晚餐之蕃茄煮雞軟骨

9月喺開學的日子，開始正常返工返學的日子，而我因為報咗個course由8月中等到而家還未開到班，就約朋友同之前完工的媽咪聚下，舊年疫情到而家先有時間休息去探下她們，早前老公放大假就出去周圍行同食嘢，而家開始如常5點幾起身準備早餐同午餐盒比老公，跟住去瞓一陣，8點輪到啲囡起身出門，自己唔洗返都會跟哂她們出門先，搞掂晒就清潔一下，上下綱睇下電視，午餐無約人就在家簡單食，如果晚上人齊通常都會煲湯，煮幾個餸，如果得我同老公就多數灼菜同肉簡單食，今晚大囡話應該會準時收工可以返嚟食，咁就出咗去買餸順便去咗樓上，今日好好彩買到2包三文魚頭，跟住再去街市買雞軟骨啲囡最喜歡，雞軟骨嚟嚟去去都多用黑椒，沙嗲醬，蠔油，三色椒去煮，昨日老公買咗好多蕃茄今次就試用蕃茄酸酸甜甜原來都好好味，啲囡又喜歡又多個煮法，炒菜同焗多個金沙骨又開飯

今日好彩喺樓上買到2包三文魚頭就簡單薑蔥煮

食淨啲鮑魚加埋蟲草花炒個菜

買咗排豬仔骨最簡單加啲义燒醬醃一醃就可以焗嚟食，方便又好味

無買肉就用腰果加瑤柱同花膠煲個湯

材料：雞軟骨1磅，洋蔥1個，蕃茄4個

先將軟骨用鹽水浸幾分鐘可去雪味，跟住洗乾淨用半茶匙鹽醃一醃

洋蔥去衣洗淨切細

蕃茄洗淨切細

先醬雞軟骨煎香2邊後就會見到啲油

煎到2邊金黃

加入洋蔥炒勻

炒到洋蔥有香味金黃

加入蕃茄炒到蕃茄軼淋出水

最後可以加試少糖試味就搞掂

晚餐之糖醋排骨

時間過得好快又星期日啦，今日只係大囡要返工，早起整咗早餐比她食完出門，又係清潔下等老公起身食咗簡單早餐，下午又同老公出咗去飲茶後就買餸回家，今晚又齊人先煲咗個湯再準備其它餸菜，買咗金沙骨今次用糖加醋去炆，呢個餸好多時都煮比啲媽咪食，自己就好少煮順便簡單點樣煮，好味又好餸飯，老公之前又炆咗啲鮑魚今晚加啲冬菇雲耳去炒西蘭花方便又好味煮多個魚香茄子個個都喜歡，開開心心又開餐

今次唔清蒸加蒜同豆漿去煮又喺好惹味

材料：金沙骨1斤，洋蔥1個，薑8片，蒜4-5粒，干蔥2粒

調味：醋1杯，酒1杯，冰糖1大粒

金沙骨洗淨用鹽水浸5分鐘可去雪味

洋蔥洗淨切條，薑切片，蒜去衣，干蔥洗淨去衣切半

先將骨大火煎2邊可封肉汁炆出嚟先軟綿

2邊煎到金黃就沿邊加入酒會更香

跟著加入薑，蒜同干蔥炒到有香味

炒到有香味轉中細火加入醋

炒勻後先回碟

放入洋蔥炒到金黃色有香味

炒到金黃有香味先攞起一半

將金沙骨回鑊

用中細火炆到水差唔多收乾

最後加回淨洋蔥炒勻就可上碟

老公又買咗新鮮鮑魚去炆，又可以就咁食，配菜咩嘢都可以

 

午餐同家姐，細妹喺將軍澳尚廚

放假就約人周圍去周圍食，而家唔洗返工的日子又未返學，無咩特別就搞掂各人出門清潔一下就繼續煲劇，其實煲劇真係好好，唔會覺得好無聊時間會過得好快，今日約咗家姐同細妹出將軍澳一間酒店食午餐，而家差唔多一個月一次同家姐細妹去食一餐，之前食花月庭，極上食放題，今次試呢間叫尚廚，第一次食午餐$368加一有85折，大約350左右，午餐都好似貴咗啲但呢間我覺得都可以，估唔到有長腳蟹，蠔，都有好多嘢食，每樣食少少都食唔哂，啲蠔雖然有專人開即開每人2只，但我哋都係攞咗2次共4只，睇落麻麻哋，只喺家姐食我哋無食，食完行一陣就各自回家，家姐回家後就唔太舒服痾好多次又嘔，唔知喺咪啲蠔，我同阿妹就無事，因為我哋無食蠔所以可能喺蠔的問題，她彩家姐已回家痾嘔完瞓咗一陣，晚上話無事，家姐話下次再去都要睇清楚先食啲蠔，其它都可以

點心都有4-5款

部份的熱盤

灼粉麵配豬骨湯

山竹牛肉，阿妹話幾好

甜品都好多款，阿妹話唔錯好味

還有雞蛋仔，但唔太脆雖然剛整

雪糕我最喜愛都喺士多啤梨

茶飲都有凍熱，咖啡，茶，檸檬，美碌等

長腳蟹同螺

日本冷麵，壽司

蝦同蜆

魚生

沙律同凍肉

呢個喺中冬包配雞肉好特別

呢度喺自己選擇要的粉麵同料

燒牛肉同部份熱盤

鐵板燒部份的食物

燒味