晚餐之蒸焗爐燒排骨

又一星期啦，呢個星期隨咗休息，剛老豆又突然發高燒，去到急症室話要留醫，點知喺觀察病房等咗差唔多二日先上到房，好彩有老公同大老輪流喺醫院等，因為又唔知咩嘢事，又無房只有喺度等，呢個假期老公忙在醫院同急症二邊走，我又搞到喺急症等咗一日，我老豆等二日，老爺早前又入咗院，呢二日自己好啲就去醫院睇老爺同老豆，所以都好似好忙，下午去睇老豆，晚上就去睇老爺，啲女返學又返工，晚上好多時得我同老公就是旦食，今晚個個都喺度食，細妹又過黎咁一早煲咗湯，睇完老豆再去睇老爺就去街市買魚，整咗土魷肉餅比細妹，早一晚買咗排骨就醃定，今晚又試個爐加熱風對流，20分鐘就已經好有燒烤感覺，加蜜糖多5分鐘就食得，而家多咗呢個爐真係好方便，蒸嘢一齊又快又唔洗睇火，有時煮完又可放入去保溫，太耐無煮咁多嘢，啲女返黎嘩嘩聲喺咪過年食大餐，真好笑，是實真係好耐無整咁多嘢，開開心心又一餐

今次呢個沙茶醬喺炒羊肉，老公同啲女最愛，我就怕咗啲味

土魷肉餅只係細妹喜歡，家中各人都不太喜歡土魷

阿妹專登買比啲女食

 將排骨簡單用豆板醬，豉油同糖醃

 用蒸焗爐的熱風對流

 20分鐘左右已經見到好靚