晚餐之豐富盤菜慶團年

時間過得好快明天大年初一，喺度同大家拜個早年，祝大家新一年事事順心，身體健康，幸福快樂，希望疫情快過，大家可以過返正常生活，今日喺last day非常忙，媽咪話叫我搞掂就早啲走，最後都喺過咗6點半好急收工，通常最後一日都會好忙，會準備幾日餸菜同湯，又剛年30又會準備豐富晚餐，雖然今晚又夜走好彩老公休息在家準備盤菜團年，所以我回家沖涼後就可以食飯，今晚個盤菜老公已有經驗砌得好靚還用錫紙包著，我哋返到去唔洗再返熱就可以立即食，今次好多料，我昨日已準備花膠，瑤柱同炆咗冬菇，腩肉，其它就等老公發輝，老公最愛用新鮮鮑去炆到好似乾鮑，個個都喜歡食，飯後忘記買湯丸就自家制小湯丸再加埋自家釀的糯米酒再加啲桂花，開開心心慶團年

足料盤菜啲女話靚過出面老公好開心開餐啦

呢個酒釀小丸子會整比坐月的媽咪食，個個都話好食，雖然煮過好多次，自己都係第一次食，哈哈哈，啲女話好好味比出面更香濃