網頁

2018年1月26日星期五

中種麵團之火腿芝士包

下星期一開工啦,今日有時間就去咗醫院探媽咪,帶咗自家制的芝麻包同义燒包(义燒都係昨晚焗完的)比她,另外火腿芝士就帶咗幾個比她老公,因為她話好肚餓,但知道好多嘢都唔食得,自己做的包無蛋無奶就啱食,因為睇12點時間好趕,焗完都忘記影相,回家再做火腿芝士包明早做早餐,自己食就可加奶同蛋,好多時都係麵包機發麵後入料定型,今次學人中種就手搓,原來加咗中種做出黎好軟綿,真係好好食喺到分享下
材料:6個大(或12個細)
中種:高根粉75g, 酵母2g, 水60g
麵團 :高根粉175g, 酵母5g, 水40g,
            奶粉10g,鹽4g, 糖20g,
           牛油40g,牛奶60g
包料:火腿4片切細條,芝士醉1杯
先將中種材料撈勻
                      放半個鐘
中種半個鐘後放入麵糰料一齊搓
撈勻
放喺枱搓到軟滑
大約15分鐘就會軟滑
等發酵20分鐘左右
20分鐘後將麵糰按壓排氣
排氣後將麵糰切12件
將麵糰按平放入餡料
封口卷好就再發酵45分鐘左右或發酵二陪大
45分鐘後麵糰已有二陪大
面掃上蛋汁可隨意放些芝麻同香草
入焗200度12分鐘就可以
每個爐溫都唔同,可以插入竹籤無黏物就熟
之前整比媽咪,因時間太趕,焗完立即走忘了影相



產後食療小食之菜心豬肉餃子

生完頭幾日啲媽咪都會食得好清淡,先飲炒米茶,食果皮豬肉粥,肉汁,菜心,節瓜,合掌瓜炒肉片,蟲草花肉餅,排骨.....等,當習慣咗就會容易肚餓,通常我都會整啲小食比她們做下午茶,今次介紹呢個餃子喺菜心同豬肉,出面好少有,通常完工時又會包定一大包放喺冰箱,等我走咗就隨時可以煮黎食, 材料簡單做法容易
菜心富含維生素A等多種營養成分,可增強免疫力,預防缺鐵性貧血,產後所需的各種營養素都可以通過食用菜心獲得,是極為理想的食療蔬菜,而豬肉有豐富的蛋白質,雖然一只小小的餃子好味又有營
 喜歡皮食時煙韌,煮時加入二次冷水煮滾後食就會好煙韌
材料:菜心1斤,豬肉碎$15,
           餃皮半斤
醃料:豉油1湯匙,糖1茶匙,
           油1湯匙 

 先用半茶匙鹽浸菜
將菜洗淨
洗好的菜切細粒
切好的菜用1/4茶匙鹽撈勻
豬肉用醃料豉油,糖先撈勻

菜放5-10分鐘後見軟身同見有水出就用手搾乾
加入豬肉搞勻
撈勻後加入一湯匙油再撈勻
包餃子要預備些少用嚟黏合
餃皮放入餡料
周圍搽水對摺黏實
在餃子角搽水
                       將另邊黏上
包好的餃子先放喺盤
再入冰箱冷凍
雪硬先入袋,下次攞出嚟煮先唔會黏在一起
入袋後可以容易攞出嚟煮
先將水煲滾後加入餃子
 準備一碗凍水分二次加入
 每次加凍水都要滾起才加
 咁樣煮出嚟餃子會煙韌同無咁易爛
 最後加入菜,或粉麵
 加鹽,糖調味就食得

2018年1月23日星期二

人生第一次淘寶

淘寶,淘寶,今日開箱啦,訂幾日咁快就收到好開心,好快開工好難喺家等收貨,啲人成日講,啲媽咪又講,點淘話好平好底,有個媽咪話全屋傢俬都喺,bb啲用品好多都喺,呢個媽咪好勁,原全睇唔出好多好似喺日本嘢,又話要買平同靚嘢就要哂功夫先有好效果,呢排都好無聊就學下上淘寶,學人去淘下,淘咗大箱烘焙工具同焗爐紙,因為而家用多咗焗爐紙,喺香港一張都要$1,而家又運費又手續費都係$0.2一張,真係差好遠,啲同學又成日講話好平,講好搭單買又話買咗要等,咁自己試下啦,真係大鄉里搞咗好耐買到嘢,但應該都喺買貴咗,但相對香港買又真係好抵,如果喺果個媽咪一定唔會哂多幾十蚊運費,同信用咭啲手續費,算啦都係想update 下自己,起碼知道喺點,好快又新年就順便換哂啲舊嘢啦,哈哈哈