用煎pan做的包蕃茄青瓜魚柳餡

今日做左好耐無整的包, 以前未識做西包, 好多時早起就會做方便又好味

材料: 麵包3個, 魚柳3塊, 蕃茄同青瓜, 沙律醬
 麵團料: 麵粉2杯, 鹽1/8茶匙, 糖1茶匙, 油1湯匙, 暖水半杯 

先將麵團料撈勻搓好放左一邊等麵團發大

麵團發大約一倍

 將麵團一開三搓成圓型放入加有麥皮碎的煎pan內

 底面黏上麥皮碎後加入4-5湯匙水

                                    先用蓋蓋著等水收乾

                                        收乾水後轉慢火

                                                                  反轉另一面 

 見到包包升高一倍就可關放, 利用餘溫等包熟透

 包包可回碟放涼

                                           魚柳入煎pan煎到2邊金黃全熟

                                                    將包中間切開不用切斷

                                                              放入蕃茄青瓜

                                                                  加入魚柳

                                                        再加沙律醬就食得

蔥油餅

今早心情不太好, 可以訓晏d, 但都訓唔到就上來做定早午餐給他們起來食, 好耐無食蔥油餅就開料煲多個粥同煎d餃, 簡簡單單又一餐

义燒

今晚家姐同姐夫上左來食飯, 又帶左2塊靚靚牛扒, d女就好開心,  阿妹約左人無上來, 咁就食魚餐, 薑蔥三文魚頭, 金銀蒜蒸比目魚, 炒多2個菜同加個醃左幾日义燒, 開開心心又一餐

香草芝士栗米肉醬撻

整開又整, 今早又做定幾個撻給女兒

蛋撻, 肉醬撻

哈哈昨晚終於做定撻皮今早做蛋撻啦, 見有點d皮淨又有肉醬就做多2個香草肉醬撻

茄子肉片炒河

 今晚返到去送車尾, 淋住去官塘一田行吓, 剛開一定好多人就放氣跟住去等小巴又超多人最後缺定行返屋企順便買些少餸, 以前在搭車回家時就淋買咩去煮, 現在就買到咩就煮咩, 而且好多時唔齊人, 好似今晚無哩頭買左一斤河粉, 但又買唔到牙菜, 想干炒肉片河都唔得, 河粉留明晚, 今晚就蕃茄肉片炒蛋, 茄子煮鯇魚腩, 焗义燒同之前淨底青紅蘿蔔湯, 點知返到家大女打來話開會未走得應該好夜, 咁少左個人食就改一改, 茄子肉片炒河加個薑蔥魚腩就算

芝麻沙律醬腸仔卷

昨晚喺到淋今早煮咩早餐好, 又想開料做定蛋撻皮整蛋撻, 又或蛋糕, 麵包.......到今早又喺整左個最懶早餐, 卷卷卷

金銀蛋莧菜配薑蔥三文魚骨

今晚以為人齊本來焗义燒, 金銀蛋莧菜同椒鹽三文魚骨, 點知2個女話要遲返太夜唔食, 留生果就得想返來搞掂就立即訓, 咁得我地2個就唔焗义燒, 只喺煮個湯加個薑蔥三文魚就算, 而家要學習吓得2老食飯煮簡單同少d

魚柳栗米薯仔配多士

今早老公的蒸排骨加左半只薯仔去蒸, 淨個d就去焗爐焗一焗加左昨晚留起的3件魚柳再配栗米同青瓜, 豐富又好味

海鮮什錦煲配臘腸排骨飯

好多時馬家的晚餐都喺一煲過快捷又簡單, 今晚本來整燒汁魚柳, 炒個菜, 蒸個排骨就搞掂, 點知大女要九點, 細又要再遲半個鐘, 最後都唔例外又喺滾一煲, 但就清冰箱, 蝦, 蜆, 帶子樣樣有些少還有一塊三文魚尾再加多些少魚柳, 個個唔同時間人齊就好夜, 咁就可以回來加料加熱, 見好耐無食煲仔飯就將排骨留起一部份給老公明午餐再加多條臘腸煲返煲, 簡簡單單又一餐