晚餐之牛扒

奶奶終於出院啦，好開心又可以休息下啦，放工去奶奶家幫她清潔完就回家，今晚只係去超市買咗塊牛扒比啲女，因昨晚炆冬瓜還未食完，魚同菜昨晚已順便買是是旦旦又一餐

學校午餐之可樂雞翼

今日有幾個實習生 last day, 應承左煮可樂雞翼，今日煮左15磅，以為要用2公升可樂，最後只用了1.25公升就夠，幾個妹妹仔食得好開心，另外做咗個班蘭蛋糕比她們，希望她們繼續努力，而她們又做了曲奇比請我地食，放工時又一齊影相好開心

晚餐魚肉菜

今日好忙未停過，只有幾分鐘就放工，今晚都係老公去探奶奶，我好勃放工去行街市搵平野，但今晚都係好夜返到差唔多都收，買咗條黃立槍就走都要$35但都算平，今早出門在飯煲炆定排骨返來加冬瓜煮一煮就食得，再煲個薯仔蕃茄湯，簡簡單單又一餐

學校午餐之蜜豆炒鴨胸

今日喺學校煮左西芹蜜糖豆炒鴨胸，炒生菜同蘿蔔炆排骨，送來的蘿蔔睇個樣好差，有人話喺浸水蘿蔔所以咁，有啲又話唔喺時候食，好彩最後炆出來好入味差唔多全部食哂，又完成了今天的主要的工作，好開心

簡單薑蔥蒸黃油魚

今日喺學校什量午餐，本來預備炒麵，白汁螺絲粉，西蘭花炒白椰花黑木耳同黑椒雞扒，是實上我最怕星期三炒粉麵飯會好忙而且好難因量，唔知啲人食幾多，點知今日自己好失敗無睇麵喺雪櫃都發哂MO, 咁就同主任講又比她有機會話一話，問我還有無螺絲粉，有3包她說只夠15人，現在30幾人，我話唔係個個食應該夠，最後食淨一半，其實真喺好難預有時全部食哂尾圍試過無餸，有時就淨好多
今晚好攰無去睇奶奶老公自己去，因為放得遲又遠去完回家已經八點幾，放工去街市都差唔多收檔，只喺想買條魚回去，去到魚檔，魚老介紹食黃油，我都唔太識話好好食，平比我$30又真係幾底，咁回家就簡單炒個菜，蒸魚，焗排骨再加個節瓜湯快快手手又一餐

材料：黃油魚一條，薑絲1湯匙，蔥1棵
調味：豉油2湯匙，油1湯匙

 先將魚洗淨，肚內黑色清走，蒸出來才唔鯹

 將部份蔥放碟底先放魚，魚面放薑絲

 入鑊蒸十分鐘左右

魚蒸完鰭會樹起，條魚就好新鮮

最後加豉油，油同蔥就食得