用電飯煲煮蠔豉咸肉粥

今晚本來得我同細女, 老公有時做唔返, 個細話唔食飯就煮個麵食就算是是旦旦一餐, 點知細妹話上來食, 我話唔煮食麵她又無所謂, 突然想起好最愛食蠔豉咸肉粥, 屋企有料就滿足吓她啦, 就去摷左d蠔豉用熱水浸就快d, 唔細20分鐘, 她到剛煮好, 她就唔客氣自己先食一碗

三文魚骨豬潤菜湯煲

每個星期六都放左工同老豆飲茶, 之後就煮完晚餐給他才回自己家, 以前都會全家過去食完先返, 近哩一年因d女都大時間又唔定, 就多數煮完再回家煮, 今晚買左三文魚骨起左肉炒左個蕃茄豆腐比老豆, 淨底就攞返去加d豬潤和菜煲個飯就搞掂

 材料: 三文魚骨, 豬潤, 腩肉, 薑和菜
先將三文魚骨洗淨切件用鹽, 酒和糖先撈一撈

鯇魚腩肉片菜仔湯

今晚又喺2個食飯, 老公話是旦好似昨晚唔細搞咁多野, 咁我就買左塊魚腩同豬肉返家滾個有魚, 菜肉的湯加多煲飯,  幾樣最簡單材料就可煮出一個好味湯水去餸飯

炒飯做手卷

今早炒左飯比老公做午餐, 淨底些少, 細女話返晏d, 叫我走叫她, 就用淨底些少炒飯做左個手卷

消暑冬瓜肉粒湯飯

而家d女大有好多節目, 大女出左加國去交流, 細女又約左人, 今晚又喺同老公2個人, 就簡單煮個湯飯

材料: 白飯, 冬瓜, 豬肉, 紅蘿蔔, 雞脾菇, 薑和白菜

叉燒

明天大女就去加國個多月, 今晚就做了她最愛的叉燒和媽咪雞翼, 本來煮糖醋黃花, 點知我細妹又突然上來食就煎左留明晚才食, 叫老公放工買氣條新鮮魚, 再加多個炒年糕, 個女見到餐餸好開心, 不停說多謝媽咪還影底d相去到過邊都可以食住包睇吓, 真誇張

茄子肉碎炒飯

今晚d女出哂街, 只有老公同我, 就簡單炒個飯加多碟菜, 是是旦旦又一餐

烘底餐蛋治

d女剛考完試今早唔需要返學, 叫我唔細理訓晏d, 我就利用煎pan做左份烘底餐蛋治給老公, 簡簡單單又一餐

蒜蓉牛油蒸元貝

早前在759元貝做特買就買左一包, 估唔到都好鮮甜, 下次一定要再買, 今晚就簡單用蒜蓉牛油蒸, 哩個餸通常好快就唔見哂d粉絲, 主角就變配角

蔥油腸仔薄餐

星期日如果個個都在家又唔需趕出去多數早午餐一齊食, 好似今日就煲個粥做左個煎餅再加個炒麵和些少燒賣餃子, 邊食邊講開開心心又一餐

涼瓜肉碎炒蛋

今晚又炒飯, 因昨晚個個食餸飽, 淋住炒個飯加碟菜又有西瓜湯, 點知阿妹又上來就要加多2個她最愛涼瓜肉碎炒蛋和鹵豆腐 

利用西瓜皮煲消暑湯

昨晚預備了豬骨打算今早買冬瓜煲湯, 點知搞晏左就突然想起雪櫃有西瓜, 同學的媽絲好多時都會用來煲湯, 今次我就試吓用意米, 豬骨加西瓜皮一齊煲, 都好好飲下次食完西瓜又可以試吓啦

咸菜豬肚雞湯

今晚家姐, 姐夫和細妹上左來食飯, 因時間關喺就是旦煮左幾樣, 剛煲左豬肚湯但又怕唔夠就加多只雞加d水, 出來效果更好飲

天然良食的芝麻粉做芝麻吐司

早前玩左一個活動得到一包杏仁粉, 我以為只喺細細包, 點知有100g咁多, 而且唔細速遞費送到我手, 昨日好開心真的收到天然良食速來的禮品杏仁粉, 另有一細包芝麻粉, 昨晚就開定料搞好時間今早一起身全屋就香噴噴, 今早就沖杯咖啡品嘗真喺好有芝麻香味, 多謝哂天然良食

蒲汁什菜焗豬扒

今晚專登放工都去一去街市想買條新鮮魚, 好似好耐無整, 又買左d豬扒, 返到家都未知點煮豬扒, 問d女又話是旦, 就一邊洗菜一路淋, 真喺搵野做搞到八點半先有得食, 但都算快, 三餸一湯, 豆腐栗米湯, 金銀蛋莧菜,  蒲汁什菜焗豬扒和清蒸盲曹

用電飯煲煮皮蛋咸肉粥

今日2個女都在家, 就煮左個餐蛋麵比老公再加個蕃茄肉片飯做午餐, 見有D咸肉就加只皮蛋喺飯煲煮定個粥起身就有得食

喺電飯煲煲個粥真喺好方便, 唔細睇火20分鐘就有得食

 洗好米同豬肉一齊放入飯煲, 水比煲飯多2倍

 15分鐘左右米開始綿, 水都少左

 就可以加皮蛋搞勻加鹽試味就可以食得