午餐在360

今日喺家姐娶心抱的大日子，今朝一早就去家姐家幫手，上次嫁女就熱鬧好多等新朗接新娘玩一輪就去男家，今次就喺到等無所事事，他們回來食啲嘢家姐，姐夫飲完心抱茶就他們趕出去影下相就去教堂行禮，我地就無一齊去幾個本來飲茶食午飯就去教堂，點知太多人家姐就提議去360我都唔知喺食咩，原來好似 pizza hurt 咁，我地七個人叫咗幾個餐share 食完就去教堂，哩間啲嘢幾好食，不過的自己覺得就貴咗啲，普通午餐一個飯加杯飲品最平都要$80左右加湯就另加十幾蚊，今次叫咗個墨汁海鮮飯，咖哩豬扒飯，肉醬意粉，三個鬆皮湯，二個沙律，雞翼同幾杯嘢，食完去教堂喺嗰度行完禮就去酒樓，影下相食下嘢等開席，今次婚禮都攪得好好，回禮小禮物就喺即影即有的相好有心思，高高興興又一日

晚餐之梅菜蒸鯇魚拌豆腐

今日比昨日更忙，仔餐喺清炒粟米什豆西蘭花加冬菇馬蹄蒸肉餅加個蕃茄大豆芽甘筍排骨湯，大人就多咗蒜茸黑椒雞翼，今日只係煎咗100只，已經一邊切一邊煎，下星期二就要二百只連仔可能更辛苦，自己就好緊張平時煎雞翼十點半就開始，但今日煮完仔同煮好湯又要蒸，無爐可以一邊煎一邊煮第二樣，好彩最後都趕到十二點開飯，今晚放工回去買咗豆腐滾湯，再買件鯇魚就回家，通常豆腐一件煮湯最後都淨咗，今次就用一半滾湯而另一半就蒸魚時放碟底，簡單加梅菜一齊蒸，出來的豆腐好好味，啲女都話好咁就唔洗浪費，簡簡單單又一餐

 細女開始教畫班同小手工，昨天上堂教的自己先行試試，好靚的生日蛋糕還有二款

晚餐之西餐

今日好忙都叫做搞得掂，今個月轉新餐單好多嘢都未煮過比啲仔食，好似今日就粟米魚柳同青炒蘑菇茄子，又要煎魚又要將茄子切細，大人就糖醋骨，魚香茄子同炒旺菜，木瓜雪耳南北杏排骨湯，樣樣都要切，邊炒邊切都無法，湯十點半起完就到仔餸，跟著就煮二個齋菜，本來以為可以一齊煮，但一個唔喺肉咩嘢都得，但另一個就真齋，隨咗肉還好多唔食得，搞掂完就到大人，十二點前搞掂食三圍，十二點二圍，點三一圍，尾圍幾個就點九，食完清潔又預備明天餐料，搞掂完就清潔收水又一天的工作，今晚知道個個都差唔多時間返就整下西餐，自從轉咗工都無煮，早二日大女先講好耐無食，好想食蒜茸包，螺絲粉...咁今晚就簡單整只係煲咗個蕃茄薯仔粟米湯，煎二塊牛扒，焗雞翼，豬扒，魚柳同雞串再加多個芝士白汁螺絲粉拌西蘭白椰花，開開心心又一餐

晚餐之梅子蒸烏頭

今日星期三學校食什糧，比煮三餸一湯更多嘢，但剛轉的餐單非常好，連仔都食腸粉就炒少個麵簡單好多，啲仔第一次食好開心問點解咁少粉，我就話喺腸粉唔夠再加，但就要食完粥後才可加，個個都好開心食得好快，再去大仔果度睇下點仔就話好好味可惜太少，下次可唔可以多啲，我就同主任講下次加多半條，今日有個西人Miss專登入廚房比手信我話去完台灣，雖然只係好少嘢但好開心，我無立即食帶回家同家人分享，今晚返到去唔太攰就買餸煮飯，哩幾日唔係湯飯就炒粉麵，去到街市買魚，肉菜就回家，最開心就個個返齊唔洗留，買咗條烏頭蒸豆豉，老公話蒸檸檬啦好味啲但又無，咁梅子得唔得話好過無，咁就用梅子蒸炒個菜同整個三色椒炒豬潤肉片同滾個蕃茄粟米湯快快手手又開餐

 台灣的手信

 今晚齊人一開四一人一件

晚餐之义燒肉片炒河

而家轉咗只打橫行同她的人入廚房，又轉新菜單好在自己手腳快，無比人打亂一樣做得好輕鬆，但啲人真係好頂我唔順，就話好忙不停喺到追，十點半起湯，十點三就開始追得未得未，搞掂完湯就追仔餸，是實上想玩我唔緊要，自己安排早啲去配合，現在趕到連洗手間都無得去，水就更難自己又好緊張趕趕趕，最好笑做多我哋幾年的人轉返入來主要喺幫我，但聽二個新人講要幫我做的只做一半，或者叫先做好似安排西人餐枱就搬部份好似我有份做留給我，無問題一樣搞掂，食完後要幫手清又只係攞些少，餐具，枱同椅又喺睇唔到，有校長喺到食就會做多啲，唔喺到就彩你都傻，開始熱都唔想整咁多，今晚返到去買到河粉同芽菜咁就買啲肉同义燒再加椰菜炒，滾個番茄湯同炒個菜又開餐