簡單梅子蒸烏頭

今日同事最後一日，老師送左蛋糕而我就專登提早一日整左只梅子鴨，粟米，班蘭蛋糕同啫喱同她farewell, 因為有個是非人所以提早搞，本來想食哂但最後就淨左粟米同啫喱，而走的同事又買咗雪條請我哋食，而又專登多買一盒叫我攞走，我就留返星期一啲老師返齊就可以話喺同事請她們食，今天那人放假回來，聽到話有雪條未到九點就食左，跟住唔夠十點見反熱左粟米又食，到十二點她們先食，老師送的蛋糕切了也等唔切，放低個碗就去攞左件，老師可能怕我唔知專登去搵我同我講買咗蛋糕叫我記得食，可能多謝我整左只鴨回去，原來西人好鐘意食，話好yummy，而那個是非人真的好離譜，帶了三個木瓜，一睇就知十蚊三個或四個那種，還專登叫我哋幫手做她的工作等她切定食完飯食，以為咁好請走的同事食，原來專登買給其中一位老師切好入盒，而將啲頭頭尾尾做到請大家食，個個都出奇點解木瓜切到紙咁薄，我就無食因為我唔鐘意木瓜，而又見到大件個盒入左袋又包實以為送給走的同事，但下午四點見到個盒比左老師才知那人好cheap，咁都做得出，到放工時有個同事問我，點解啲木瓜會咁切，是否壞了我就引唔住講左，走的同事好唔開心話早知她無咁好死，淋起都想嘔，我話算啦我都無淋啲人可以做得出，只會識食人哋啲好野，還要做戲做到咁
好啦講左大堆費話，講吓今晚食咩好過啦，今晚老公買咗條烏頭又想清蒸點豉油，我話又係你哋三個食，咁老公話你蒸自己想食個種啦果皮，但浸唔切咁梅子啦買咗成樽回來，咁就梅子啦，酸酸甜甜好好味

 材料：烏頭1條，梅子3粒，糖1茶匙，薑絲1湯匙，蔥絲1湯匙

 先將魚洗淨抹乾，魚身界開，梅子先加糖撈勻按碎

 將薑絲先放在魚面再加梅子

 水滾放入魚蒸8分鐘左右

 蒸好加入豉油，油同蔥就食得

香辣三絲炒螺絲粉

今年老公放大假我無時間倍他，剛轉新工無假期而且個人不知是否還未慣，好攰這個星期都係老公幫手買餸同洗碗做家務，老公辛苦哂啦，今日啲女先有時間倍老公，老公就唔想出去，因為又要去醫院探媽媽，咁啲女就話整午餐，二個女搞搞搞，淨左好多螺絲粉，老公問我點我就話唔好煲飯，今晚我回來炒炒食多餐，返到去只有咸肉，半個洋蔥就加啲蔥用是拉差去炒炒，酸酸辣辣好惹味，開開心心又一餐

 白飯魚炒蛋

 炒什菜

 冬瓜粟米粒湯

 材料:螺絲粉1包，洋蔥半個，咸肉1件，蔥1棵

螺絲粉先出水

咸肉切絲，蔥切絲

 先將肉絲入鑊炒香

 加入洋蔥

 炒到有香味就加入螺絲粉

炒勻可加些少水炒 

 加是拉差醬

 最後炒勻試味加蔥就食得

同學聚會在佐敦龍寶國際之園林閣

未轉工前已約了班同學出去食飯，無淋過奶奶喺醫院住咁耐，好彩今日大女有時間去睇嫲嫲同她清潔，我就可安心出去，女兒同老公都好體諒，見我放心出去聚下，咁就同啲同學傾我已轉工同唔開心的事，講到都無時間食野，今次喺東南亞美食，真係幾多野食，可惜我食得好少，同學攞左野入來就比我影相，知我有這習慣
這個星期開始好點，啲人都不敢再欺負我，大家相處都好好，我都不計較有時間就去幫她們，她們有時間就幫我，咁大家都好早搞掂就等收工，雖然開始好啲，但過二日又有2個新人來不知又怎樣，希望都可以合得來

豆豉薑葱煮黄花鱼

今日喺学校煮中式猪扒，麻婆豆腐同蒜蓉小唐菜，点知啲菜食净好多，最后都倒咗，真係好浪费，今日老公放假就买咗黄花同菜，放工睇完奶奶就回家煮，最快手当然煮排骨饭再加个菜同鱼，唔世半个锺又饭啦，今日同事送咗豆豉比我，好香好想试用来蒸排骨，又用来煮黄花，好好味多谢我的好同事

材料：黄花鱼2条，薑片4～5片，豆豉1汤匙，葱1棵

鱼洗净，豆豉洗净，薑切片，葱切段

同事送的白豆豉，是她家乡自家腌的

先入镬将鱼煎香2边

加入豆豉，薑同葱头爆香加些少水

煮五分钟左右就试味就可上碟

Le禮物終於到手

老公今日開始放大假，專登同我去紅磡攞份禮物，好開心雖然未淋到點用但好靚，如果我自己一定唔寫得買