去濕粉葛赤小豆扁豆鰂魚湯

粉葛鰂魚湯是全家人最愛, 唔食魚的阿妹也喜歡, 見今日放假就一早走去街市買齊料返來煲

材料：粉葛一斤，赤小豆扁豆各2兩，果皮1角，排骨頭半斤，鰂魚1條

排骨頭出水(凍水一齊煲滾起多一，二分鐘)，出水後洗淨，粉葛去皮洗淨切細，豆先浸半個鐘可去風可減少胃氣

煲魚湯最緊要就是將魚煎一煎, 煎好後灑些少酒和加入果皮同煲, 煲出來的湯就好鮮甜無魚腥味

魚煎香2邊後灑些少酒就會去腥味

跟住撞入滾水，煲出黎啲湯就會奶白色好似牛奶咁

魚煎好入魚袋

全部材料入煲，水過面

先大火半個鐘後轉中細火煲2個鐘就飲得，飲時可加鹽調味