晚餐之涼瓜肉碎炒蛋

今日好多嘢做，啲人真係好煩，日日都要去搵我錯漏，只係好少事都無理去講一餐，我終於學會放下無上心也由得她們講，喜歡應下，唔喜歡當聽唔到，人好自私自己食好的新鮮，而人哋就好少理，最近有人有冷飯都叫我要返熱才可加入，我每次都有但唔明點解咁煩，覺得唔得每日只到有就要我去蒸熱給她加，這幾天我都沒有理只應一聲就算，她就會引唔住自己去丁熱加入新鮮飯，是實上她唔係幫我而係好自私加喺面等頭圍食完，她們中圍就唔洗食隔夜飯，我就通常等頭圍食完先加回再返熱，因為都無位加其實好滿，我唔明點解她要隔硬加，搞到每日都要做多好多嘢，因太滿搞到周圍都有飯，唉無話說
今晚回家買咗鯇魚本來梅菜蒸，最後買咗蒜煮老公最喜歡的，記起家中有只涼瓜就買十蚊肉碎返去炒蛋，大女話唔食咁就焗咗豬頸肉配自醃麻辣青瓜，最開心就係煮各人都喜歡的開飯啦

 今晚就第一時間用新嘢，同學送的靚靚碟

另一個同學送的意美廚鑊鏟

筷子尾部有細匙用來試味 

同學同我慶生日在龍寶

愉快的一天好難忘，今晚又掉底老公同啲同學出去食飯，過二日就係我正日生日，今日好開心學校每月的生日會本來星期五，但改在今天所以好忙，早上忙午餐，飯後又準備生日會的食物，今個月我有份入去切蛋糕，本來連我有三個，但 amd 的同事放大假，咁只得我同另一個西人阿Sir，好耐未試過有三十幾人同我唱生日歌，好感動好開心，我好喜歡這種氣氛，阿sir 好有禮連切餅都比我一個人切，吹爉祝時啲西藉老師問我願望，我都忘了就吹所以只有笑笑，今晚去龍寶好平同學有優惠一送一，請生日都唔洗三百，食物都好多，好開心又收到好多有用的生日禮物，有意美廚得鑊鏟，筷子，一套四只碗，碟同大碗....

 只有我一個人坐喺蛋糕前成班人同我做生日，好開心好快樂

同學送的禮物全部都好適合，好開心

晚餐之什錦炒河

有時我真的不明啲人想點，我好欺負嗎？事無大小都要搵嘢來話我，咁喺唔喺舒服啲，以前我好唔開心，現在當無事你由你講，我高興就同你玩下，又話者彩你都有尾，原來咁更氣死她們，我真不明我做咗咁多年嘢都未預過哩啲人，個個都好喜歡我從未試過比人咁對代，算啦可能這些人就是這樣，今晚放工去街市買到河粉好平$11有2斤，再買芽菜同九菜各$5，同$10豬肉就回家，簡單返熱昨晚淨的湯，炒個菜同將昨晚淨的蝦，燒鴨同雞翼加肉片炒河粉，家人全都可以好簡單，隨意我煮甚麼就食甚麼，簡簡單單又可以一餐，唔洗一個鐘又開飯啦

晚餐之蠔餅同妹慶生日

今日去完奶奶到就去買餸，二日無煮飯都係出去食，細妹打來問今晚有冇飯食，我話得三個食咁又話請我出去食唔好煮，老公第一個就唔想，我就同妹講唔好啦我自己煮同她提早做生日，細妹同我同月同日，喺哩二年都會一齊出去食餐慶祝，但今年啲自助餐好貴，又覺好唔直，今晚細妹想食蝦，蠔餅，燒鴨問可唔可以，是否好過份，我就話當然無問題，細妹專登買蛋糕同她一齊食，還送咗份禮比的我，好在我都有準備，傾吓講吓又一餐，蛋糕好靚而且又好好味，好開心的一晚

舊歷生日晚餐在祥興

又星期六返半日，返到去唔洗煮幫手做清潔，無啦啦叫我幫手洗席，我都係洗過一次當然唔記得點做，跟住就被人話我都好少理，好彩有花姐一邊提點一邊做，好快搞掂啲人就各自開心，我就去搞返自己星期一餐料同其它嘢，好快一點收工返老豆到飲茶，清潔煮完晚餐就回家，今晚自己唔洗煮，今日舊歷生日老公話出去食，大女唔得閒要去做義工，細女就專登回來倍我食飯，今次就去咗祥興話想食蠔餅，再叫多二個餸，細女話等下星期等家姐同我食好啲，傾下講下知道下星期好忙我哋就叫她唔洗專登出來食，今餐食咗就算，但她話唔得幾忙都一定出來食完再回去繼續，其實我開始唔係太理會自己生日有冇人慶祝，可能年紀大不再太著重，再回來同我食生日，見到啲女咁乘已經好開心，反而唔想她們太辛苦，今晚簡單的一餐都已經好開心

 魷魚腩肉，味道唔錯可惜太肥

 椒鹽桂花魚唔係想像中乾脆，加咗個酸甜汁都幾嘢味

蠔餅麵粉實在太多，味道都可以