網頁

2021年12月5日星期日

午餐同家姐細妹在龍寶

話咁快又星期日啦,剛做一個月多啲,每日都喺忙忙忙,每朝5點幾起身準備早餐同午餐比老公後就會回去瞓返半個鐘就起身準備啲囡的早餐,如果唔洗返就自己食完做餐就出去,雖然返十點15分,因為呢個媽咪無人幫,阿囡又黏身搞到個媽咪連早餐都等我去到先整,所以而家就早出門9點幾就到,如果要去健康院就更早9點前,而家做咗差唔多一個月,最希望搞掂阿囡每晚可早過6點走,呢2日大囡喺嫲嫲家回來試下住,因為媽咪個幾月無見太掛啦,呢2日更忙,細食飽唔瞓,大又黏住媽咪,搞到媽咪睇實大囡無時間休息,希望下星期會安排得更好,等媽咪多啲時間休息,今日約咗家姐同細妹去食午餐,細妹話好耐無飲茶所以就去咗官塘龍寶,叫咗好多嘢,原來唔係一般酒樓咁加10%喺加13%可能都比一般平,飲完後同老公買餸回家,今晚簡單一煲過加幾塊牛扒,帶子同整咗椒鹽三文魚頭,簡簡單單又一餐

家姐同細妹想食的錦路雲吞,話太耐無食,呢間啲料都幾多


呢個咸菜雞煲,咸菜多過雞

呢個半只燒鴨配米粉都幾抵食,連埋加13應該都喺唔洗100蚊
呢個蝦多士細妹話要試,好耐無食而家好少酒樓會有

雖然唔洗返工,但2個囡未確定回來食,所以都無特別整餸煲湯,都係同平時一樣預備簡單一煲過,可方便隨時加料,今日喺樓上又買到三文魚頭就簡單椒鹽煮,阿囡回來食就加多幾塊牛扒同帶子






2021年11月27日星期六

BB滿月的一天

時間過得好快,今日BB滿月啦,而家滿月都唔會慶祝或者好簡單,多數做百日宴,但呢2年疫情更加無得搞,我都喺習慣整紅雞蛋同班蘭蛋糕送比BB同媽咪希望BB快高長大,健康活潑開開心心過每一日,如果個媽咪無特別做,我通常買啲柚葉比她們沖涼,迎接繼續的開心愉快日子,今日午餐買咗蝦同魚送比媽咪等她們一家食完日日都開開心心笑蝦蝦,魚就年年有淨,今晚就準備蒸雞,蒸班同炒豆苗,今日星期六更忙又預備埋星期日的湯同簡單的餸同2日的早餐,等她們多啲時間照顧囡囡


咕嚕蝦球
蒸鯇魚


滿月唔少得同BB影返張相,呢個媽咪比較有要求,每天開工就要咁樣的裝速,做咗5年今次都喺第一次,疫情最嚴重都無媽咪要求,哈哈哈,BB好叻識望鏡頭



2021年11月23日星期二

晚餐之百樂酒店補祝32週年

開工後日日都好忙,已經專登早成個鐘返去,諗住快啲搞掂就算5:30收唔到都唔洗太夜,之前訂咗正日慶祝因女兒工作改咗今晚,因為食自助6:30開始,諗住如果6:30先走過到去都係7:30左右,點知都係遲差唔多8點先到,老公專登整定長腳蟹肉比我,我去到就有得食,大囡最愛蠔唔知今晚無,搞到個囡話無嘢食,我就覺得都幾多,以前成日嚟食,已經差唔多成年幾無嚟,個部長還記得我,今晚剛酒店60週年有抽獎,阿妹就填咗我個名,只係抽6位還要玩遊戲,最後只得一個有獎,我就無理無諗會抽到,點知真係抽到,可惜我出去攞嘢食,她們以為叫出去攞獎,點知我攞完嘢回去她們話抽中,再問下原來喺當時抽中就出去玩,再淨2個最後缺勝負,我哋就錯過咗機會,覺得好唔抵,咁多枱只抽6個都抽到,最後只得一個有獎,覺得酒店太小家啦,難得抽6個就應該抽中都有獎先啱,我哋同經理反應,他就話公司規矩無法,老公就話算,認得我們的部長走過嚟送咗幾杯紅酒比我哋,老公覺唔好意思,話細細杯就可以同多謝,今晚好開心又影相又食蛋糕雖然遲但都過咗愉快的一晚

今晚每人都有一份好足料

呢個燕窩燉蛋白好味
百樂有人推介話好好食的豬腳薑山,我覺得一般
鮑魚雞粥都幾好
燉湯就喊咗啲
魚生
羊架阿囡話好味
沙律菜都多款

各式熱盤,每樣少少都好多

老公準備比我,好鮮甜好好味
甜品唔多



細妹送咗個醒酒器比我哋,要我哋開嚟睇,同老公一齊開睇完笑死





2021年11月18日星期四

外賣晚餐慶結婚32週年

時間過得好快今日喺結婚32週年紀念日,本來今晚book咗出去食自助餐慶祝,點知大女公司有事做問改期得唔得,老公話幾時都可慶祝,做嘢緊要,咁就改咗下星期先補慶祝,剛開工差唔多3星期每日都好忙雖然話放5點半每日最早都7點後先走,上星期已通知媽咪最遲6點半走,諗住去到7點半都唔緊要可以叫老公攞定啲我最喜歡的,雖然今晚唔喺食自助但媽咪記得都叫我早啲走,阿囡今日難搞,成個晏晝唔瞓搞到5點幾,媽咪出嚟幫手埋身,我就趕做完手上嘢再去幫手,好彩今晚阿囡買外賣唔洗趕,本來同老公出去食,最後怕時間難預都諗住買回家就算,呢個囡飲少少就瞓,放落床就醒要搞成個鐘先飲得完,昨日開始試定時定量,但幾餐做到今日又亂哂,可能成個晏晝無瞓,媽咪埋身一陣就瞓咗,應該喺太攰所以我就可以收工雖然已經6點45都算早,可以直接搭車回,返到去都8點幾,老公32年不變都喺專登去買花,今次自己買蛋糕好特別話叫蛋撻,都有啲似溜心都好好味但我覺得就甜咗些少,雖然簡單但好開心




好豐富,樣樣有啲
今次啲花好靚


好特別的蛋糕有溜心







2021年11月13日星期六

晚餐之外賣大家樂同老公慶生日

時間過得好快,今日老公生日之前都會出外慶祝,但剛開工時間有啲亂所以買外賣回家慶祝,祝老公生日快樂,健康幸福每一日

剛開工2星期每日都好忙,覺得時間好唔夠,本來返10:15放5點半,但差唔多每日都9點半左右到,最早都7點先收工,如果去健康院就早過9點返去,頭幾日就更夜,好多時都8點後,呢個BB比較難搞,每次飲夠量都要一個鐘以上,想多餐少食又唔得,因為因少少又瞓,放低唔夠幾分鐘就嘈,要都花時間餵一定啲量咁就好啲,所以搞到時間大亂,好多時6點半想收阿b就起又幫手換片搞完換衫又7點幾如果餵埋有時8點先走得,呢個媽咪比較注重,每日回去花15分鐘換衫,set頭帶頭套,口罩先開工,如去健康院更麻煩帶多套,入屋換完,出去再換套新出去,回去再換返套又再做一次所有,呢2年疫情最緊張時期都未做過咁,本身自己已經入屋前全身噴酒精,入屋後有再噴跟住洗手除口罩換衫就開工,自己做足媽咪都覺得唔夠,第一次全日帶足十幾個鐘,真係幾辛苦耳仔非常痛,水又飲少咗,帶著好唔方便好彩呢度唔太熱,做好清潔就先清潔廚房,呢個媽咪無人幫昨晚的所有餐具煲,鑊同碗碟全部無清潔,奶樽有時一只都無,但又唔可以立即洗,要清楚咗啲碗後清洗水盤先洗,一搞又浪費成個鐘,啲嘢好似做唔完,所以更想早啲返去,個BB難搞啲個媽咪連早餐都無時間整,咁見到未食又會整咗比阿媽食先再整,做咗咁耐第一次偶到咁情況,記得幾年前都有個媽咪喺咁,回去都清潔所有前一晚的碗碟煲同鑊,跟住清潔奶樽後,唔需要跟BB就準備湯,午餐同其它嘢,可能無咁多情序,都好忙但都可以6點前搞掂哂收工,今晚好彩唔洗搞到7點幾先走,咁喺大家樂買咗啲餐就搭車回家,阿囡買蛋糕,雖然好是旦但一家人食得好開心,飯後食埋蛋糕同生果,開開心心又一餐

簡單一餐同老公慶生日,自己加多過菜湯

麻辣雞煲回來加熱再加啲肥牛,味道都幾好
今次只燒雞老公話好味
呢個沙茶炒牛肉更差有香橙汁味
香橙豬扒,好失望個樣都唔靚

阿囡今次買呢個好特別喺日本柿蛋糕好好味,知道她爸爸最喜歡柿
星期日放假,星期六就更忙會準備湯,早餐同簡單餸等她們多時間休息同照顧BB




上星期日放假都忙幫個媽咪整薑醋,個媽咪話忘記同我講想我幫手整薑醋,咁就辛苦老公幫手買醋同薑回家整,因時間關係,每日早晚煲4個鐘,因為要小火唔急得先煲得好味唔會乾哂啲醋,以前煲喺最少提早一個,每2-3日煲一次



每日都喜歡趕起個湯,午餐就可以有得飲
午餐通常2個餸

每日都有一款小食配燉湯,呢個喺其中一款的小龍包