開心4月媽咪順利生咗個6磅重的BB女，過2日要開工啦，今日一早又出去買咗幾日餸回家，魚檔開返就幫襯買咗黃鱔，黃鱔好多時都會買比媽咪煮飯補身，以前好喜歡走上海館必食的炒鱔糊，已經好耐無食，今晚就炒比家人一試，個個都好喜歡，午餐又煲咗粥炒麵同配啲點心，而家疫情家人多咗在家好似回去她們讀書的日子，一星期有幾日都齊人，就多煮咗午，晚餐，喜歡食粥的女兒最開心，記得她們細時供樓艱難生活的日子，好少在外食，好似一家4口出去食碗粥加碟炒粉麵或腸粉就要過百元，好多時星期日在家就一定自己煮，好食又便宜，她們大了各自外出工作，時間因工種唔同，星期日未必在家就少咗，呢幾星期自己又放假就多咗時間煮她們喜歡的
調味：豉油1湯匙，糖1茶匙，酒1糖匙，生粉1湯匙
先將芽菜洗淨，蔥切段分頭尾，薑切絲
黃鱔一般魚檔會幫手起骨，回家自己再沖洗乾淨時如有細骨剪去切條加入醃料
起鑊少油爆香薑絲，蔥頭
有香味加入鱔炒勻
炒勻可加入1湯匙老抽上色後試味
最後加入芽菜同蔥快炒勻，芽菜就會爽口唔出水
炒勻試味就可上碟
沒有留言:
發佈留言