晚餐之薑蔥蒸海魚

時間過得好快，下星期BB又滿月啦，好快又完工啦，今次好開心又成功一個媽媽全人奶，呢個媽媽雖然準備咗礶奶粉喺屋企但從未開過，阿仔初時食得唔太好，之後都好好，所以去咗2次健康院就退哂黃唔洗再去，呢個媽媽又食得所以奶質好，阿仔都可以3個鐘先食，只係剛出院回家幫媽咪按咗2日再配合食療，輕輕鬆鬆上奶，而家暫時最難搞喺呀仔未識分日夜，好多時早上唔瞓，午餐2點幾同他沖完涼飲飽就可以瞓到晚上8-9點先起身食，希望完工前處理埋呢樣就可安心完工，呢個媽咪的奶奶好好，買到好嘢都預我，開工後因車程遠晚餐多數簡單一煲過，以前3餸魚，肉菜就要等放假或者老公放假先有時間買魚，今晚又有靚海魚忘記叫咩喺奶奶叫我攞回家，她又去咗魚巿場買咗好多海鮮回來，話今次買得少，我就好唔客氣帶回家，叫老公唔洗買魚，老公炒咗菜同大伯又攞咗只燻鴨嚟，返到去簡單薑蔥蒸魚就開飯