晚餐之三餸一燉湯

以為呢二日可以開工，通常順產2－3日就出院，開刀而家都唔洗5日，我試過有個媽咪3日就出院，呢個媽咪因為生完出現些少問題，而囡囡又喺發現些少問題所以都未出得，今日如常做早餐，午餐盒搞掂各人出門，就問下個媽媽情況點，還未可以埋身餵奶，但就有用手搾出嚟但唔多，通常頭幾日都喺唔多，因Bb食得好少都係足夠Bb食，最緊要Bb有出咁就證明食到，我見有時間又未開工就燉咗個肉汁去醫院睇下個媽媽，精神好好又食到，希望她們都無事可以快啲出院，今晚大女返嚟食，之前話每日都唔見好多頭髮，當然又夜瞓又食無定時，見今晚回來食就燉個烏雞湯補下，預咗香芧豬扒，又話有冇雞翼，點會無想食就有，咁就解凍幾只開邊醃好，煎豬扒時順便煎，有人返嚟食就會煮下，如果得二老就是旦食，湯飯粉麵又一餐，用咗蒸焗爐燉湯真係好方便，咁雞翼豬扒就要喺鑊煎，好彩有個新的都幾好用，少少油就可以煎好哂，跟住還用嚟炒菜，最後煮埋條魚就開飯

黑豆首烏燉烏雞，燉咗過百盅，今次先自己試飲，幾好味阿女先喺飲

有時間就會準備好，

等差唔多時間就開始煮

呢只鑊都幾好可能還新，些少油就可以煎好同豬扒

煎好雞翼先上碟

豬扒剪細試味，

唔夠現在再加都無問題

燉好見唔到啲汁去哂邊，哈哈喺碗入面

 明火一個鐘

 倒出嚟剛好一飯碗，入壺跟住就去探新手媽媽