晚餐之大蝦芫茜皮蛋肉片湯飯

今日好忙做到夠鐘放工都未做完，好彩花姐幫手收尾，只係遲咗十幾分鐘走，星期一本來唔太忙，但今日老師生日會食完飯清潔完就立即再開工，又焗粟米片，蒸餃同炸春卷再開多個什果賓治，搞掂完又要準備明天的午餐料，整豬扒又啄又切又醃還有仔個啲，做完廚房又要去清潔校務處同收回水壺回廚房入水，未做完已經收工時間都無法，忙忙碌碌又一天，回家都唔太想整太多嘢，簡單煮個大蝦芫茜皮蛋鯇魚肉片湯飯，炒個菜將之前食淨的豬手加啲椒同金菇炒一碟，咁魚肉菜又開飯啦

材料：蝦6只，豬肉$10，鯇魚腩1件，皮蛋3只，飯2-3碗，薑絲1湯匙，芫茜同蔥各2元
醃豬肉料：豉油1湯匙, 糖1茶匙，水2湯匙，生粉1湯匙，油1茶匙

 豬肉洗淨切片加入醃料撈勻

 腩一定要切厚啲，煮時先唔會容易散

 切好加些少鹽同糖撈勻

 皮蛋去殼洗淨切細件，芫茜同蔥洗淨切碎

 水先加入薑絲煲滾

 加入肉片同芫茜頭

 再滾起就加魚同蝦

 所有材料熟就加芫茜蔥同鹽糖試味

 最後加入飯

 滾起就搞掂

晚餐之辛辣拉麵

雖然今日星期日都係好早起身，同學嫁女好開心，約咗她飲完茶幫手比帖其他同學，搞掂完就去奶奶到再回家又五點幾六點，今晚本我同老公食簡單煮麵，阿妹話要過來痴飯食，我話唔煮她就話請我哋落街食，老公就令願食麵，最後就買咗些少燒鴨，炒個菜同煮麵，是是旦旦又一餐

晚餐之芝士蒜茸肉碎焗茄子

今日佛誕唔洗返本來可以瞓晏啲，但星期六的節目喺去老豆到，都係早起去準備湯同一部份餸，今晚家姐同姐夫都過來食飯，下星期喺家姐做奶奶的大喜日子，我已整咗麻辣青瓜配手撕雞，同炆咗只黑椒豬手，叫老公買定魚，蝦同茄子，再整一個好味又簡單焗茄子，好好味同大家分享之餘都簡單講哩個茄子做法，下午出去同老豆飲完茶又係搞掂完就回家，返到去預備茄子入焗爐，炒個菜，灼個蝦，煎牛扒快快手手又開餐

 材料：茄子3-4只，肉碎$10, 蒜茸2湯匙，牛油20g,
             芝士100g，蒜鹽1湯匙

先將肉碎用豉油，糖撈勻

 茄子切片用鹽水浸

浸咗鹽水就唔會黑

 蒜頭去衣洗淨啄碎

 將茄子放入焗盤先pop茄子加入蒜茸灑些蒜鹽

 將茄子pop哂，面就加上碎肉

最後加入切片的牛油

放入焗爐 營190度先焗15分鐘

 焗到牛油蓉了

Pop上芝士 

 再入爐多焗10分鐘

 焗到芝士金黃色就食得

晚餐之炒麵

今日全部人返哂，以為好得閒星期五通常上午忙完，下午就清潔廚房訂下星期食材，洗油池，收水同拖寫字樓，點知啲人話唔舒服昨日已無返，喺主任面前咳話咳到死，咁就有特權早就，咁中途又要去幫手，唉真唔明點解人哋做咩都可以，我就點做都比人不停搵錯去講，好悶今晚放工無咩心機，唔想整太多又炒粉麵，好彩家人好好煮咩都食無難道，炒個麵同菜滾熱昨晚淨的湯，真係好簡單的一餐

晚餐之香煎黃花魚

今日又有人唔舒服無返，下午又有個話有事走二點，我見自己搞得掂淋住好心幫下手，點知比人一句講曬唔哂幫話做掂自己嘢都偷笑咁就算，點知主任入來同我講少咗個，叫我幫手我就話我想幫但有人叫我唔洗幫，點知個人發皮話我上午好忙好心叫我搞掂，我都費事再出聲而最好笑個主任唔出聲就走，如果唔係我可能又話我，算啦已經放棄你哋想點就點，下午就點到我暈，我食點九，點半就叫我食話下午無人我要出面幫手，咁是旦飲湯食少少就做咗自己廚房先，我覺得她們真過份我幫她們，咁我自己嘢又點，但我知自己一定無問題，但好唔公平，是實上邊有公平哩樣嘢，總之啲人想點就點，好忙的一天終於放工，今晚本來二個食完留餸留湯，二個女都話遲返，最後就因我遲走買完餸回家都七點幾，煮完她們都差唔多回來就食住等，簡單煎咗黃花魚，可能太趕又心情唔好，煎到條魚唔靚，但她們就食得好開心，炒個菜焗個骨，簡簡單單又一餐