產後食療之杜仲栗子燉豬脊骨

產後頭一個星期通常都會食啲清淡嘢，好似頭二日就會食粥，燉肉汁，因為剛生產完要比腸胃適應下，第三日如果食到飯就可以食，但最好啲飯都喺軟身啲，可以食下菜心肉片，合掌瓜炒肉眼根，煲節瓜湯，蓮藕湯等，過咗12朝惡露開始少就可以燉啲健皮湯水同補腰，但參茸藥材就唔好太早煲一定要清惡露先，特別喺紅棗，如果太早用啲惡露就會好耐都唔清，今日分享呢個燉湯喺好適合大家飲，因為照顧bb好容易腰背痛，呢個湯喺補腰固腰，產後肝腎不足引起腰膝酸痛功效，藥材分量好少喂奶都可以，但此中都喺個句每個身體的體質唔同，如果飲咗無咩嘢就可以燉多幾次，但喂奶又要睇bb受唔受到，如果同平時唔同可能bb唔受得就要停，呢個湯唔難飲好甜，栗子都好好味

材料：杜仲5錢，金狗脊4錢，栗子15粒，圓肉8錢，南棗6粒，豬脊骨半斤

豬脊骨出水，凍水一齊滾起就可以，其它材料洗淨放入燉盅

加入熱滾水

燉三個鐘就飲得

飲時可加適量的鹽