今日又約咗同事出去午餐，因疫情同開工她的生日聚餐拖到而家先出嚟，同事1月生日而我喺4月，今次先慶祝1月的她，一早起身整早，午餐後都無去瞓，同事喜歡我焗的核桃，花生同腰果，今次無整鳥結糖同蛋糕整咗雞蛋仔，諗住她少食搞掂晒又出門，本來諗住食自助但同事唔想就去咗間泰式cafe, 叫咗2個餐另加雞翼同蛋糕，除咗蛋糕好味其它一般價錢感覺貴咗些少，埋單$380左右
2個餐再加小食一齊分享
我叫的午餐有蘑菇湯
喜歡煮食的我, 每日開心煮和大家分享每一餐
2022年5月6日星期五
2022年5月3日星期二
晚餐之自制泰式雞腳
今日無約人出去在家休息一下，買咗部新豆漿機，又要試一試，呢款喺見一個媽咪家話好好用，婆婆連湯渣都唔浪費加啲水打溶後放入雪櫃當水飲，婆婆好勁已經70歲但睇落60幾，每次同公公行完返嚟就攞杯有時會返熱，我完工前一星期天氣開始熱，她就直接飲跟住話比我聽凍更好味，我就買咗部平啲無咁多function, 主要喺想煮豆漿，之前2部都太好，呢部其實都喺要隔渣但只係一次，其實都可以感覺喺有些少粉粉但都可以，啲女而家要飲無糖，出面就算話底糖或無糖其實都有少少，細女比較麻煩要好似水咁，之前整完要隔好多次最後都喺唔鐘意，今次呢部雖然都有但就唔太多，先試芝麻豆漿，打完照隔，隔出嚟果啲好似芝麻糊就自己食咗，之後再整就打2次覺得好好多隔咗啲泡啲糊無咁多可能再細膩啲，放假在家有時間就會整整整，今日就醃咗阿囡最喜歡的泰式雞腳，專登買咗個鉀去起骨，最後整咗幾只就算數，見人整得好容易自己搞咗好耐都喺幾只怕唔夠味最後就原只算，配埋啲料其實無骨一齊食就好味啲，下次有多啲時間再試下
今晚整咗泰式鳳爪，釀脆瓜同茄子，凍烏頭，南瓜湯加多個菜
隔完有一碗好似芝麻糊的渣
試埋綿粥功能，用南瓜，紅蘿蔔同洋蔥加少少肉
綱上見人用呢只鉀起骨好容易，唔知喺未熟還是有咩方法會容易下次一定要再試
2022年5月2日星期一
晚餐之腐皮壽司
今日一早起身準備好日，午餐比各人出門後就去清潔下，午餐約咗老師，疫情已大半年無見，之前完工有時間就約她們出嚟午餐聚下，今次老師唔方便出去食就直接上她家，準備幾個小菜買啲點心，所以搞掂完家中各人出去，就去準備簡單整咗手撕雞，西芹炒肉眼根同炒銀針粉應該呢個會鐘意因為喺出面好少食到，老師自己應該唔會炒，搞掂完搭埋車去到差唔多1點剛剛好午餐，老師好開心無諗過我會整幾樣，唔知喺咪啱食但老師就話好，實在太多今晚都唔洗煮，邊食邊傾好開心，時間好快又喺回家準備晚餐，今晚本來一煲過，最後就滾湯，炒菜加埋早前醃的酸甜雞腳，因為阿囡話想食腐皮壽司，早2日買咗包話想今晚食，我已經回家就簡單用吞拿魚，粟米同豆腐撈好，煮好腐皮就放入去，2個女好細路話好好味，開開心心又一餐
準備簡單材料
去老師家的午餐
還有她孫女喜歡的格仔餅同糖
2022年5月1日星期日
輕鬆的五一假期
剛完工開始休息，老公又一連3日假期可以陪下我，疫情穩定些少今日就同老公出去行下，先到好耐無去的花園餐廳食返個午餐，老公又叫牛扒我就選擇豬扒加魚柳，可以一齊分享咁就食多款，而家有消費卷出面熱鬧咗好多，食完就周圍行順便買返個煲，因為如果我返工晚餐多數老公一煲過，之前剛買的太重要求換一個所以去睇下，咁啱比老公睇啱就買咗個不銹鋼，一煲過不銹鋼都方便，今次連蒸平過單煲咁就買咗個2層，今晚返屋企就立即試用，買埋些少海鮮蒸完抵層就煲粥，啲女最喜歡，最後先發現原來無影個粥，好多料蒸完個粥真係好好味，而家買咗呢個有時又可以多樣選擇
買時就唔覺，回家就感覺大咗啲
上層放好哂蒸熟就食得
海鮮快熟好快就食得
之後再放菜
有啲燒豬骨本來都係留嚟煲粥，
先煲咗個湯底
午餐的湯，而家啲羅宋湯唔夠以前好飲
買咗呢個2層
訂閱：
文章 (Atom)