有無工人都盡快搞掂要做或準備啲嘢,知道BB啲時間未穩定,每晚都喺遲成個鐘或大半個鐘先走,主要收工前餵埋餐奶,等媽咪可以休息下,今晚又差唔多7點先走,因個媽咪出咗去未返我又唔放心,覺得自己都好多餘此中都有咁樣的時間,最後我都喺無等媽咪返,BB飲完唔瞓又扭抱,姐姐話她抱住就得,我見咁晏回家又要9點最後通知個媽咪後就走,返到家沖完涼就有得食,老公好勁煮咗好多嘢,因為我開工大家都無時間,通常一煲過,買外賣或出去食,今日休息話煮餐好嘢比我食,哈哈哈哈哈開餐啦

四餸一湯白飯任裝





2023年2月14日星期二

情人節晚餐同老公在溫沙餐廳

今日喺西方情人節,先祝大家開心愉快過情人節,每年情人節有時間都會在家食西餐,特別疫情呢幾年,今年輕鬆哂大家正常生活,2個女都唔返嚟食,咁就唔洗趕回家整晚餐同老公出去過2人世界,年年情人節都喺花同朱古力,今年都一樣,但就好大盒金沙同細細盤蘭花,因為開工本來話早2日買,我就話今年唔需要花,剛元宵啲花先清走,今晚又好趕6點幾先走返到家附近已經8點幾,就喺附近餐廳就算,老公最喜歡花園餐廳,以前好多時都去,而家都無邊度有,後來發現官塘還有一間去過覺得麻麻差咗好多,老公就喜歡花園餐廳話正中啲,之後去過其它都唔得,有啲餐廳雖然有鐵板,但只有我們叫,老公就怕咗放咗唔知幾耐,最近搵到間溫沙都幾好,價錢唔太貴,今晚又去試多次,叫咗個什扒配薯菜,原全聽唔明個姐姐講咩,最後嚟先知用洋蔥圈代我覺得幾好,老公叫西冷2個都鐵板上,原來要講上次唔知就碟上,原全唔係我哋想要的,今次睇清楚後先落單同再問,嚟到汁另上我吔無淋落去,其實都夠味最後都無咩點用,下次叫唔同汁好啲,可以試多個,呢度唔喺餐包,喺我最愛的蒜蓉多士,湯就一中一西,蘿宋湯覺得咸咗啲,中湯都可以,我個什扒老公話靚好多,可能配薯菜又多幾樣有啲顏色,而他的牛扒配意粉就單調咗,最後飲埋餐茶就回家埋單210左右都可以,簡簡單單過咗情人節晚

坐底就嚟餐湯同麵包



老公的牛扒

我的什扒豐富價錢比老公平

餐後的咖啡同奶茶都好飲

年宵的蘭花唔靚,老公再買有根的換咗

今年好大盒金沙有排食

今晚的消費女兒比1千,食埋餐飯加呢大袋生果都有淨


2023年2月5日星期日

午餐校長燒肉慶年宵

今個年過得好快,今日已經喺年15元宵佳節又喺中國情人節,祝大家元宵節開心愉快健康幸福平安

初五正式開工後好忙,因路途搖遠早出晚歸,回家後食完飯休息一下又要準備第二日的早,午餐,開始全面正常老公都要返早,每日5點幾起身準備早餐同午餐盒比老公後,自己就食簡單早餐後就準備埋2個女的早餐同午餐盒,自己就出門,3程車小巴轉地鐵再轉小巴,呢個媽咪唔需要我買餸,其實好好唔需要每早都一大袋嘢好重,麻煩喺去到先睇下有咩再諗煮咩,全部凍肉要解凍先知喺咩,第一餐連湯料都唔知有咩,過年幾日她媽咪幫手只喺煲豆湯加肉,又無瓜咁只好睇下有咩就煮咩同去煲湯,最好笑喺我問有咩個媽咪就叫姐姐比我,比咗包雞翼同包凍肉,我做咗差唔多50個家庭第一次坐月食凍肉同雞翼,先用冰骨用鹽水解凍後加淮山,蜜棗,核桃,雪耳同蟲草花煲咗個潤肺增強免疫力的湯比媽咪,呢個媽咪好信個中醫,要跟中醫的湯包去煲茶,第一日睇過覺得啲藥太勁唔適合餵人奶,個媽咪都知話餵半個月後就停先食最後就放棄餵人奶,可能咁就好多都可以食,如果自己買嘢就容易安排,而家就要每日或早一日睇定有咩諗定先,之後就2日有咩需要叫姐姐去買,覺得自己都好叻第一日午餐整咗,檸檬雞翼,煎魚加黑椒碎同鹽好似煎三文魚咁炒個肉片波菜,晚餐就柚子豬扒,大蝦乾肉片炒西蘭花同蝦乾碎薑絲芫荽蒸魚尾🤣下午茶帶咗幾條腸粉過去整咗芥蘭肉碎蒸腸粉😄,姐姐同食午餐4人連我,晚餐就3個,個媽咪每餐都要3個餸,雖然我唔需要買餸但每日我都按排早,午晚餐,一個湯同隔日一燉湯,因為有3日飲中藥,而下午茶我整的料我就自費買容易處理,呢個BB出世唔夠磅住咗幾日足磅就可出,大年初一突然出得就專登過去跟,大約講咗要注意咩,教餵奶,換片搞到8點幾先走,每日都WhatsApp跟住有咩需要都立即跟下

今日本來又諗住整個盤菜慶元宵,老公話之前還有花膠同海心買燒味回來就可以,但啲女突然即慶話不如食自助午餐後就今晚唔洗煮回家食湯丸就搞掂,唔需要訂枱就應該漢和韓燒或校長,咁啲女話先睇校長我同老公就出去睇下先,12點幾去到等咗一陣就有位,如果想耐啲有4位就食3號餐入座食到4點,咁就食3號可打邊爐加燒嘢同魚生,價錢就188再加一都唔貴,我最怕坐限時,好似上星期約咗班同學去飲茶,入坐無講限時,後來就追埋單話出面有個牌寫咗,嘢未到齊話無法,轉頭又有人吹態度極差,後來我哋就話唔要埋單再轉去第二間無限時就坐到4點幾先走,所以今次就食校長可以唔洗急慢慢食


部份熱盤

飲品
打邊爐都喺主食菜




魚生有5款,每次只可攞3款
阿女話樣樣都好咸,雞軟骨喺她們最愛
餃子同牛肉

前菜
最後少少甜品

回家晚餐唔需要煮食湯丸同生果