午餐之麻辣鴨血米線雜錦雞煲

呢幾年麻辣無處不在，麻辣雞煲更盛行，而家中女兒都愛吃，有時間都會在家整雞煲，試過不同種類的麻辣包，麻辣醬，自己覺得李錦記的麻辣包啲料好足，如果食得辣真係一包用哂喺好勁辣，記得第一次煮完喺食唔到，要攞返起啲紅椒，第二次就將一包分2次用上2只雞，我哋都覺得味好濃好好味，今次又買咗另一款麻辣鴨血米線，原來只得一包米線，今次加一只雞，2包米線同菜去煮一家四口的午餐，味道都唔差當然無之前果只咁利害，但都好味家人都覺得好好食特別老公可接受的麻辣

一盒入面有味粉，一包鴨血，一包米線同一包醬料

將雞斬件洗淨後先煎香加埋幾片薑更香

雞煎香後加入麻辣醬粉勻

炒勻後加入鴨血同味粉

加入水浸過面煮熟雞

最後加入米線同菜

滾起試味就食得