晚餐之明爐烏頭招呼美國回來的同學

今日第一日休息，剛同學由美國回來度假，咁就約咗她們上嚟晚餐，煲咗湯整咗蛋糕就出咗去同舊公司啲同事食午餐，離開咗四年那裡已開咗好多新食肆，她們就帶我去，今次去咗間食東南亞菜，我哋幾個女的就叫咗啦沙配雞，而男的就食肉骨茶套餐，太耐無見又知我轉咗做陪月，其中二個因為同我唔熟，知我做陪月講話叫同事問但無期，點知請咗好差而又收22k紅agent,當時又唔識搵agent換，好慘搞到身體好差，坐月食涼拌，果個陪月真係好離譜，坐月虛點可能食涼拌，正常人都知唔會食，搞到她痾足成個月，連人奶都無，真係好慘，我就話我同事講清楚我知就算無時間都可以跟下，咁就唔會咁慘，她們好認真話下次有第一時間通知我留期，我話好一定留比你哋，無期都可以跟下，有問題隨時可以搵我，一傾又4-5個鐘咁老細返講二句就立即走

整咗檸檬烏頭二個同學都好開心話好好食，喺果邊食冰魚，喺唔會食新鮮好貴，更加唔會出去食，連稅加一同貼士一個早餐都要8-90蚊只係一碗粉同一杯茶覺得好唔抵

之前有個媽咪送咗蕃薯粉，所以又專登買蠔仔整蠔餅等她們一試

 一早整咗蛋糕去探舊同事

 呢個芝士蛋糕試用電飯煲整做今晚甜品

 午餐的肉骨茶

啦沙配雞套餐，都幾好味$76還要加一，今次請她們埋單差唔多五百蚊

同學帶嚟好多美國手信

 呢二樣配料知我最愛

 好開心而呢個喺無諗過我能夠擁有，因為太貴，我就唔舍得買

又完成一個工作

今日last day 每次完工都會有啲唔舍得，特別喺呢個，因為完工都未照顧好呢個媽媽，呢個媽媽同阿囡都比我之前做過的有難道，每晚回家攰到唔想做任何嘢，一星期有幾晚落街食，因好遲先返到，有時是旦煮煲麵又或者簡單煲個排骨飯，通常頭幾日會遲走，雖然返十點三放5點半，通常9：30就返到如果去健康院就更早，6點前搞掂就收工，好多時都遲，唔記得遲到幾點又成個鐘車程返到去就一定味皇，最初感到呢個媽媽都唔知咩嘢事對我態度好差同唔太信任，後來好彩都有講清楚，其實做呢行如果媽咪唔信任或者有問題唔講我喺好難幫到手，好彩最後都搞掂bb唔再嘔，媽媽還未真正復原，因為呢個媽媽好多嘢都唔食，好似生果咁常食的都喺唔食唔知喺咪唔均衡飲食身體難快復原，但已經食新鮮雞，燉雞汁，肉汁同用新鮮魚去煮一碗湯，可能咩嘢都唔食所以復原得慢，過咗20日有啲嘢可以開始食，好似蛋好有營養都唔食，話開刀要再遲，啲嘢開始清可以用些少藥材補虛，但又話唔受得叫我唔好用，只有搵啲能夠代替去試，所以今日完工都未完全復完，喺做咁耐最失敗的一個，只有叫她媽繼續一日一碗魚湯，希望可以早啲復原，而bb出院那天就見到嘔奶口鼻一齊出又唔係正常果啲嘔吐物，媽咪就話醫院講喺胎水唔清所以咁，我真係做咗咁耐都未見過，又長知識，呢個囡囡其實都好好湊又食得好好，只係有嘔奶的情況，以我的工作效率喺無問題，而阿b又好叻只需要去咗二次健康院就等滿月針先返，初時都係食飽瞓，後來她媽媽夜晚因怕嘈住人瞓就開始抱住瞓，最辛苦喺她婆婆成家人去旅行，每日再無人上嚟幫手抱就開始比較辛苦啲，每次都係媽咪餵奶就盡快搞手頭的工作，好多時連午飯都無食或食少少就算，抱住就瞓放低就咸又怕她嘔，食完奶有時抱成個鐘先試放落床，喺我做咁耐未試過咁，但總算順利完成咗，希望bb健康快樂，媽咪就快快復原，身體健康，走時叫媽咪幫我同bb影相，bb好叻同我影相識眼仔碌碌好醒目望鏡頭，連媽咪都話未試過個囡咁叻眼仔碌碌望鏡頭，當影完轉比公公想影但阿囡已經唔再喺咁，真喺好得意，走時媽咪都有比信同利市話利利市市

Bb真係好叻對眼好精靈同會望鏡頭

晚餐之同老豆提早做冬在新苑

又星期日啦，好快又過冬，叔仔以前唔喺香港就話冬大過年，每年冬至一定成家回來食飯，自從老爺奶奶走咗都無正式做節，今年因為搞老爺啲事，大家又約齊人搞掂完就去咗富臨提早食冬至飯，午餐喺富臨，晚上就一早訂咗新苑食全包宴，$3088都叫做好抵食，啲料足夠味道又唔錯，老豆最開心又食得到，因為家姐帶埋個孫嚟，而家已經2歲咩嘢都識講，又叫太公，阿爸開心到成晚笑不停，我就最喜歡熱鬧

個餐都好多嘢食，全包宴就最好咩嘢都無另計還有啤酒同汽水，足夠12人食

 午餐又叫個餐，更抵食$238有燉湯，粉麵是旦一款，小食一款再加4個點心，跟住再叫其它點心同小菜

叔仔最識食由他發板，大伯就知一定唔會無嘢食，8個人埋單都係$500左右

 餐的牛河

 好足料的燉湯有花膠，螺頭同雞

 小食就叫咗豬肚

晚餐之麻辣雞煲再打邊爐

時間好快又星期六，呢個星期真的好忙又好攰，事原呢個媽咪無人幫手，她的家人又外遊，每日一早去先清潔昨晚的餐具，再開始忙碌工作，星期三滿月就更忙，晚上又盡量做好哂啲嘢先走，等她老公回來立即有飯食，食完就可幫手湊囡囡，因為呢個囡囡要抱住先得，好彩晚上就無咁緊要，日頭完全做唔到嘢，第一次要差唔多全日抱住，等媽咪餵奶時盡量趕做其它事，每晚回家最早都7：30，有時8點幾，老公同囡囡知我攰都話是旦食，有幾晚都喺味皇，個個食到怕星期五晚雖然返到家都8點，本來都係味皇最後就簡單煲個臘腸排骨飯加個雜菜煲，唔洗一個鐘就開飯，老公話我勁大家都好開心，今晚諗住又味皇最後唔洗太夜走，買咗只雞同些少打邊爐的食物就回家，先快手處理只雞整咗個雞煲，跟住就洗菜同其它等齊人又開餐，此中在家食就最開心，無論豐富的一餐或簡單的一煲麵

自家制就比較雜有雞，粟米，菇都係家人喜歡的

配啲簡單女兒喜歡的牛，老公的羊，細妹的響鈴同魚皮和豆苗

 一個排骨飯加一個雜菜煲都係晚上簡單又快手的一餐

 喺味道嚟嚟去去都係果幾樣

 滿月又做咗紅雞蛋同蛋糕希望媽咪同囡囡身體健康，日日都幸福快樂

鼓椒炒大蜆

又星期日啦，但都係一早起身，因為要準備入元朗去1月頭預產期的媽媽，路途都幾遠想試下時間，7：30出門搭程專線小巴出官塘再轉巴士去到元朗還要坐程村巴先到，最初都知遠，但呢個媽咪好有心一定等我，希望我幫手所以最後都簽咗，都係辛苦一個月，唔知路途遠車費都好貴，好彩有幫補，雖然第二次入但都喺迷路，又白痴到唔識睇google,問人又比人點，最後十點都到，睇下入院的物品，bb會瞓邊同沖涼位置，跟住就睇下廚房的工具，最後講解下有咩要注意，入院的準備同送一些炒米茶包，等媽咪生完立即有得飲，傾下又中午，呢個媽咪好好知我唔熟就專登同我落去行一專，跟住就過老豆到同老豆飲茶後回家買餸，今晚人齊啲囡突然又想想食蜆，老公專登去買，買咗好大只的蜆，其實鼓椒炒大只就好好多，因為會先出水睇下，自從一次無睇炒到成鑊沙後，而家都唔會懶，嘥功夫先用水煮見只蜆微開口就可以攞起，之後先炒就確保每只都食得，而家開工無定時收，雖然話5：30但從未試過準時走，如果6點前走已經好好，之前有工人應該可以準時，但喺個有規律好似公司咁，但無論點我都會努力完成每一份工作