元旦的晚餐的自家制服盤菜

時間過得好快，剛做咗2個月踏入第三個月，雖然簽咗3個月無諗過咁快已經完成2個月，呢個媽咪工人還未到，希望我幫多一個月，可惜我2月已一早簽咗個媽咪幫唔到手，咁她唯有自己搵咗個保母專湊BB, 她叫我考慮做第4個月應該會輕鬆唔洗煮晚餐，一定唔會遲收工，做咗差唔多5年未試過一份日日都早成個鐘回，遲最少個半鐘先走，通常返工頭幾日就會亂啲，但今個就做到而家都喺早到遲走，做冬，聖誕同除夕，都返諗住無早都會準時5點半收，最後都喺6點半到7點半先走，今日元旦都有返諗住新一年應該可以準時去，點知又7點半先走，返到家又8點幾9點，全家等我一齊食，今晚老公整咗小型盤菜，老公本來話好多假喺做冬攞假去整，最後都無放，果晚又喺假單一煲過加啲女買外賣，我又喺好晏先走，今日個個唔洗返，只有我要返，我預備部份料等老公砌個盤菜，開開心心迎新的開始

酸菜魚阿囡買返嚟，而家好方便一包有齊料倒哂入煲加水煮滾就搞掂

都好豐富有花膠，海參，瑤柱，蝦，竹笙

老公怕唔夠料再加半只雞同半只鴨

本來話買西蘭花點知用咗菜心好搞笑

整比媽咪的冬至午餐

冬至晚餐的手撕雞加咗薰蹄（喺我帶回來送比媽咪試下）配蒜茸芝麻醬

個媽咪要求的平安夜的晚餐

白汁肉碎蘑菇

媽咪想聖誕晚餐都食西餐，焗燒雞配蕃茄肉醬螺絲粉

2021年最後一日煮比媽咪的午餐

送比媽咪的茄汁蝦食完哈哈笑到2022年

今日元旦煮比媽咪一家的午餐，而晚餐又encore西餐白汁螺絲粉配焗香草雞

豉汁蒸排骨配陳村粉

又送比媽咪喜歡的茄汁蝦，今次去殼方便食